સોનુ સૂદ ટ્વીટ કરીને જાણકારી આપતા આરોપીને ચેતાવણી પણ આપી છે. બૉલીવુડ એક્ટર સોનુ સૂદને ગુસ્સો ત્યારે આવ્યો જ્યારે તેને ખબર પડી કે તેના નામથી ફરી એકવાર ફેક એકાઉન્ટ ચાલી રહ્યું છે. એક્ટરે ચોખ્ખા શબ્દોમાં આરોપીને ચેતાવણી આપી દીધી અને ટ્વીટ કર્યું- ભોળા -માસૂમ લોકોને છેતરવાના ગુનામાં તને જલ્દી પકડી લેવામાં આવશે, આ પહેલા તુ સુધરી જા.
આવુ પહેલીવાર નથી જ્યારે સોનુ સૂદના નામ પર આવી હરકતો ચાલી રહી હોય. આ પહેલા પણ આ પ્રકારના કેટલાય કેસો સામે આવી ચૂક્યા છે. આ પછી ખુદ અભિનેતાએ ખુદ સામે આવીને પોતાના ફેન્સને ચેતવવા પડ્યા છે, જેથી તે છેતરપિંડી કે ફ્રૉડનો શિકાર ના બની જાય.
નોંધનીય છે કે, કોરોના વાયરસ દરમિયાન લૉકડાઉનમાં એક્ટર સોનુ સૂદે દેશના પ્રવાસી મજૂરો અને ગરીબોને ઘર સુધી પહોંચાડવા ખુબ મદદ કરી હતી. આ સિલસિલો હજુ પણ ચાલુ જ છે. હાલના સમયમાં સોનુ સૂદ ગરીબોનો મસીહા બની ચૂક્યો છે.