નીમ કરોલી બાબાની તસવીરે Julia Robertsનું બદલી દીધું જીવન, પ્રોડકશન હાઉસનું નામ રાખ્યું 'ઓમ'

હોલીવુડ સ્ટાર જુલિયા રોબર્ટ્સ કહે છે કે, તેમની આધ્યાત્મિક યાત્રા કોઈ ચમત્કારથી કમ નથી જે નીમ કરોલી બાબાના ફોટોગ્રાફથી શરૂ થઈ હતી. આ આધ્યાત્મિક યાત્રા ખૂબ રસપ્રદ છે.

જુલિયા રોબર્ટ્સની આધ્યાત્મિક યાત્રા

Source : abp live

સદીઓથી, ભારત પ્રવાસીઓ, વિચારકો અને કલાકારોને આકર્ષિત કરતું રહ્યું છે, જેઓ પર્યટનથી આગળ વધુ ઊંડા, વધુ અર્થપૂર્ણ જીવનને શોધે છે. જુલિયા રોબર્ટ્સ આ આકર્ષણ વિશે વાત કરવા માટે સૌથી અગ્રણી વૈશ્વિક હસ્તીઓમાંની એક છે. એકેડેમી એવોર્ડ વિજેતા અભિનેત્રીએ સમજાવ્યું કે, હિન્દુ ધર્મમાં તેમનો કનેકશન કોઈ નાટકીય ઘટનાથી નહીં, પરંતુ નીમ કરોલી બાબાના એક સરળ ફોટોગ્રાફથી શરૂ થઇ હતી હતું.

જુલિયા રોબર્ટ્સ અને હિન્દુ ધર્મમાં રસ જગાડનાર ક્ષણ
અમેરિકન કાર્યક્રમ "ગુડ મોર્નિંગ અમેરિકા" માં  તેમણે એ ખુલાસો કર્યો કે, તેમની આધ્યાત્મિક યાત્રા કેવી રીતે શરૂ થઇ,  ધ ટાઇમ્સ ઓફ ઇન્ડિયાના એક અહેવાલ મુજબ, તેમણે કહ્યું હતું કે,  નીમ કરોલી બાબાનો ફોટો જોયા પછી તેમની હિન્દુ ધર્મમાં રુચિ જાગી.

તેમણ કહ્યું કે, "આદરણીય હિન્દુ સંત વિશે બહુ ઓછું જાણતી હોવા છતાં, મને તાત્કાલિક અને ગહન જોડાણ લાગ્યું. હું તેમને મળી ન હતી, તેમની સાથે વાત કરી ન હતી, કે તેમનો અભ્યાસ કર્યો ન હતો; મને ફક્ત એક કુદરતી આકર્ષણ જ જાગ્યું હતું એ પણ માત્ર એક તસવીર જોઇને."

તેમણે  નીમ કરોલી બાબા વિશે એક રસપ્રદ કિસ્સો શેર કર્યો.
જ્યારે તેમને પૂછવામાં આવ્યું કે, શું તેઓ ક્યારેય નીમ કરોલી બાબાને મળ્યા છે, ત્યારે તેમણે કહ્યું કે તેમનો ફોટો જોયાના ઘણા સમય પહેલા જ તેમનું અવસાન થઈ ગયું હતું. તેમ છતાં, તેમણે ઉમેર્યું કે, જીવનમાં સૌથી મહત્વપૂર્ણ ફેરફારો હંમેશા નાટકીય રીતે થતા નથી, પરંતુ ધીમે ધીમે પ્રગટ થાય છે અને સમય જતાં તે  આકાર લે છે.પછીના વર્ષોમાં, જુલિયા રોબર્ટ્સ ભારતની યાત્રા કરી, અને કૈંચી ધામની તેમની મુલાકાતે હિન્દુ ફિલસૂફી સાથે તેમનો સંબંધ ગાઢ બનાવ્યો.

રોબર્ટ્સે પોતાની પ્રોડક્શન કંપનીનું નામ 'ઓમ' રાખ્યું
જુલિયા રોબર્ટ્સનો અભિગમ  એવો છે કે તે  ભાગ્યે જ પોતાના વિચારો વિશે બોલે છે, પ્રચાર કરતાં ચિંતન કરવાનું પસંદ કરે છે. તમને જાણીને આશ્ચર્ય થશે કે, રોબર્ટ્સે પોતાની પ્રોડક્શન કંપનીનું નામ "રેડ ઓમ ફિલ્મ્સ" રાખ્યું છે, જે હિન્દુ પરંપરામાં પવિત્ર ઉચ્ચારણ ઓમનો સંદર્ભ છે, જે સર્જનના સાર્વત્રિક ધ્વનિનું પ્રતીક છે. ભારતમાં રોબર્ટ્સે પોતાના પરિવાર સાથે મંદિરોની મુલાકાત લીધી હોવાનું પણ કહેવાય છે, જે સૂચવે છે કે તેમના કાર્યો જિજ્ઞાસાથી આગળ વધીને વ્યવહારિક કાર્યો સુધી ગયા હતા.