Lucknow Romance On Road Case: ઉત્તર પ્રદેશ પોલીસ લખનઉમાં સ્કૂટી પર કથિત અશ્લીલતા વાળા મામલામાં કાર્યવાહી કરી રહી છે, પોલીસે આરોપીની ધરપકડ કરી લીધી છે, અને છોકરીની તલાશ કરી રહી છે. રિપોર્ટ્સ અનુસાર, ભારતીય દંડ સંહિતા (IPC) ની કલમ 279 અને 294 હેઠળ કેસ નોંધવામાં આવ્યો છે.
ખરેખરમાં, સોશ્યલ મીડિયા પર એક યુવક અને યુવતીનો કથિત અશ્લીલતા વાળો વીડિયો વાયરલ થયો હતો, કથિત 'રૉડ પર રોમાન્સ'ની ઘટના લખનઉના હજરતગંજ વિસ્તારમાં ઘટી હતી, વીડિયોમાં એક કપલ (યુવક અને યુવતી) સ્કૂટી પર સવાર થઇને ક્યાંક જતા દેખાઇ રહ્યાં હતા.
વીડિયોમાં શું છે
હઝરતગંજ ઈન્ટરસેક્શન પાસે એક યુવક અને યુવતી સ્કૂટી પર ટ્રાફિકના નિયમોનો ભંગ કરી રહ્યાં છે. સ્કૂટી ચલાવતા યુવકના ખોળામાં બેઠેલી યુવતી યુવકને કિસ કરતી જોવા મળે છે. મંગળવારે મોડી સાંજે વીડિયો વાયરલ થયા બાદ યુપી પોલીસના ટ્વિટર હેન્ડલ પરથી સ્કૂટી સવાર યુવકો સામે કાયદેસરની કાર્યવાહી કરવા સૂચના આપવામાં આવી હતી.
કેટલી થશે શજા ?
મીડિયા રિપોર્ટ્સ અનુસાર, પોલીસે આઇપીસીની કલમ 279 અને 294 અંતર્ગત કેસ નોંધ્યો છે, જેમાં કલમ 279 સાર્વજનિક રસ્તા પર માનવ જીવનને ખતરામાં નાંખતા બેદરકારી કે ઉતાવળીમાં વાહન ચલાવવા સંબંધિત છે. આ કલમ અંતર્ગત દોષી ઠરવા પર કોઇ એક સમયમર્યાદા માટે જેલ થઇ શકે છે.જેને 6 મહિના સુધી લંબાવી શકાય છે કે પછી 1,000 રૂપિયાના આર્થિક દંડ લગાવવામાં આવી શકે છે કે બન્ને (જેલ કે દંડ)ને સજા આપવામાં આવી શકે છે.આ એક જામાનપાત્ર અને સંજ્ઞેય અપરાધ છે, જેની સુનાવણી કોઇપણ મેજિસ્ટ્રેટ તરફથી કરવામાં આવી શકે છે.
--
મોટર વ્હીકલ એક્ટ અને અશ્લીલતા ફેલાવવાનો આરોપ
મોટર વ્હીકલ એક્ટ અને અશ્લીલતા ફેલાવવાના આરોપમાં યુવક વિરુદ્ધ કાર્યવાહી કરવામાં આવશે. આ કપલનો વીડિયો તેમને ફોલો કરતા લોકોએ બનાવ્યો હતો અને સોશિયલ મીડિયા પર પોસ્ટ કર્યો હતો. વીડિયો વાયરલ થયા બાદ પોલીસ એક્શનમાં આવી ગઈ હતી અને સીસીટીવી કેમેરાની મદદથી યુવકને શોધી કાઢવામાં સફળ રહી હતી.
પોલીસે શું કહ્યું
એડીસીપી ટ્રાફિક અજય કુમાર સિંઘે કહ્યું હતું કે, વાયરલ વીડિયો, ચાર રસ્તાઓ પર લગાવવામાં આવેલા સીસીટીવી કેમેરાના ફૂટેજના આધારે સ્કૂટીના નંબરની તપાસ કરવામાં આવી રહી છે. સ્કુટી નંબરના આધારે બંનેની માહિતી એકત્ર કરીને જરૂરી કાયદેસરની કાર્યવાહી કરવામાં આવશે.