Ajay Devgn Bhola Review: ફિલ્મ 'દ્રશ્યમ 2'ની અપાર સફળતા બાદ બોલિવૂડ સુપરસ્ટાર અજય દેવગણ અને અભિનેત્રી તબ્બુ ફિલ્મ 'ભોલા' લઈને આવી રહ્યા છે. આવતીકાલે 30 માર્ચે 'ભોલા' સિનેમાઘરોમાં રિલીઝ થશે. આ ફિલ્મને લઈને ચાહકોમાં જોરદાર હાઈપ છે. આ દરમિયાન જેમણે 'ભોલા'ના પ્રી-રિલિઝ શો જોયા છે તેઓએ હવે સોશિયલ મીડિયા પ્લેટફોર્મ ટ્વિટર પર તેમની પ્રતિક્રિયાઓ આપવાનું શરૂ કર્યું છે. આવી સ્થિતિમાં ચાલો જાણીએ કે ફિલ્મ 'ભોલા'નો ટ્વિટર રિવ્યુ શું કહે છે.
જાણો 'ભોલા'નો ટ્વિટર રિવ્યૂ
અજય દેવગન ફિલ્મ 'ભોલા'ને લઈને ખૂબ જ ઉત્સાહિત છે. એક અભિનેતા અને દિગ્દર્શક તરીકે અજયે આ ફિલ્મ માટે ઘણી મહેનત કરી છે. આ દરમિયાન જે લોકોએ આ ફિલ્મ 'ભોલા'ને રિલીઝ પહેલા પ્રેસ શોમાં જોઈ છે. તેમની પ્રતિક્રિયાઓ ટ્વિટર પર સતત આવી રહી છે. એક ટ્વિટર યુઝરે ટ્વીટ કર્યું કે- 'ભોલા એક જબરદસ્ત ફિલ્મ છે, જે તમારા રૂવાટા ઊભા કરી દેશે. તે ભોલા નથી, તે ખૂબ જ હોંશિયાર છે, ખૂબ જ મસ્ત છે, તબ્બુ શાનદાર છે. તે જોવી જ જોઈએ, મેં તેને પ્રેસ શોમાં જોઇ છે અને ફરીથી જોઈશ. આ ઉપરાંત તમામ ચાહકો પણ ફિલ્મ 'ભોલા'ને લઈને પોતપોતાની પ્રતિક્રિયા આપી રહ્યા છે.
ચાહકોએ આવી પ્રતિક્રિયાઓ આપી
અજય દેવગણ સ્ટારર ફિલ્મ 'ભોલા' વિશે, એક ટ્વિટર યુઝરે લખ્યું છે કે- 'ભોલાનો સ્પેશિયલ સ્ક્રીનિંગ શો, વન વર્ડ માસ્ટરપીસ ફિલ્મ, આઉટ ઓફ વર્લ્ડ, હોલિવૂડ જેવી એક્શન.' અન્ય એક ટ્વિટર યુઝરે ટ્વીટ કરીને લખ્યું કે- 'ભોલાના દરેક સીનને જોયા બાદ થિયેટરમાં લોકો જોરથી સીટી વગાડતા હશે. આ રીતે ઘણા લોકો ફિલ્મ 'ભોલા' વિશે પોતપોતાના રિવ્યુ આપી રહ્યા છે. ખબર છે કે અજય દેવગનની ફિલ્મ 'ભોલા' સાઉથ સિનેમાની સુપરહિટ ફિલ્મ 'કૈથી'ની ઓફિશિયલ રિમેક છે.