Ram Gopal Varma Ashu Reddy Video: રામ ગોપાલ વર્મા દ્વારા નિર્દેશિત ફિલ્મ 'ખતરા ડેન્જરસ' 9મી ડિસેમ્બરે સિનેમાઘરોમાં રિલીઝ થવા જઈ રહી છે. લેસ્બિયન રોમાન્સ પર બનેલી આ ફિલ્મ રોમેન્ટિક સીન્સથી ભરપૂર છે. આત્મીયતા અને એડલ્ટ કન્ટેન્ટના કારણે તેને A પ્રમાણપત્ર મળ્યું છે. આ દિવસોમાં દિગ્દર્શક તેની અભિનેત્રી આશુ રેડ્ડી સાથે આ ફિલ્મનું પ્રમોશન કરી રહ્યા છે. ફિલ્મના પ્રમોશન દરમિયાન બંનેનો એક ઈન્ટરવ્યુ વાયરલ થઈ રહ્યો છે જેમાં રામ ગોપાલ વર્મા આશુ સાથે ફ્લર્ટ કરતા જોવા મળે છે. અને ઈન્ટરવ્યુના અંતે તે અભિનેત્રીના પગ પર ચુંબન કરતો જોવા મળે છે.
રામ ગોપાલ તેની અભિનેત્રીના પગ ચૂંમતો જોવા મળ્યો
રામ ગોપાલ વર્માએ પોતાના ટ્વિટર એકાઉન્ટ પર આ ઈન્ટરવ્યુની લિંક શેર કરી છે. આ વીડિયોને અત્યાર સુધીમાં 1.72 મિલિયન વ્યૂઝ મળી ચૂક્યા છે. ફિલ્મ 'ખતરા ડેન્જરસ'ને પ્રમોટ કરવાની ડાયરેક્ટરની રીત એકદમ અલગ છે જેમાં તે પોતાની એક્ટ્રેસના વખાણ કરતા અને તેને સવાલ કરતા જોવા મળે છે. રામ ગોપાલ વર્મા પોતાની ફિલ્મના પ્રમોશન માટે કોઈપણ હદ સુધી જઈ શકે છે, આ વાત તો પહેલાથી જ જાણીતી હતી, જો કે આ લેટેસ્ટ વિડિયો જોઈને તમે પણ આ જ કહેશો.
ખતરા ડેન્જરસના પ્રમોશનમાં લાગી ટીમ
'ખતરા ડેન્જરસ' એક્ટ્રેસ આશુ રેડ્ડીએ પણ પોતાના સોશિયલ મીડિયા એકાઉન્ટ પર આ ઈન્ટરવ્યુ સાથે સંબંધિત એક ફોટો શેર કર્યો હતો, જેમાં રામ ગોપાલ વર્મા તેના પગની મસાજ કરતા જોવા મળ્યા હતા. આ તસવીર પણ સોશિયલ મીડિયા પર ખૂબ વાયરલ થઈ હતી અને ચર્ચાનો વિષય બની હતી.તમને જણાવી દઈએ કે, ફિલ્મ 'ખતરા ડેન્જરસ' દેશની પહેલી લેસ્બિયન ફિલ્મ છે, જેમાં સાઉથની ફિલ્મોની જાણીતી અભિનેત્રી આશુ અપ્સરા રાની અને નૈના ગાંગુલી લીડ રોલમાં જોવા મળશે. આ ફિલ્મ રામ ગોપાલ વર્માની સૌથી વિવાદાસ્પદ ફિલ્મોમાંથી એક છે, જે ઘણા વિવાદો બાદ આખરે 9 ડિસેમ્બરે સિનેમાઘરોમાં રિલીઝ થવા જઈ રહી છે. અગાઉ વિવાદોને કારણે ફિલ્મની રિલીઝ ડેટ મોકૂફ રાખવામાં આવી હતી પરંતુ હવે તે આખરે સિનેમાઘરોમાં આવવા જઈ રહી છે.
ગુજરાત ચૂંટણી પરિણામ લાઈવ જોવા અહીં ક્લિક કરો