Ranbir Kapoor On Her Daughter Raha: લોકપ્રિય કોમેડી રિયાલિટી શો, 'ધ કપિલ શર્મા શો' ટેલિવિઝન સ્ક્રીન પર સૌથી લાંબા સમય સુધી ચાલતા રિયાલિટી શોમાંનો એક છે. કપિલ શર્મા દ્વારા હોસ્ટ કરવામાં આવેલ આ શોએ લાંબા સમયથી લોકોનું મનોરંજન કર્યું છે. ઘણી સેલિબ્રિટીઓએ તેમના આગામી પ્રોજેક્ટ્સને પ્રમોટ કરવા માટે આ ફન શોમાં ભાગ લીધો છે. હવે 'તુ જૂઠી મેં મક્કાર'માં શ્રદ્ધા કપૂર, રણબીર કપૂર અને અનુભવ સિંહ બસ્સી પણ 'ધ કપિલ શર્મા શો'માં જોવા મળશે.
કોના જેવી લાગે છે રાહા?
હાલમાં જ એક શોનો પ્રોમો સામે આવ્યો છે. પ્રોમો શરૂ થતાની સાથે જ કપિલ શર્મા રણબીર કપૂરને પૂછે છે, "રણબીર, તારા પરિવારમાં, પડોશમાં એવી આંટી આવે છે, જે તારા બાળકને જોઈને કહે છે, 'યે કિસપે ગઇ હૈ, આલિયા પે ગઇ, રણબીર પે ગઇ'." એવું ક્યારેય થાય છે?" રણબીરે જવાબ આપ્યો, "અમે પોતે મૂંઝવણમાં છીએ કારણ કે ક્યારેક તેનો ચહેરો મારો જેવો લાગે છે, તો ક્યારેક તે આલિયાના જેવો દેખાય છે. પરંતુ સારી વાત એ છે કે તે અમારા બંને જેવી દેખાય છે." આ નિવેદને બધાને મૂંઝવણમાં મૂકી દીધા છે.
અનુભવ બસ્સીને કપિલે માર્યો ટોણો
આ પછી કપિલ અનુભવ પર કટાક્ષ કરતાં કહે છે કે અમારા શોમાં જ્યારે પહેલી વાર અનુભવ બસ્સી આવ્યા ત્યારે સ્ટેન્ડ-અપ કોમેડિયન તરીકે આવ્યા હતા, ત્યારે આજે તે એક અભિનેતા તરીકે આવ્યા છે, તમે માનો છો કે અમારા શોમાં આવ્યા પછી માણસનું નસીબ બદલાય જાય છે?" કપિલના આ સવાલ પર બધા જોરથી હસી પડે છે. આ પછી કપિલે શ્રદ્ધા કપૂરને કહ્યું, "શ્રદ્ધા, તે તારા વખાણ કરી રહ્યો હતો, અને કહી રહ્યો હતો કે શ્રદ્ધા જી કેટલી સુંદર લાગી રહી છે." અનુભવ કહે છે, “તું કસાટા લાગી રહી છે.”