UP Crime News: ઉત્તરપ્રદેશના આગરામાં બિલ્ડિંગ પરથી ફેંકીને એક યુવતીને મારી નાંખવામાં આવી હતી. મૃતકની ઓળખ ફેશન બ્લોગર રિતિકા સિંહ તરીકે થઈ હતી. આ બ્લોગરના ઈન્સ્ટાગ્રામ પર 44 હજારથી વધારે ફોલોઅર્સ છે. તેની બોડી પોસ્ટમોર્ટમ બાદ કલાકો સુધી હોસ્પિટલમાં પડી રહી હતી. જ્યાં ઘટના બની ત્યાંથી થોડે દૂર જ તેના મા-બાપ રહે છે. મૃતક ગાઝિયાબાદની રહેવાસી હતી અને પતિને છોડી આગરામાં બોયફ્રેન્ડ સાથે લિવ ઈન રિલેશનશિપમાં રહેતી હતી.
ફેશન, ફૂડ, ટ્રાવેલ અને લાઇફ સ્ટાઇલ બ્લોગર રિતિકા સિંહના ઈન્સ્ટાગ્રામ પર 44 હજારથી વધારે ફોલોઅર્સ છે. તે લાઇફ સ્ટાઇલ પ્રોક્ટ્સના ફોટા અને વીડિયો સોશિયલ નેટવર્કિંગ પર પ્રમોશન કરતી હતી. દીકરીની ડેડ બોડી લેવા આવેલા માતા-પિતાએ પતિની સાથે પ્રેમીને પણ જવાબદાર ગણાવ્યો હતો. તેમણએ આરોપ લગાવ્યો કે રિતિકાના પતિ આકાશ ગૌતમ અને બોયફ્રેન્ડ વિપુલ અગ્રવાલ મળેલા છે. બેકાર આકાશ ઘણા દિવસોથી વિપુલ પાસેથી રૂપિયા લેતો હતો. રિતિકાએ તેની હત્યાના બે દિવસ પહેલા જ માતા પાસે ગાઝિયાબાદના ઘરે આવવાની વાત કરી હતી. પરંતુ પતિના ડરથી આવતી નથી. આકાશે તેની સાથે લવ મેરેજ કર્યા હતા.
આકાશની રિતિકા સાથે મુલાકાત આગરા નજીકના ટૂંડલા ગામમાં થઈ હતી. અહીં રિતિકાના મામા રહે છે. તેના મામાના ઘરની પાસે જ આકાશ રહેતો હતો. તે રિતિકાની પાછળ પડી ગયો અને પ્રેમ જાળમાં ફસાવવા ગાઝિયાબાદમાં રહેવા લાગ્યો. આ મામલો પોલીસ સુધી પહોંચ્યો હતો અને ત્યાંથી બંને વચ્ચે લગ્નની વાત આગળ વધી હતી. મૃતકની માતાએ જણાવ્યું જમાઈ આકાશ કામ ધંધો કરતો નહોતો. ઘરની જરૂરિયાતો પૂરી કરવા રિતિકા એક સ્કૂલમાં નોકરી કરવા લાગી. વિપુલ અગ્રવાલ આ સ્કૂલમાં પાર્ટનર હતો. ત્યાં રિતિકાની મુલાકાત વિપુલ સાથે થઈ અને થોડા સમય બાદ બંને સાથે રહેવા લાગ્યા. જેનાથી પતિ આકાશ સમસમી ઉઠ્યો હતો. તેણે રિતિકાના હાથ બાંધી ચોથા માળે નીચે ફેંકી હતી. જેના કારણે તેનું ઘટના સ્થળે જ મોત થયું હતું. આ ઘટનાને અંજામ આપવા તેણે એક મહિલા સહિત ત્રણ સાથીઓની મદદ લીધી હતી.