Shani Dev: જ્યોતિષ શાસ્ત્ર(Jyotish Shastra)માં શનિદેવને શ્રેષ્ઠ ગ્રહ તેમજ ક્રૂર અને ક્રોધી ગ્રહ માનવામાં આવે છે. શનિદેવને ન્યાયી અને કર્મ કારક દેવતા કહેવામાં આવે છે. આ ઉપરાંત તેમની પાસે કલયુગ(Kalyug)ના દંડાધિકારીની પદવી પણ છે. જો શનિદેવ પ્રસન્ન થાય છે તો તે જીવનને ખુશીઓથી ભરી દે છે. પરંતુ જો શનિ ગુસ્સે થઈ જાય તો સખત સજા આપે છે.
આ જ કારણ છે કે દરેક વ્યક્તિ શનિની ખરાબ નજરથી બચવાનો પ્રયાસ કરે છે. જ્યોતિષ શાસ્ત્રમાં શનિદેવને પ્રસન્ન કરવા અને તેમની ખરાબ નજરથી બચવા માટે ઘણા ઉપાયો (Shani dev Upay) જણાવવામાં આવ્યા છે. જો તમે પણ શનિદેવની શિક્ષાથી બચવા ઈચ્છો છો તો કોઈ એવું કામ ન કરો જે શનિદેવને પસંદ ન હોય. આવો જાણીએ કયા એવા કામો કરતા લોકો છે જેનાથી શનિદેવ ગુસ્સે થઈ જાય છે અને સજા આપે છે.
શનિદેવ આવા કામ કરનારને માફ કરતા નથી
- જે લોકો જાણીજોઈને અસહાય લોકોને હેરાન કરે છે અથવા પરેશાન કરે છે તેના પર શનિદેવ ખૂબ જ ગુસ્સે થાય છે. આવા કામ કરનારાઓને શનિદેવ ક્યારેય માફ કરતા નથી. જ્યારે આ લોકો પર શનિની ઢૈયા કે સાડા સાતી ફરે છે ત્યારે શનિદેવ ઘણા કષ્ટ આપે છે.
- શનિદેવ મહિલાઓ, વૃદ્ધો, અપંગ લોકો, મજૂરો અને પ્રાણીઓને હેરાન કરનારાઓને સજા કરવામાં પાછળ નથી રહેતા.
- જે લોકો જૂઠું બોલે છે, ચોરી કરે છે, ગરીબોના પૈસાની ઉચાપત કરે છે, ખોટી જુબાની આપે છે અને ગંદા ઈરાદા ધરાવે છે તેમને પણ શનિની ખરાબ નજરનો સામનો કરવો પડે છે.
- જે લોકો ખોટા કામ કરીને ખૂબ પૈસા કમાય છે, શનિદેવ તેમને એવી રીતે સજા આપે છે કે તેઓ તેમને રસ્તા પર લાવી દે છે. જે લોકો મહેનત કરીને પૈસા કમાય છે તેમના પર શનિદેવની કૃપા રહે છે.
Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.