Actor Armaan Kohli Gets bail: ડ્રગ્સના કેસમાં એક વર્ષથી વધુ સમયથી જેલમાં રહેલા અભિનેતા અરમાન કોહલી (Armaan Kohli)માટે રાહતના સમાચાર આવ્યા છે. બોમ્બે હાઈકોર્ટે (Bombay high court)તેમની જામીન અરજી મંજૂર કરી છે. કોર્ટે તેને 1 લાખ રૂપિયાના અંગત બોન્ડ પર જામીન આપવાનો આદેશ આપ્યો છે. કોહલીની ગયા વર્ષે નાર્કોટિક્સ કંટ્રોલ બ્યુરો (NCB) દ્વારા ડ્રગ્સ સંબંધિત કેસમાં ધરપકડ કરવામાં આવી હતી.
કોર્ટે તેની અરજી ફગાવી દીધી હતી
આ વર્ષે ફેબ્રુઆરીમાં એનડીપીએસ કોર્ટમાં અરમાન કોહલી વતી વચગાળાના જામીન માટેની અરજી દાખલ કરવામાં આવી હતી. કોહલી વતી અરજીમાં કહેવામાં આવ્યું હતું કે તે તેના બીમાર માતા-પિતાને મળવા માંગે છે, તેથી તેને 14 દિવસ માટે વચગાળાના જામીન આપવામાં આવે. જોકે કોર્ટે તેની અરજી ફગાવી દીધી હતી. બાદમાં તેણે બે દિવસ માટે વચગાળાના જામીન માટે અપીલ કરી હતી. આ પહેલા સ્પેશિયલ કોર્ટ અને બોમ્બે હાઈકોર્ટ દ્વારા તેમની જામીન અરજીઓ ફગાવી દેવામાં આવી હતી.
શું છે સમગ્ર મામલો
તમને જણાવી દઈએ કે નાર્કોટિક્સ કંટ્રોલ બ્યુરોએ ગયા વર્ષે જુલાઈમાં દાવો કર્યો હતો કે તેઓએ એક વ્યક્તિ પાસેથી 25 ગ્રામ મેફેડ્રોન જપ્ત કર્યું હતું. આ સિવાય અરમાન કોહલીના ઘરેથી 1.2 ગ્રામ કોકેન જપ્ત કરવામાં આવ્યું હતું. કોહલી અને કથિત પેડલર્સ સહિત પાંચ અન્ય લોકોની ઓગસ્ટમાં ધરપકડ કરવામાં આવી હતી. એનસીબીએ અરમાનનો ફોન પણ જપ્ત કર્યો હતો, જેમાં તેણે આંતરરાષ્ટ્રીય ડ્રગ કાર્ટેલને લગતા ફોટોગ્રાફ્સ અને ચેટ્સના સ્વરૂપમાં ગુનાહિત પુરાવા મળ્યા હોવાનો દાવો કર્યો હતો.
આ રીતે કરાઈ હતી ધરપકડ
ગયા વર્ષે 28 ઓગસ્ટે NCBએ હાજી અલી નજીક દરોડા પાડ્યા હતા. અજય રાજુ સિંહ નામનો મોટા ડ્રગ્સ પેડલર અહીંથી ઝડપાયો હતો. તેની પાસેથી 25 ગ્રામ એમડી મળી આવ્યો હતો. તે 2018ના NNC મુંબઈ કેસમાં પણ સામેલ હતો, જ્યાં મોટી માત્રામાં ડ્રગ્સ મળી આવ્યા હતા. અજયની ધરપકડ બાદ તેની પૂછપરછ કરવામાં આવી હતી. મળતી માહિતી મુજબ આ જ પૂછપરછમાં અરમાન કોહલીનું નામ સામે આવ્યું હતું. NCBની તપાસમાં અભિનેતા અરમાન કોહલીના ઘરે દરોડામાં ડ્રગ્સ મળી આવ્યું હતું અને ત્યારબાદ પૂછપરછ બાદ અરમાન કોહલીની ધરપકડ કરવામાં આવી હતી.