બોલિવૂડની આ એક્ટ્રેસ ગુજરાતી ફિલ્મમાં કરશે ડેબ્યૂ, ‘હેટ સ્ટોરી-3’માં આપ્યા હતા બૉલ્ડ સીન

નવી દિલ્હીઃ બોલિવૂડની જાણીતી એક્ટ્રેસ અને હેટ સ્ટોરી 3માં બોલન્ડ સીન આપી ચૂકેલ એક્ટ્રેસ ડેઝી શાહ હવે પોતાની માતૃભાષા એટલે કે ગુજરાતી ફિલ્મોમાં જોવા મળશે. ડેઝી કહે છે કે, તેના માટે સ્ક્રિપ્ટ જ હીરો છે, જો તે પસંદ આવે તો તે કોઈપણ ભાષાની ફિલ્મ કરવા માટે તૈયાર છે.

મીડિયા રીપોર્ટ્સ પ્રમાણે ડેઝી ફિલ્મ ‘ગુજરાત 11’થી ગુજરાતી ફિલ્મોમાં ડેબ્યૂ કરવા જઇ રહી છે. આમાં તે ફૂટબૉલ કૉચની ભૂમિકામાં જોવા મળશે. આ ફિલ્મમાં તેની સાથે પ્રતીક ગાંધી જોવા મળશે.

ડેઝી શાહે એક ઇન્ટરવ્યૂમાં પોતાના આ ડેબ્યૂને લઇને જણાવ્યું કે તેના મિત્રોને તેણે આ શીખામણ આપી હતી કે બોલીવૂડ ઉપરાંત પણ તેણે બીજી ભાષાઓમાં ફિલ્મો કરવી જોઇએ. તેણે જણાવ્યું કે, “આવામાં જ્યારે વાત મારી માતૃભાષાની ફિલ્મની આવી તો હું ના ન પાડી શકી. આ ઉપરાંત સ્ક્રિપ્ટ પણ ઘણી જ સારી હતી. બસ, પછી ફિલ્મ માટે હા પાડી દીધી.” ડેઝીએ કહ્યું કે તેના માટે ફિલ્મની સ્ક્રિપ્ટ જ હીરો છે. જો તેને સ્ક્રિપ્ટ પસંદ આવી જાય તો તે બીજુ કંઇ વિચારતી નથી. ગુજરાતી ફિલ્મમાં કામ કરવાને લઇને તે પોતાને લકી માને છે.

ઉલ્લેખનીય છે કે ડેઝી શાહે સલમાન ખાનની ‘જય હો’ ફિલ્મથી બોલીવુડમાં ડેબ્યૂ કર્યું હતુ. તે છેલ્લે ‘હેટ સ્ટોરી-3’માં બોલ્ડ અવતારમાં જોવા મળી હતી. હવે તે ગુજરાતી ફિલ્મોમાં ડેબ્યૂ કરીને કંઇક નવું કરવા જઇ રહી છે.