Chandra Grahan 2024: વર્ષ 2024નું પ્રથમ ચંદ્રગ્રહણ આજે એટલે કે 25 માર્ચ, સોમવારે થઇ રહ્યું છે, અને આ દિવસે હોળી-ધૂળેટીનો તહેવાર પણ છે. વૈદિક જ્યોતિષ અનુસાર, સૂર્ય અને ચંદ્રગ્રહણ નિશ્ચિત સમયના અંતરાલ પર થાય છે. આ વખતે હોળી ચંદ્રગ્રહણની છાયામાં હશે. ભારતીય સમય અનુસાર આ ચંદ્રગ્રહણ 25 માર્ચે સવારે 10:23 વાગ્યે શરૂ થશે અને બપોરે 3:02 વાગ્યા સુધી ચાલશે. આ ઉપછાયા ચંદ્રગ્રહણ હશે. ઉપછાયા ચંદ્રગ્રહણ હોવાને કારણે તેને કોઈ ધાર્મિક માન્યતા નહીં હોય એટલે કે સુતક કાળ તેમાં માન્ય રહેશે નહીં. આ ચંદ્રગ્રહણ ભારતમાં જોઈ શકાશે નહીં. જ્યારે પણ ચંદ્રગ્રહણ અથવા સૂર્યગ્રહણ થાય છે, ત્યારે તે તમામ રાશિના લોકોના જીવનને અસર કરે છે. આ ચંદ્રગ્રહણ ત્રણ રાશિઓને અસર કરી શકે છે, જે તેમની સમસ્યાઓમાં વધારો કરી શકે છે. ચાલો જાણીએ આ કઈ રાશિઓ છે...
આ ત્રણ રાશિઓ માટે આજનું ચંદ્રગ્રહણ રહેશે ભારે -
કર્ક રાશિ
વર્ષનું પ્રથમ ચંદ્રગ્રહણ કર્ક રાશિના લોકો માટે સારું કહી શકાય નહીં. આ રાશિના જાતકોને તેમના કામમાં કેટલાક નુકસાન અને વિવિધ પ્રકારના અવરોધોનો સામનો કરવો પડી શકે છે. આર્થિક નુકસાનના સંકેતો છે અને તમારે સ્વાસ્થ્ય સંબંધિત કેટલીક સમસ્યાઓનો સામનો કરવો પડી શકે છે. નાની-મોટી ઈજા થવાની સંભાવના છે અને મન કોઈ વાતને લઈને પરેશાન રહી શકે છે. ભાગ્ય તમારો સાથ નહીં આપે જેના કારણે કામ અટકી શકે છે.
વૃશ્રિક રાશિ
વૃશ્ચિક રાશિના લોકો માટે ચંદ્રગ્રહણ શુભ રહેશે નહીં. સ્વાસ્થ્યમાં ઘટાડો થઈ શકે છે. લેવડ-દેવડમાં કોઈની સાથે વિવાદ થઈ શકે છે. તમારા પર કોઈ પ્રકારનો ખોટો આરોપ લગાવવામાં આવી શકે છે. તમારે આ દિવસે કોઈ નવું કામ કરવાનું ટાળવું પડશે. તમારે વૈવાહિક જીવનમાં કેટલીક મુશ્કેલીઓનો સામનો કરવો પડી શકે છે.
મીન રાશિ
મીન રાશિના લોકો પર ચંદ્રગ્રહણની ખરાબ અસર પડી શકે છે. આ દિવસે તમારે ખાસ ધ્યાન રાખવું પડશે. વાહન ચલાવતી વખતે તમારે વધારે સાવધાની રાખવાની જરૂર છે. નોકરિયાત લોકો કામ પર કામનો બોજ વધવાથી પરેશાની અનુભવી શકે છે. વ્યવસાયમાં નુકસાન થઈ શકે છે અથવા કોઈ મુદ્દા પર ભાગીદાર સાથે મતભેદ થઈ શકે છે.