Death Threats: કપિલ શર્મા અને રેમો ડિસોઝા સહિત આ 4 કલાકારને મળી જાનથી મારી નાખવાની ધમકી,બોલિવૂડમાં ફફડાટ

Kapil Sharma Gets Death Threats: કોમેડિયન કપિલ શર્માને જાનથી મારી નાખવાની ધમકીઓ મળી છે. ધમકી આપનાર વ્યક્તિએ કપિલ શર્મા, તેના પરિવાર, સંબંધીઓ અને પડોશીઓને મારી નાખવાની ધમકી આપી છે.

કપિલ શર્મા

Source : Instagram

Kapil Sharma Gets Death Threats: રાજપાલ યાદવ, સુગંધા મિશ્રા અને રેમો ડિસોઝા પછી હવે કોમેડિયન કપિલ શર્માને પણ જાનથી મારી નાખવાની ધમકીઓ મળી છે. આ પહેલા રાજપાલ યાદવ, ટીવી અભિનેત્રી સુગંધા મિશ્રા અને કોરિયોગ્રાફર રેમો ડિસોઝાને પણ પાકિસ્તાનથી ધમકીભર્યા મેઇલ મળ્યા હતા.

 

#BREAKING | कॉमेडियन कपिल शर्मा समेत 4 कलाकारों को मिली जान से मारने की धमकी @Pooja_Sachdeva_ | @surajojhaa https://t.co/smwhXUROiK #Kapilsharma #Threat #Email #Pakistan #RajpalYadav pic.twitter.com/GE1BiPRGut

— ABP News (@ABPNews) January 22, 2025

ધમકી આપનાર વ્યક્તિએ કપિલ શર્મા, તેના પરિવાર, સંબંધીઓ અને પડોશીઓને મારી નાખવાની ધમકી આપી છે. આ કેસમાં, અંબોલી પોલીસે BNS ની કલમ 351(3) હેઠળ અજાણ્યા વ્યક્તિ વિરુદ્ધ કેસ નોંધીને તપાસ શરૂ કરી છે. નોંધનિય છે કે, તાજેતરમાં સૈફ અલી ખાન પર જીવલેણ હુમલો કરવામાં આવ્યો હતો. હવે કપિલ સહિતના કલાકારોનેે ધમકી મળતા ચકચાર મચી છે.

કપિલ શર્મા પહેલા આ સ્ટાર્સને મળ્યા હતા ધમકીભર્યા મેઇલ
કપિલ શર્મા પહેલા રાજપાલ યાદવ, રેમો ડિસોઝા અને સુગંધા મિશ્રાને મોકલવામાં આવેલા ધમકીભર્યા મેઇલમાં લખ્યું હતું કે- 'અમે તમારી તાજેતરની ક્રિયાઓ પર નજર રાખી રહ્યા છીએ.' અમારું માનવું છે કે એક સંવેદનશીલ બાબત તમારા ધ્યાન પર લાવવી મહત્વપૂર્ણ છે. આ કોઈ જાહેર સ્ટંટ નથી કે તમને હેરાન કરવાનો પ્રયાસ નથી. અમે તમને વિનંતી કરીએ છીએ કે આ સંદેશને ખૂબ ગંભીરતાથી લો અને ગુપ્તતા રાખો.

'જો અમને જવાબ ન મળે તો...'
મેલમાં આગળ કહેવામાં આવ્યું છે કે, 'આમ કરવામાં નિષ્ફળતાના ખતરનાક પરિણામો આવી શકે છે જે તમારા વ્યાવસાયિક અને વ્યક્તિગત જીવનને અસર કરી શકે છે.' અમને આગામી 8 કલાકમાં તમારા તરફથી તાત્કાલિક પ્રતિસાદની અપેક્ષા છે. જો અમને જવાબ નહીં મળે, તો અમે માની લઈશું કે તમે આ બાબતને ગંભીરતાથી લઈ રહ્યા નથી અને જરૂરી પગલાં લઈશું. વિષ્ણુ.

'ગિલ્ટ' વિશે ચર્ચામાં કપિલ શર્મા
કપિલ શર્મા આ દિવસોમાં તેના તાજેતરમાં રિલીઝ થયેલા મ્યુઝિક વીડિયો 'ગિલ્ટ'ને કારણે સમાચારમાં છે. આ ગીત કપિલ શર્માએ પોતે ગાયું છે. 22 જાન્યુઆરીના રોજ યુટ્યુબ પર રિલીઝ થયેલા આ ગીતને થોડા જ કલાકોમાં 882 હજારથી વધુ વ્યૂઝ મળ્યા છે.

આ પણ વાંચો...