Ideas of India: શ્રેયા ઘોષાલને માતાએ શીખવ્યું સિંગિંગ, જણાવ્યું કઈ રીતે ફિલ્મ દેવદાસમાં ગાવાની તક મળી
સિંગર શ્રેયા ઘોષાલ બોલિવૂડ ઉદ્યોગની એક જાણમીતી પ્લેબેક સિંગર છે. તેને પાંચ રાષ્ટ્રીય પુરસ્કારો મળ્યા છે. 16 વર્ષની ઉંમરે શ્રેયાએ ફિલ્મ દેવદાસ માટે ગીત ગાઈને દેશભરના દિલ જીતી લીધા.
સિંગર શ્રેયા ઘોષાલ બોલિવૂડ ઉદ્યોગની એક જાણમીતી પ્લેબેક સિંગર છે. તેને પાંચ રાષ્ટ્રીય પુરસ્કારો મળ્યા છે. 16 વર્ષની ઉંમરે શ્રેયાએ ફિલ્મ દેવદાસ માટે ગીત ગાઈને દેશભરના દિલ જીતી લીધા. સિંગર શ્રેયા ઘોષાલે એબીપી ન્યૂઝના "આઈડિયા ઓફ ઈન્ડિયા" માં તેની સફર વિશે વાત કરી હતી.
શ્રેયા ઘોષાલની સફર
શ્રેયાએ તેણીની શરૂઆતની સફર વિશે વાત કરી હતી. તેણે જણાવ્યું કે તેની માતાએ તેને ગાવાનું શીખવ્યું હતું. શ્રેયાએ કહ્યું, "16 વર્ષની ઉંમરે મને કોઈ આઈડિયા નહોતો, પણ હું એક ચોક્કસ મુકામ તરફ જઈ રહી હતી. આ સફર ઘણા સમય પહેલા શરૂ થઈ હતી. હું રાજસ્થાનથી આવું છું. હું બાળપણથી જ સંગીત સાથે સંકળાયેલી છું. મારો પરિવાર એક શૈક્ષણિક પરિવાર છે. મારી માતા સુંદર ગાતા હતા. તેમણે મને સંગીત શીખવ્યું. હું ફક્ત ગાતી રહી. લોકોએ મને જોઈ અને પ્રશંસા કરી. પછી હું મુંબઈ આવી. બાદમાં સા રે ગા મા શો કર્યો અને પછી દેવદાસ. દેવદાસમાં મારા પાંચ ગીતો હતા અને "બૈરી પિયા" ગીતને ઘણો પ્રેમ મળ્યો. તે પછી મેં ક્યારેય પાછળ ફરીને જોયું નથી.
દેવદાસનું "બૈરી પિયા" ગીત એક જ ટેકમાં ગાયું
દેવદાસમાં ગાવાને લઈ શ્રેયા ઘોષાલે કહ્યું, "સંજયજીએ મને ત્યારે કહ્યું હતું કે તેમે જાઓ અને માઈક પર ગાઓ. થોડું વોર્મઅપ કરો. તેથી હું ગીત ગાઈ અને તે મારો ફર્સ્ટ ટેક હતો. બધાએ મને ખૂબ આશીર્વાદ આપ્યા."
શું શ્રેયા ઘોષાલે રિજેક્શનનો સામનો કર્યો?
સિંગર શ્રેયા ઘોષાલે કહ્યું, "દેવદાસ એક મોટું પ્લેટફોર્મ છે કોઈ 16 વર્ષની છોકરી માટે .પરતું એનો અર્થ એ નથી કે મેં દરેક ગીત ગાવાનું શરૂ કરી દીધું. ત્યાર પછી મને ગાવામાં ઘણો સમય લાગ્યો. થોડુ ટાઈપકાસ્ટ પણ થાય છે. એવું થયું હતું કે આ ક્લાસિકલ સિંગર છે. મે સારા ગીતો માટે રાહ જોઈ. બધું યોગ્ય સમયે થવું જરૂરી છે. મારું આગળનું ગીત "જાદુ હૈ નશા હૈ." હતું. મારા માટે બધું જ ધીરે ધીરે થઈ રહ્યું હતું.
શું કોઈ ગાયકે ફિલ્મ ઉદ્યોગમાં પોતાની ઓળખ સ્થાપિત કરવા માટે ગાવું જરૂરી છે? શ્રેયાએ જવાબ આપ્યો "સમય બદલાઈ ગયો છે. હવે, જો તમે સ્વતંત્ર રીતે કંઈક કરી રહ્યા છો તો પ્રેક્ષકો તેની પ્રશંસા કરે છે. સ્વતંત્ર ગીતો વધુ લોકપ્રિય થઈ રહ્યા છે. હવે આપણે પરિવર્તન જોઈ રહ્યા છીએ. જ્યારે આપણે પહેલી વાર શરૂઆત કરી હતી ત્યારે ફિલ્મોમાં ગાવાનું જરૂરી હતું. પરંતુ હવે એવું નથી."
ટોપ સ્ટોરી
ટ્રેન્ડિંગ સમાચાર
