સરકારી નોકરીની તૈયારી કરી રહેલા યુવાનો માટે ઇન્ડિયન કોસ્ટ ગાર્ડમાં નોકરી મેળવવાની તક છે. કોસ્ટ ગાર્ડે નવિક, યાંત્રિક અને હાઇજીનિસ્ટ-I સહિત કુલ 365 જગ્યાઓ પર ભરતી બહાર પાડી છે. અલગ-અલગ જગ્યાઓ માટે 10 અને 12 અથવા ડિપ્લોમાની લાયકાત માગવામાં આવી છે. આ ભરતી માટે ઓનલાઇન અરજી કરવાની છેલ્લી તારીખ 21 ઓક્ટોબર 2026 છે. ઇચ્છુક ઉમેદવારોએ છેલ્લી ઘડી સુધી રાહ જોયા વિના પોતાની લાયકાત ચકાસીને અરજી કરવી જોઈએ.
કઈ જગ્યાઓ પર થશે ભરતી?
આ ભરતી અંતર્ગત અલગ-અલગ જગ્યાઓ પર ઉમેદવારોની પસંદગી કરવામાં આવશે. તેમાં નાવિક જનરલ ડ્યૂટી GD, નાવિક ડોમેસ્ટિક બ્રાન્ચ (DB), યાંત્રિક અને હાઇજીનિસ્ટ-Iની જગ્યાઓનો સમાવેશ થાય છે. કુલ 365 જગ્યાઓ માટે અરજીઓ મગાવવામાં આવી છે. દરેક પદ માટે લાયકાત અલગ-અલગ હોવાથી ફોર્મ ભરતાં પહેલાં સંબંધિત પદ માટેની શરતો જરૂર વાંચી લેવી.
કયા પદ માટે કેટલો અભ્યાસ જરૂરી?
નાવિક જનરલ ડ્યૂટી ઉમેદવાર 12 પાસ હોવો જરૂરી છે. તેમાં ગણિત અને ભૌતિકશાસ્ત્ર વિષયો હોવા જોઈએ. જ્યારે નાવિક ડોમેસ્ટિક બ્રાન્ચ આ પદ માટે 10 પાસ ઉમેદવારો અરજી કરી શકે છે. યાંત્રિક આ પદ માટે સંબંધિત વિષયમાં એન્જિનિયરિંગ ડિપ્લોમા જરૂરી છે. તેમાં મિકેનિકલ, ઇલેક્ટ્રિકલ અથવા ઇલેક્ટ્રોનિક્સ સંબંધિત વિષયોનો સમાવેશ થાય છે.હાઇજીનિસ્ટ-I પદ માટે નક્કી કરેલી શૈક્ષણિક લાયકાત 10 પાસ છે. માત્ર 10 કે 12 પાસ હોવું દરેક પદ માટે પૂરતું નથી. અરજી કરતાં પહેલાં તમારી શૈક્ષણિક લાયકાત અને અન્ય જરૂરી નિયમોનો મેળ બેસે છે કે નહીં તેની ખાતરી કરી લેવી.
ઉંમર કેટલી હોવી જોઈએ અને ફી કેટલી છે?
આ ભરતીમાં ઉંમરની શરતો પદ અને બેચ પ્રમાણે અલગ-અલગ છે. કેટલીક જગ્યાઓ માટે ઉંમર 18થી 22 વર્ષની વચ્ચે રાખવામાં આવી છે, જ્યારે અન્ય પદો માટે વયમર્યાદા અલગ છે. અનામત વર્ગના ઉમેદવારોને નિયમો અનુસાર ઉંમરમાં છૂટછાટ મળી શકે છે. અરજી ફી અને તેમાં મળતી છૂટની ચોક્કસ માહિતી માટે સત્તાવાર નોટિફિકેશન તપાસવું. ફી ભરતાં પહેલાં તમારા વર્ગ માટે કેટલી ફી નક્કી કરવામાં આવી છે તેની પણ ખાતરી કરી લેવી.
ઉમેદવારોની પસંદગી કેવી રીતે થશે?
ઉમેદવારોએ પસંદગી માટે અનેક તબક્કામાંથી પસાર થવું પડશે. તેમાં કમ્પ્યુટર આધારિત લેખિત પરીક્ષા, શારીરિક ક્ષમતા કસોટી, દસ્તાવેજોની ચકાસણી અને મેડિકલ ટેસ્ટનો સમાવેશ થાય છે. સૌપ્રથમ સત્તાવાર વેબસાઇટ ખોલો અને ભરતી સંબંધિત નોટિફિકેશન વાંચો. અરજીની લિંક પર જઈને જરૂરી માહિતી ભરો. તમારી શૈક્ષણિક લાયકાત અને અન્ય જરૂરી દસ્તાવેજોની વિગતો દાખલ કરો. લાગુ પડતી હોય તો અરજી ફી જમા કરો. ફોર્મમાં ભરેલી તમામ વિગતો સારી રીતે તપાસીને સબમિટ કરો.અરજી પૂર્ણ થયા બાદ ફોર્મની કોપી ડાઉનલોડ કરવાનું ભૂલશો નહીં.
Education Loan Information:
Calculate Education Loan EMI