આગામી લોકસભા 2019ની ચૂંટણીને આડે હવે ગણતરીના જ દિવસો બાકી રહ્યા ત્યારે જામનગરના રાજકારણમાં ફરી ગરમાવો જોવા મળ્યો હતો. જામનગર શહેર કોંગ્રેસના પ્રમુખ સહિત 10 જેટલા લોકો ભાજપમાં જોડાયા હતાં ત્યારે રવિવારે બપોર બાદ લોકસભાના કોંગ્રેસના ઉમેદવાર મુળુભાઇ કંડોરીયાના રોડ શોમાં જામનગરના સંસદસભ્ય પૂનમબેન માડમના પિતરાઇ ભાઈ અને ભાજપ મીડિયા સેલ શિક્ષણ સમિતિના સદસ્ય નીતિન માડમ કોંગ્રેસમાં જોડાયા છે.
જામનગરના ચાંદીબજાર વિસ્તારમાંથી કોંગ્રેસના ઉમેદવાર મુળુભાઇ કંડોરીયા દ્વારા રોડ શોની શરૂઆત કરવામાં આવી હતી જ્યાં રોડ શોની શરૂઆતમાં જ નિતિન માડમે ઉમેદવાર મુળુભાઈના હસ્તે કોંગ્રેસનો ખેસ પહેરી કોંગ્રેસમાં જોડાયા હતાં.