નવી દિલ્હીઃ ભોજપુરી ઇન્ડસ્ટ્રી છેલ્લા થોડાક વર્ષોમાં ઘણુ આગળ નીકળી ચૂકી છે. ભોજપુરી સ્ટાર્સ પણ હવે ફક્ત યુપી, બિહાર પુરતા ન રહેતા નેશનલ ક્રશ પણ બની રહ્યાં છે. ભોજપુરી સિનેમામાં દિનેશ લાલ યાદવ, આમ્રપાલી દુબેનો ડંકો છે, આ સ્ટાર્સના લાખોમાં ફેન્સ છે, તેમને વીડિયો કે તસવીરો સોશ્યલ મીડિયા પર આવતાની સાથે જ સેકન્ડોમાં વાયરલ થઇ જાય છે, અને ધમાલ મચાવવા લાગે છે.
ખરેખરમાં, આમ્રપાલી દુબેએ ઇન્સ્ટાગ્રામ પર એક લેટેસ્ટ વીડિયો શેર કર્યો છે, આ વીડિયોમાં નિરહૂઆ અને આમ્રપાલી ફેમસ મૂવી 'વિજયપથ'ના આઇકૉનિક સૉન્ગને રિક્રિએટ કરતા દેખાઇ રહ્યાં છે. વીડિયોમાં બન્ને સ્ટાર ફેમસ સોન્ગ 'રાહોં મેં ઉનસે મુલાકાત હો ગઇ' ગીત ગાતા દેખાઇ રહ્યાં છે. ખાસ વાત છે કે વીડિયોમાં નિરહૂઆ એક્ટર અજય દેવગન અને આમ્રપાલી અભિનેત્રી તબ્બૂ બનેલી છે. વીડિયોમાં બન્નેની જબરદસ્ત કેમેસ્ટ્રી જોવા મળી રહી છે.
ફેન્સને નિરહૂઆ અને આમ્રપાલીની આ શાનદાર કેમેસ્ટ્રી ખુબ પસંદ આવી રહી છે. બન્ને સ્ટાર્સ હવે અપકમિંગ ફિલ્મ કલાબંદમાં સાથે દેખાશે. હાલમાં બન્ને શૂટિંગમાં વ્યસ્ત છે.
---