શાહરૂખ ખાનની જેમ સલમાન ખાને પણ ખરીદી ક્રિકેટ ટીમ, જાણો કેટલા કરોડમાં મળી ફ્રેન્ચાઇઝી ?

Salman Khan cricket team:

(તસવીર- એબીપી લાઇવ)

Source : એબીપી અસ્મિતા

Salman Khan cricket team: બોલિવૂડના 'કિંગ ખાન' શાહરૂખ ખાનની જેમ, ભાઈજાન સલમાન ખાન પણ એક ક્રિકેટ ટીમનો માલિક બની ગયો છે. જોકે, સલમાન એક ટેનિસ લીગમાં એક ટીમનો માલિક બની ગયો છે, જ્યારે શાહરૂખ ખાન વિશ્વની સૌથી મોટી ક્રિકેટ લીગ, ઇન્ડિયન પ્રીમિયર લીગમાં કોલકાતા નાઈટ રાઇડર્સનો માલિક છે.

બોલીવુડ સુપરસ્ટાર સલમાન ખાન ISPL ની નવી દિલ્હી ફ્રેન્ચાઇઝીનો માલિક બનશે. આ નવી ટીમ ISPL માં એવા સમયે ઉમેરવામાં આવી છે જ્યારે લીગ તેની બીજી સિઝનમાં રેકોર્ડબ્રેક લોકપ્રિયતા મેળવી ચૂકી છે. ISPL ની સિઝન 2 એ ટીવી પર 28 મિલિયનથી વધુ દર્શકો મેળવ્યા હતા અને પ્રથમ સીઝનની તુલનામાં 47 ટકાનો વધારો નોંધાવ્યો હતો.

સલમાન ખાનના જોડાવાથી નવી દિલ્હી ટીમ તો મજબૂત થશે જ, પણ સમગ્ર લીગને એક નવી તાકાત અને નવી ઓળખ પણ મળશે. હવે તે એવા સેલિબ્રિટીઝની યાદીમાં જોડાઈ ગયો છે જેઓ પહેલાથી જ અન્ય ISPL ટીમોના માલિક છે. આમાં અમિતાભ બચ્ચન (માઝી મુંબઈ), સૈફ અલી ખાન અને કરીના કપૂર ખાન (ટાઈગર્સ ઓફ કોલકાતા), અક્ષય કુમાર (શ્રીનગર કે વીર), સૂર્યા (ચેન્નાઈ સિંઘમ્સ), ઋત્વિક રોશન (બેંગ્લોર સ્ટ્રાઈકર્સ) અને રામ ચરણ (ફાલ્કન રાઇઝર્સ હૈદરાબાદ) જેવા નામોનો સમાવેશ થાય છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

ટીમની માલિકી અંગે અભિનેતા સલમાન ખાને કહ્યું, "ક્રિકેટ દરેક ભારતીય શેરીના હૃદયની ધડકન છે, અને જ્યારે તે ઉર્જા સ્ટેડિયમ સુધી પહોંચે છે, ત્યારે ISPL જેવી લીગનો જન્મ થાય છે. હું હંમેશા રમત પ્રત્યે ઉત્સાહી રહ્યો છું, અને ISPL સાથે જોડાવાનો મને ખૂબ આનંદ છે. આ લીગ માત્ર પાયાના સ્તરે ક્રિકેટને પ્રોત્સાહન આપતી નથી, પરંતુ પ્રતિભાશાળી ખેલાડીઓને એક મજબૂત પ્લેટફોર્મ પણ આપે છે. આ તો માત્ર શરૂઆત છે. સીઝન 3 સાથે, દર્શકો અમારી ટીમ વિશે વધુ જાણી શકશે અને તેમની સાથે ગાઢ જોડાણ વિકસાવશે."

                                                              

આ પણ વાંચો

સલમાન ખાને ખરીદી ક્રિકેટ ટીમ, દિલ્હી ફ્રેન્ચાઇઝીનો માલિક બન્યો, કહ્યું- 'સ્વાગત નહીં કરોગે'

Panchayat 5: 'પંચાયત સિઝન 5' ક્યારે આવશે ? રિન્કીને શૂટિંગથી લઇ રિલીઝ ડેટ સુધી બતાવી દીધી