Highest Paid Actor Of India: સલમાન ખાન, શાહરૂખ ખાન અને અક્ષય કુમાર સ્ટાર્સના નામ ભારતીય ફિલ્મ ઉદ્યોગના સૌથી મોટા અને સૌથી વધુ કમાણી કરનારા અભિનેતાઓની યાદીમાં સામેલ છે. પરંતુ આ તેઓ રેસમાંથી બહાર થયા છે. આ વખતે અન્ય સ્ટારે બાજી મારી છે. હકીકતમાં આ વખતે એક સાઉથ સુપરસ્ટારે ભારતના સૌથી વધુ કમાણી કરનાર અભિનેતાનો ખિતાબ જીત્યો છે.
ભારતના એક અહેવાલ મુજબ ભારતના સૌથી વધુ કમાણી કરનાર અભિનેતાનો ખિતાબ જીતનાર સ્ટાર બીજું કોઈ નહીં પણ થલપતિ વિજય છે. વિજય તેની ફિલ્મ માટે 200 કરોડ રૂપિયા લે છે. જો કે પહેલા તે પોતાની ફિલ્મો માટે 100 કરોડ ફી લેતો હતો. પરંતુ જ્યારે તેની લોકપ્રિયતા આસમાને પહોંચી ત્યારે તેની ફી પણ વધી ગઈ.
'થલપતિ 68' માટે 200 કરોડ ફી લીધી
વિજય હાલમાં તેના આવનારા એક પ્રોજેક્ટ પર કામ કરી રહ્યો છે. રિપોર્ટ્સમાં એવું કહેવામાં આવી રહ્યું છે કે અભિનેતાએ આ પ્રોજેક્ટ માટે 200 કરોડ રૂપિયા ચાર્જ કર્યા છે, જેનું 'થલપતિ 68' નામ આપવામાં આવ્યું છે. મહત્વની વાત એ છે કે અત્યાર સુધી કોઈ પણ ભારતીય સુપરસ્ટારે પોતાની કોઈપણ ફિલ્મ માટે આટલી ફી લીધી નથી. આવું કરનાર વિજય ભારતના પ્રથમ અભિનેતા હશે.
શું વિજય રાજકારણમાં આવશે?
વિજયની આ આગામી ફિલ્મનું નામ 'થલપતિ 68' રાખવામાં આવ્યું છે કારણ કે તે વિજયની 68મી ફિલ્મ છે. વિજય બહુ જલ્દી રાજનીતિમાં પોતાની કારકિર્દી બનાવવા જઈ રહ્યો છે. આવી સ્થિતિમાં એવું કહેવામાં આવી રહ્યું છે કે 'થલપતિ 68' વિજયની છેલ્લી ફિલ્મ હોઈ શકે છે.
અભિનેતા મુકાયો મુશ્કેલીમાં
નોંધપાત્ર વાત એ છે કે, તાજેતરમાં જ વિજયની ફિલ્મ 'લિયો'નું પહેલું સિંગલ ટ્રેક રિલીઝ થયું હતું અને 'ના રેડી' નામનું ગીત પણ ખૂબ જ લોકપ્રિય થઈ રહ્યું છે. પરંતુ તેના કારણે અભિનેતા મુશ્કેલીમાં છે. ચેન્નાઈના કોરુક્કુપેટના એક સામાજિક કાર્યકર સેલ્વમે વિજયના ગીત 'ના રેડી' વિરુદ્ધ ફરિયાદ નોંધાવી હતી અને તેના પર ડ્રગની લતને સમર્થન આપવાનો આરોપ લગાવ્યો હતો.