અમદાવાદ: બસની ઓવરટેક કરતાં સ્ટુડન્ટનું બાઈક થયું સ્લિપ ને થયું મોત, બસ ચાલકના શું થયા હાલ, જાણો વિગત

અમદાવાદ: અમદાવાદના ચાણક્યપુરી વિસ્તારમાં વહેલી સવારે કોલેજ જઈ રહેલા એક કોલેજીયનનું ટોરેન્ટની બસની નીચે આવી ગયો હતો. બાઈક ચાલક બસની ઓવર ટેક કરતો હતો તે દરમિયાન બાઈક સ્લિપ ખાઈ ગયું હતું જેના કારણે બાઈક ચાલક બસની નીચે આવી ગયો હતો. જોકે ઘટનાસ્થળે જ કોલેજીયન યુવાનનું મોત નિપજ્યું હતું. અકસ્માતને પગલે લોકોના ટોળાં એકઠા થઈ ગયા હતા. ટોળાંએ રોડ ચક્કાજામ કરી દીધો હતો.

બાઈક ચાલક સુભલ પટેલ સવારે તેનું બાઈક લઈને કોલેજ જઈ રહ્યો હતો ત્યારે ચાણક્યપુરી આર સી ટેક્નિકલ પાસે ટોરેન્ટની નીચે આવી ગયો હતો. ગંભીર ઈજા પહોંચતા તેનું ઘટનાસ્થળે જ મોત નિપજ્યું હતું.

અકસ્માત થયા બાદ ટોરેન્ટ બસનો ડ્રાઈવર ડરના મારે નાસી છૂટ્યો હતો. જેને પગલે સ્થાનિક લોકોએ ચક્કાજામ કરીને વિરોધ કરવામાં આવ્યો હતો. પરંતુ બસ ચાલક સામેથી પોલીસ સામે હાજર થતાં તેની અટકાયત કરવામાં આવી હતી.

અમદાવાદના ચાણક્યપુરી વિસ્તારમાં વિદ્યાર્થીઓ બાઈક લઈને કોલેજ જઈ રહ્યો હતો તે દરમિયાન ટોરેન્ટની બસની ઓવર ટેક કરતો હતો તે દરમિયાન બસની આગળના ભાગે ચાલકનું બાઈક સ્લિપ ખાઈ ગયું હતું જેના કારણે તે બાઈખ ચાલક બસની નીચે આવી ગયો હતો. જેના કારણે ઘટનાસ્થળે જ બાઈક ચાલકનું મોત નિપજ્યું હતું.