Ideas of India 2026: એબીપી ન્યૂઝના 'આઈડિયા ઓફ ઈન્ડિયા' માં શાહરુખ ખાન, મંચ પરથી કહી આ મોટી વાત
બોલીવુડના કિંગ ઓફ રોમાન્સ શાહરૂખ ખાને એબીપી ન્યૂઝના "આઈડિયા ઓફ ઈન્ડિયા" કાર્યક્રમમાં હાજરી આપી હતી.
બોલીવુડના કિંગ ઓફ રોમાન્સ શાહરૂખ ખાને એબીપી ન્યૂઝના "આઈડિયા ઓફ ઈન્ડિયા" કાર્યક્રમમાં હાજરી આપી હતી. અભિનેતા શાહરુખ ખાન હંમેશની જેમ આ વખતે પણ સૂટમાં ખૂબ જ હેન્ડસમ લાગી રહ્યો હતો.
અહીં શાહરુખ ખાને કહ્યું, "દરરોજની જિંદગીમાં આપણે થોડા બૂસ્ટની જરૂર હોય છે. કેટલાક વિટામિનની જરૂર હોય છે જેથી આપણે આગળ વધી શકીએ. કંઈક કરી શકીએ. મારું માનવું છે કે જીવનના બે વિટામિન છે સાહસ અને ઉત્સાહ. આજે આપણે જે લોકોનું સ્ટેજ પર સન્માન કરી રહ્યા છીએ તે લોકો સાહસ અને ઉત્સાહની પરિભાષા છે.
જ્યારે આપણે આ સ્પોર્ટ્સ વ્યક્તિઓને જોઈએ છીએ, ત્યારે આપણે સમજીએ છીએ કે સાહસ ઇચ્છા છે. તેઓ વિશ્વાસ રાખે છે કે શું શક્ય છ. હું અહીં એ બે લોકો વિશે વાત કરી રહ્યો છું જે અહીં હાજર છે."
At the #ABPIdeasOfIndia 2026 Summit, King Khan (@iamsrk) turned the spotlight on the youth. He redefined the spirit of the next generation, calling their grit, determination, and unstoppable drive his ultimate source of inspiration.@MeghaSPrasad#IdeasOfIndia #SRK… pic.twitter.com/o422gzqWdG
— ABP LIVE (@abplive) February 27, 2026
આગળ શાહરુખ ખાને કહ્યું, "જેમ કે મે કહ્યું હું અહીં કોઈને એવોર્ડ આપવા માટે નથી આવ્યો. હું અહીં સાહસ અને ઉત્સાહનું ઈન્જેક્શન લઈને જવા માંગુ છું અને આ બે લોકો ખૂબ જ સાહસી છે. અવની છે જેણે 19 વર્ષની ઉંમરે પેરાલિમ્પિક્સમાં ગોલ્ડ મેડલ જીત્યો હતો, અને પ્રવીણ જેણે પેરાલિમ્પિક્સમાં ગોલ્ડ મેડલ જીત્યો હતો. આ બે લોકો અને તેમની ટીમો જાણે છે કે સાહસ શું છે."
શાહરુખ ખાને કહ્યું, "બીજા લોકો છે તે ઉત્સાહનું ઈન્જેક્શન છે. આ યુવાનોએ ખૂબ જ ત્યાગ કર્યો છે. મુશ્કેલીઓમાં પણ તેઓ પોતાના ગોલ્સ પર અડગ રહ્યા. હું વાત કરી રહ્યો છું એ બાળકોનું જેમણે અંડર-19 વર્લ્ડ કપ જીત્યો. અહીં તેમના કેટલાક સભ્યો છે. અહીં આયુષ, વિહાન હાજર છે. તેમણે ઘણો ત્યાગ કર્યો છે. તેમના માતાપિતાએ ત્યાગ કર્યો છે અને ખાતરી કરી છે કે આ બાળકોના સપના સાકાર થાય અને આપણા દેશને ગૌરવ અપાવ્યું છે. આ ચેમ્પિયન છે. મને આશા છે કે આપણે બધા અહીંથી સાહસ, ઉત્સાહ અને ત્યાગનો પાઠ ભણીને જશું, જેથી આપણે જીવનમાં વધુ સારા લોકો બની શકીએ."
ટોપ સ્ટોરી
ટ્રેન્ડિંગ સમાચાર
