Crime News: તાપી જિલ્લામાં ઘોર કળિયુગની સાબિતી આપતો કિસ્સો સામે આવ્યો છે. વાલોડ તાલુકાના એક ગામની સગીર વયની દીકરી તેના જ પિતાના દુષ્કર્મનો બોગ બની (A minor daughter became the victim of her own father's misdeeds) હતી. નરાધમ સગા પિતાએ સગી દીકરી પર દાનત બગાડી હતી. સગા બાપે હોસ્ટેલમાં રહી અભ્યાસ કરતી સગીર વયની દીકરી સાથે વારંવાર દુષ્કર્મ કરતા સગીરા ગર્ભવતી (pregnant) બની હતી. સગીર દીકરીને 9 અઠવાડિયા 3 દિવસનો ગર્ભ રહી જતા મામલો બહાર આવ્યો હતો. વાલોડ પોલીસે નરાધમ પિતા વિરૂદ્ધ ગુનો દાખલ કરી (FIR) કાયદેસરની કાર્યવાહી હાથ ધરી હતી.
અમદાવાદના પૂર્વ વિસ્તારમાં અસામાજિક તત્વો બેફમ બનીને નિર્દોષ લોકો ઉપર તિક્ષ્ણ હથિયારથી હુમલા કરી રહ્યા છે. ચમનપુરામાં બે મિત્રો બેઠા હતા આ સમયે બે શખ્સોએ આવીને તમે મારા દુશ્મના ત્યાં કેમ નોકરી કરો છો કહીને મિત્રને ઢોર મારીને યુવકને ચાકુુના ઘા મારીને લોહી લુહાણ કરી નાંખ્યો હતો અને જતા જતા આરોપીઓ એ ધમકી આપી હતી કે હવે પછી ત્યાં નોકરી કરશો તો જાનથી મારી નાંખીશું. ગંભીર રીતે ઘાયલ યુવકને સારવાર માટે સિવિલ હોસ્પિટલમાં ખસેડવો પડયો હતો. આ બનાવ અંગે મેઘાણીનગર પોલીસે ગુનો નોંધી વધુ તપાસ હાથ ધરી હતી. મેઘાણીનગર વિસ્તારમાં ચમનપુરા ખાતે રહેતા અને ભંગારના ગોડાઉનમાં નોકરી કરતા યુવકે મેઘાણીનગર પોલીસ સ્ટેશનમાં સરસપુરમાં રહેતા બે શખ્સો સામે ફરિયાદ નોંધાવી છે કે તા.27ના રોજ રાત્રે તેઓ સાથીદાર સાથે ગોડાઉનમાં સૂવા માટે જતા હતા ત્યારે ચાલીના નાકે પાડોશીનો ભાઇ આસિફ અને એક અજાણ્યો શખ્સ બંને ત્યાં બેઠા હતા.
તેઓએ ફરિયાદી યુવકને જોઇને તુરંત તમે આ મારા દુશ્મનના ગોડાઉનમાં કેમ કામ કરો છો તેમે કહીને ગાળો બોલીને બંને શખ્સો માર મારવા લાગ્યા હતા. એટલું જ નહી ચાકુથી હુમલો કરીને ફરિયાદી યુવકને લોહી લુહાણ કરી મુક્યો હતો. બુમાબુમ થતા આસપાસના લોકો આવી જતા બંને ત્યાંથી નાસી ગયા હતા જતા જતા ધમકી આપી કે ગોડ઼ાઉનમાં કામ કરશો તો જાનથી મારી નાખીશું ત્યારે ઇજાગ્રસ્ત યુવકને સારવાર માટે સિવિલ હોસ્પિટલમાં લઇ જવામાં આવ્યો હતો. આ ઘટના અંગે મેઘાણીનગર પોલીસે ગુનો નોંધી વધુ તપાસ હાથ ધરી હતી.