Jioના જોરે મુકેશ અંબાણી બની ગયા એશિયાના બીજા સૌથી ધનિક વ્યક્તિ, હોંગકોંગના લી કા-શિંગને પાછળ છોડ્યા

મુકેશ અંબાણીએ દુનિયાના અમીરોના રેન્કિંગમાં વર્ષે 10 પોઇન્ટનો સુધારો કર્યો છે. બ્લૂમબર્ગ બિલિયોનર્સ ઇન્ડેક્સ અનુસાર તેઓ હવે દુનિયાના 19મા સૌથી અમીર વ્યક્તિ છે. 2016ના અંતે તેઓ 29મા સ્થાને હતા. મુકેશ અંબાણી 2008થી 2012 સુધી એશિયાની સૌથી અમીર વ્યક્તિ હતા.

રિલાયન્સ ઇન્ડસ્ટ્રીઝના સીએમડી મુકેશ અંબાણીએ 21 જુલાઈએ કંપનીની 40મી સામાન્ય વાર્ષિક બેઠકમાં 4જી ફીચર ફોન લોન્ચ કર્યો હતો. તે બાદ કંપનીના શેરના ભાવ ઝડપથી વધ્યા છે. રિલાયન્સ જિઓનું માર્કેટ બેઝ વધે તેવી પણ સંભાવના છે. જિઓની નવી ઓફરના કારણે હજુ પણ કંપનીનું માર્કેટ કેપિટલ વધવાની સંભાવના જોવાઈ રહી છે.

તેના અનુસાર મુકેશ અંબાણી હોંગકોંગના બિઝનેસમેન લી કા શિંગને ત્રીજા સ્થાને ધકેલીને એશિયાના બીજા સૌથી અમીર બન્યા છે. જ્યારે, ચીનના અલીબાબા જૂથના જેક મા પહેલા સ્થાને છે.

આ વર્ષે તેમની સંપત્તિ 12.5 અબજ ડોલર ( લગભગ 80,000 કરોડ રૂપિયા) વધી છે. તેમની કુલ સંપત્તિ 35.2 અબજ ડોલર (2.25 લાખ કરોડ રૂપિયા) થઇ ગઇ છે. બ્લૂમબર્ગ બિલિયોનર્સ ઇન્ડેક્સ રિપોર્ટમાં જાણકારી સામે આવી છે.

નવી દિલ્હીઃ રિલાયન્સ જિઓ દ્વારા ખૂબ જ સસ્તી ફોર જી સેવા આપવા છતા મુકેશ અંબાણીની સંપત્તિમાં સતત વધારો જોવા મળી રહ્યો છે અને આ જ કારણ છે કે તેઓ એશિયાના બીજા સૌથી ધનિક વ્યક્તિ બની ગયા છે. બ્લૂબબર્ગ બિલિયોનર ઇન્ડેક્સના હાલના આંકડામાં મકેશ અંબાણીએ હોંગકોંગના લી કા-શિંગને પછાડતા એશિયાના બીજા સૌથી ધનિક વ્યક્તિનું સ્થાન મેળવ્યું છે. એશિયાના સૌથી ધનિક લોકોની યાદીમાં મુકેશ અંબાણી પહેલા માત્ર અલીબાબા ગ્રુપના જેક મા છે.