SIDBI Bank Recruitment 2023 Registration Begins: સ્મોલ ઈન્ડસ્ટ્રીઝ ડેવલપમેન્ટ બેંક ઓફ ઈન્ડિયાએ (SIDBI) ગ્રેડ A ભરતી 2023 માટે નોટિસ બહાર પાડી છે. આમાં આપવામાં આવેલી માહિતી અનુસાર, SIDBI બેંકના આસિસ્ટન્ટ મેનેજરના (assistant manager) પદ માટે નોંધણી આજથી એટલે કે બુધવાર, 8 નવેમ્બર 2023થી શરૂ થઈ ગઈ છે. જે ઉમેદવારો (candidates) આ ભરતી માટે અરજી કરવા માંગે છે તેઓ બેંકની સત્તાવાર વેબસાઇટની મુલાકાત લઈને ફોર્મ ભરી શકે છે. આ કરવા માટે, SIDBI બેંકની સત્તાવાર વેબસાઇટનું સરનામું છે – sidbi.in.
અરજી કરવાની કઈ છે છેલ્લી તારીખ
ઉપર દર્શાવેલ વેબસાઈટ પરથી પણ અરજી કરી શકાશે અને આ ખાલી જગ્યાઓની વિગતો પણ જાણી શકાશે. આ ભરતી અભિયાન દ્વારા આસિસ્ટન્ટ મેનેજર ગ્રેડ Aની કુલ 50 જગ્યાઓ ભરવામાં આવશે. આ ભરતીઓ માટે અરજી કરવાની છેલ્લી તારીખ 28 નવેમ્બર 2023 છે.
કોણ અરજી કરી શકે છે
આ પોસ્ટ્સ માટે અરજી કરવા માટે, ઉમેદવારે ઓછામાં ઓછા 60 ટકા માર્ક્સ સાથે માન્ય યુનિવર્સિટીમાંથી સ્નાતકની ડિગ્રી પ્રાપ્ત કરી હોય તે જરૂરી છે. અનામત વર્ગ માટે ટકાવારી 55 નક્કી કરવામાં આવી છે. ઉંમર 30 વર્ષથી વધુ ન હોવી જોઈએ. વધુ વિગતો માટે નોટિફિકેશન ચેક કરો.
પરીક્ષા વિના કરવામાં આવશે પસંદગી
આ જગ્યાઓ માટે ઉમેદવારોની પસંદગી કોઈપણ પરીક્ષા વિના કરવામાં આવશે. આ માટે તેઓએ ગ્રુપ ડિસ્કશન કરવાનું રહેશે અને ઇન્ટરવ્યુ લેવામાં આવશે. આ બંનેની તારીખો હજી જાહેર કરવામાં આવી નથી પરંતુ એવી શક્યતા છે કે તે ડિસેમ્બર 2023 અથવા જાન્યુઆરી 2024 મહિનામાં યોજવામાં આવી શકે છે. અપડેટ્સ માટે વેબસાઇટ તપાસતા રહો.
કેટલી ફી ચૂકવવી પડશે
આ પોસ્ટ્સ માટે અરજી કરવા માટે, જનરલ, EWS અને OBC કેટેગરીના ઉમેદવારોએ 1100 રૂપિયાની ફી ચૂકવવી પડશે. જ્યારે SC, ST અને PWBD કેટેગરી માટે ફી 175 રૂપિયા છે. જો પસંદ કરવામાં આવે તો પગાર 44500 રૂપિયાથી લઈને વધુમાં વધુ 89 હજાર રૂપિયા સુધીનો છે.
સ્ટેટ બેંક ઓફ ઇન્ડિયાએ મેનેજરની જગ્યા માટે લાયક ઉમેદવારો પાસેથી અરજીઓ મંગાવી છે. જેનું રજીસ્ટ્રેશન શરૂ થઈ ગયું છે. રસ ધરાવતા ઉમેદવારો એસબીઆઈના કરિયર પેજની મુલાકાત લઈને આ ખાલી જગ્યાઓની વિગતો જાણી શકે છે અને ત્યાં આપેલી ઓનલાઈન એપ્લિકેશન લિંક પરથી પણ અરજી કરી શકે છે.
Education Loan Information:
Calculate Education Loan EMI