પાઘડી બાંધીને સની દેઓલે ગુરુદાસપુરથી ભર્યુ ઉમેદવારી ફોર્મ, ભાઇ બૉબી પણ રહ્યો સાથે

નામાંકન દરમિયાન તેની સાથે ભાઇ બૉબી દેઓલ પણ સાથે રહ્યો હતો. સની દેઓલની સાથે કેન્દ્રીય મંત્રી વીકે સિંહ અને જિતેન્દ્ર સિંહ પણ હાજર રહ્યાં હતાં. સનીએ પોતાનું અસલી નામ ‘અજય સિંહ દેઓલ’ નામથી ઉમેદવારી ફોર્મ ભર્યુ હતું

નવી દિલ્હીઃ બૉલીવુડ અભિનેતા સની દેઓલે પંજાબના ગુરુદાસપુરથી પોતાનું ઉમેદવારી ફોર્મ ભર્યુ છે. સની દેઓલ પંજાબના ગુરુદાસપુરથી બીજેપીની ટિકીટ પરથી લોકસભા ચૂંટણી લડી રહ્યો છે, તે તાજેતરમાં જ બીજેપીમાં સામેલ થયો હતો.

નામાંકન દરમિયાન તેની સાથે ભાઇ બૉબી દેઓલ પણ સાથે રહ્યો હતો. સની દેઓલની સાથે કેન્દ્રીય મંત્રી વીકે સિંહ અને જિતેન્દ્ર સિંહ પણ હાજર રહ્યાં હતાં. સનીએ પોતાનું અસલી નામ ‘અજય સિંહ દેઓલ’ નામથી ઉમેદવારી ફોર્મ ભર્યુ હતું.

સની દેઓલ નામાંકન બાદ એક રેલી કરશે, ત્યારબાદ તે મુંબઇમાં મત આપવા જશે. 1 મે બાદ સની દેઓલ સતત પોતાના મત વિસ્તારમાં પ્રચાર કરશે. તેમના પિતા ધર્મેન્દ્ર અને ભાઇ બૉબી પણ તેની સાથે પ્રચારમાં જોડાશે. સની દેઓલની ટક્કર કોંગ્રેસના સુનીલ જાખડ સાથે છે.