Shehzada Trailer Beat Pathaan Trailer: કાર્તિક આર્યનની શહેઝાદાનું ટ્રેલર 12 જાન્યુઆરીએ સોશિયલ મીડિયા પર ડ્રોપ થયું હતું. રોહિત ધવન દ્વારા નિર્દેશિત આ ફિલ્મથી કાર્તિક આર્યન નિર્માતા તરીકે ડેબ્યૂ કરી રહ્યો છે. આ ફિલ્મમાં કાર્તિકની સાથે કૃતિ સેનન, પરેશ રાવલ, મનીષા કોઈરાલા, રોનિત રોય અને સચિન ખેડેકર મુખ્ય ભૂમિકામાં છે. જાણવા મળ્યું છે કે આ ટ્રેલર ઓનલાઈન સૌથી વધુ જોવામાં આવતું ટ્રેલર બની ગયું છે. કાર્તિક આર્યન ટ્વિટર પર પોસ્ટ કરીને આ વિશે માહિતી આપી હતી.
કાર્તિક આર્યનની ફિલ્મ શહેજાદાના ટ્રેલરે મચાવી ધમાલ
કાર્તિકે ટ્વિટર પર પોતાની પોસ્ટમાં લખ્યું શહેઝાદા સૌથી વધુ જોવામાં આવતું અને સૌથી વધુ પસંદ કરાયેલું ટ્રેલર બની ગયું છે. પ્રેમ બદલ આભાર. 85 મિલિયન અને હજુ પણ ચાલુ છે. નંબર 1 ટ્રેન્ડિંગ. યોગાનુયોગ આ ફિલ્મે શાહરૂખ ખાન અને દીપિકા પાદુકોણ અભિનીત પઠાણના ટ્રેલરના દર્શકોની સંખ્યાને પણ વટાવી દીધી છે. છ દિવસ પહેલા શેર કરવામાં આવ્યા બાદ પઠાણને YouTube પર માત્ર 49 મિલિયન વ્યૂ મળ્યા છે. જ્યારે શહજાદાએ એકલા યુટ્યુબ પર 65 મિલિયન વ્યુઝ મેળવ્યા છે.
ફિલ્મ શહેજાદાનું પહેલું ગીત રિલીઝ
તમને જણાવી દઈએ કે શહેજાદાનું પહેલું ગીત બહાર આવ્યું છે અને તેમાં કાર્તિક અને કૃતિ બીચ પર મસ્તી કરતા જોવા મળશે. ટી-સિરીઝે મુંડા સોના હૂં મેં નામનું પહેલું ગીત રિલીઝ કર્યું. આ ગીત કાર્તિક અને કૃતિના રોમાન્સ સાથે બીચ પાર્ટીનો મૂડ સેટ કરશે. આ ગીત દિલજીત દોસાંજ અને નિકિતા ગાંધીએ ગાયું છે, જ્યારે તે બોસ્કો સીઝર દ્વારા કોરિયોગ્રાફ કરવામાં આવ્યું છે.
શેહજાદા 10 ફેબ્રુઆરીએ થશે રિલીઝ
શેહજાદા 2020ની અલ્લુ અર્જુન અને પૂજા હેગડે અભિનીત તેલુગુ ફિલ્મ અલાવૈકુંઠપુરમુલુની રીમેક છે. ટ્રેલરમાં કાર્તિક આર્યન એક્શન હીરોની ભૂમિકામાં જોવા મળી રહ્યો છે પરંતુ તેની સાથે જ તેની શાનદાર કોમિક ટાઈમિંગ પણ જોવા મળશે. હિન્દી વર્ઝનમાં કાર્તિક આર્યન અને કૃતિ સેનન મુખ્ય ભૂમિકામાં છે. શેહજાદા રોહિત ધવન દ્વારા દિગ્દર્શિત એક્શનથી ભરપૂર કૌટુંબિક મ્યુઝિકલ ડ્રામા છે. 10 ફેબ્રુઆરીએ રિલીઝ થશે. ટી-સીરીઝના બેનર હેઠળ આ ફિલ્મનું નિર્માણ ભૂષણ કુમારે કર્યું છે.