અમદાવાદઃ શાંતિ સમિતિની સભ્ય યુવતી પોશ વિસ્તારના ફ્લેટમાં રમાડતી હતી જુગાર, પોલીસે કોને કોને પકડ્યાં ?

અમદાવાદ: વસ્ત્રાપુર પોલીસે જન્માષ્ટમીની રાતે પોશ વિસ્તાર બોડકદેવ વિસ્તારમાં આવેલા કસ્તૂરી ટાવરમાં જુગાર રમતાં પતિ-પત્ની સહિત સાત લોકોને ઝડપી પાડ્યા હતા. પોલીસે રોકડા રૂપિયા 47 હજાર, છ મોબાઈલ, વાહનો મળી રૂ.2.03 લાખનો મુદ્દામાલ જપ્ત કરી કાયદેસરની કાર્યવાહી હાથ ધરી છે.

આ ઉપરાંત મૂકેશ રતિલાલ પટેલ (રહે. કામેશ્વર પાર્ક સોસાયટી, જોધપુર), પ્રવીણ પરષોત્તમભાઇ પિત્રોડા (રહે.ન્યૂ.વૈશાલી સોસાયટી,બોડકદેવ) અને જયેશ બાબુભાઇ પટેલ (રહે. મુરલી એપાર્ટમેન્ટ, સેટેલાઇટ)ને ઝડપી પાડયાં હતાં. પોલીસે તમામ સામે કાયદેસરની કાર્યવાહી હાથ ધરી છે.

આ બાતમીના આધારે પી.એસ.આઈ. એમ.એ.વાઘેલા અને ટીમે મકાનમાં દરોડો પાડી જ્યોતિબહેન ગિરીશભાઈ ઠક્કર, ગિરીશભાઈ ઠક્કર( બંને રહે. કસ્તૂરી ટાવર, વસ્ત્રાપુર), મહેન્દ્ર મનુભાઈ જોશી (રહે. તક્ષશિલા એપાર્ટમેન્ટ, વસ્ત્રાપુર), શ્રવણ ગોરધનભાઈ પટેલ (રહે.સેટેલાઇટ પાર્ક, સેટેલાઈટને ઝડપી પાડ્યા હતા.

મળતી માહિતી મુજબ વસ્ત્રાપુર પોલીસ સ્ટેશનના પી.એસ.આઈ. એમ.એ.વાઘેલા અને ટીમને બાતમી મળી હતી કે બોડકદેવના અતિથિ રેસ્ટોરાં પાસે આવેલા કસ્તૂરી ટાવરમાં એ-1002 નંબરના મકાનમાં કેટલાક લોકો જુગાર રમી રહ્યા છે. ધનિક પરિવારના આ લોકો મોટી રકમનો જુગાર રમતાં હોવાની બાતમી મળી હતી.

રસપ્રદ વાત એ છે કે આરોપી યુવતી જયોતિ ઠક્કર વસ્ત્રાપુર પોલીસ સ્ટેશનમાં શાંતિ-સમિતિના સભ્ય છે. આમ લોકોને સાંતિના પાઠ ભણાવનારાં પોતે જ ગુનાખોરી કરતાં પકડાયાં છે. આ જ્યોતિબેનના પતિ અને આરોપી ગિરીશભાઈના ફ્લેટમાં આ જુગાર રમાતો હતો. આમ શાંતિ સમિતીનાં સભ્યનો ફ્લેટ જ જુગારનો અડ્ડો બન્યો હતો.