Amitabh Bachchan Health: બોલિવૂડ મેગાસ્ટાર અમિતાભ બચ્ચને (Amitabh Bachchan) મંગળવારે તેમના બ્લોગ પર તેમની તાજેતરની ઈજા વિશે આરોગ્ય અપડેટ શેર કર્યું. આ પહેલા પણ બિગે બ્લોગ દ્વારા પોતાની ઈજા વિશે જણાવ્યું હતું. પોતાના બ્લોગમાં તેમણે કહ્યું, “સૌથી પહેલા..મારી ઈજા અંગે ચિંતા વ્યક્ત કરનારા બધા માટે હું મારો આભાર અને પ્રેમ વ્યક્ત કરું છું. ધીમે ધીમે..તેમાં સમય લાગશે..અને ડોકટરો દ્વારા જે સૂચવવામાં આવ્યું છે તેનું ચુસ્તપણે પાલન કરવામાં આવી રહ્યું છે..આરામ કરો અને છાતી પર પાટો બાંધો..બધું કામ બંધ છે અને સ્થિતિમાં સુધારો થશે અને તબીબી ખાતરી આપ્યા પછી જ શરૂ થશે..પરંતુ તે બધાનો ખૂબ ખૂબ આભાર.. ❤️”
જલસામાં થયું હોલિકા દહન
બિગ બીએ પોતાના બ્લોગમાં જલસામાં હોલિકા દહન વિશે જણાવ્યું હતું. તેમણે લખ્યું, "ગઈ રાત્રે જલસામાં હોલિકા દહન કરવામાં આવ્યું. હોળીના દિવસે તારીખને લઈને સૌ કોઈ મૂઝવણમાં હતું. જો કે ગત રાત્રે હોલિકા દહન કરવામાં આવ્યું. હું આરામ કરું છું. જો કે આ ખુશીના તહેવાર પર મારી શુભકામના તમારી સાથે છે. તમારા જીવનમાં રંગોની હોળી બહુ બધા રંગો લઈને આવે. હમણાં માટે હંમેશની જેમ આભાર.
'પ્રોજેક્ટ કે'ના સેટ પર ઈજા થઈ
અમિતાભ બચ્ચને સોમવારે પુષ્ટિ કરી હતી કે તેમને પાંસળીમાં ઈજા થઈ છે. તેમણે પોતાના બ્લોગમાં જણાવ્યું હતું કે એક એક્શન સીન કરતી વખતે તેને ઈજા થઈ હતી, ત્યારબાદ તેમણે શૂટિંગ છોડીને મુંબઈ પરત ફરવું પડ્યું હતું. તેમણે લખ્યું, "હૈદરાબાદમાં 'પ્રોજેક્ટ કે' માટે શૂટિંગ કરતી વખતે, એક એક્શન શૉટ દરમિયાન મને ઈજા થઈ, ઇજાના લીધે શૂટ રદ કર્યું, ડૉક્ટરની સલાહ લીધી અને હૈદરાબાદની AIG હોસ્પિટલમાં સીટી દ્વારા સ્કેન કરાવ્યું અને ઘરે પાછો ગયો. સ્ટ્રેપિંગ કરવામાં આવી છે અને આરામની હિમાયત કરવામાં આવી છે. હા પીડાદાયક છે. હલનચલન અને શ્વાસ લેવામાં તકલીફ થઈ રહી છે. તેઓ કહે છે કે સામાન્ય થવામાં થોડા અઠવાડિયા લાગશે. દુખાવા માટે કેટલીક દવાઓ પણ ચાલી રહી છે."
આ પણ વાંચો: Amitabh Bachchan Gets Injured: અમિતાભ બચ્ચન ઘાયલ, પ્રભાસના પ્રોજેક્ટ કેનું ચાલી રહ્યું હતું શૂટિંગ
Amitabh Bachchan Gets Injured: બોલિવૂડના મેગાસ્ટાર અમિતાભ બચ્ચન (Amitabh bachchan) શૂટિંગ દરમિયાન એક મોટી દુર્ઘટનાનો શિકાર બન્યા છે અને આ દરમિયાન તેમને ઈજા પણ થઈ છે. પોતાના બ્લોગ દ્વારા માહિતી આપતા અમિતાભ બચ્ચને(Amitabh bachchan) પોતે કહ્યું કે હૈદરાબાદમાં શૂટિંગ દરમિયાન તેમનો અકસ્માત થયો હતો. તેણે કહ્યું કે તે તેની આગામી ફિલ્મ 'પ્રોજેક્ટ કે'ના એક્શન સિક્વન્સના શૂટિંગ દરમિયાન ઘાયલ થયા છે અને હાલમાં તે મુંબઈમાં તેમના ઘરે આરામ કરી રહ્યા છે.
અમિતાભ બચ્ચનને શૂટિંગ દરમિયાન પહોંચી ઈજા
બિગ બીએ (Amitabh bachchan) તેમના બ્લોગમાં લખ્યું, ke "હૈદરાબાદમાં 'પ્રોજેક્ટ કે' માટે શૂટિંગ કરતી વખતે, એક એક્શન શૉટ દરમિયાન હું ઘાયલ થયો છું.. પાંસળીની કાર્ટિલેજ પોપ થઈ ગઈ હતી અને જમણા પાંસળીના પાંજરામાં સ્નાયુ ફાટી ગયા હતા, શૂટ રદ કરવામાં આવ્યું છે. AIG હોસ્પિટલમાં ડૉક્ટરની સલાહ લીધી અને સીટી સ્કેન કર્યું. હું હૈદરાબાદથી ઘરે પાછો આવી ગયો છું. પાટો બાંધવામાં આવ્યો છે અને બાકીની સારવાર ચાલી રહી છે. હા તે દુઃખદાયક છે, હલનચલન અને શ્વાસ લેવામાં થોડી તકલીફ છે, તેઓને સાજા થવામાં થોડા અઠવાડિયા લાગશે, તે સામાન્ય થાય તે પહેલા દુખાવો ના થાય માટે કેટલીક દવા પણ ચાલી રહી છે.
બીગ બીએ જણાવી હેલ્થ અપડેટ
તેમણે વધુમાં કહ્યું કે, “ઈજાના કારણે જે કામ કરવાનું હતું તે હાલ પૂરતું બંધ કરી દેવામાં આવ્યું છે. જ્યાં સુધી સારવાર પૂરી ન થાય ત્યાં સુધી તમામ કામ બંધ રહેશે. અત્યારે હું જલસામાં આરામ કરી રહ્યો છું અને બધી જરૂરી પ્રવૃત્તિઓ માટે મોબાઈલ છે.. આરામ કરી કરી રહ્યો છું અને સામાન્ય રીતે સૂઈ રહ્યો છું. તે કહેવું મુશ્કેલ હશે કે હું આજે સાંજે જલસા ગેટ પર શુભેચ્છકોને મળી શકીશ નહીં.. તેથી આવતા નહી.. અને જેઓ આવવાના છે તેમને તમે બને તેટલું કહો કે તેઓ પણ ના આવે. બાકી ઠીક છે.''