Ranbir Kapoor On Aditya Ananya Affair: અનન્યા પાંડે અને આદિત્ય રોય કપૂરના અફેરની ચર્ચાઓ અટકવાનું નામ નથી લઈ રહી. તમામ અફવાઓ વચ્ચે હવે રણબીર કપૂરે પણ કંઈક એવો ઈશારો કર્યો છે જેનાથી આ અટકળો વધી ગઈ છે. આ દરમિયાન એક OTT પ્લેટફોર્મ પર એક ટોક શોમાંરણબીરે આદિત્ય રોય કપૂર વિશે એક ઈશારો કર્યો છે. રણબીર કપૂર અને આદિત્ય રોય કપૂર બંને સારા મિત્રો છે. બંનેએ 'યે જવાની હૈ દીવાની'માં સાથે કામ કર્યું છે.
આદિત્ય અને અનન્યાની રિલેશનશિપ પર રણબીર કપૂરે લગાવી મહોર
આદિત્ય રોય કપૂરના અફેર વિશે વાત કરતા શોની હોસ્ટ ઐશ્વર્યાએ રણબીરને કહ્યું કે આદિત્ય હંમેશા મારી આસપાસ જ હોય છે. આવી સ્થિતિમાં રણબીરે જવાબ આપ્યો કે મને ખબર નથી કે તે તમારી આસપાસ રહેવા માંગે છે કે નહીં. પરંતુ હું જાણું છું કે આદિત્યને એક છોકરી ગમે છે જેનું નામ 'A' અક્ષરથી શરૂ થાય છે. રણબીરનું કહેવું હતું કે ચાહકો લગભગ કન્ફર્મ થઈ ગયા હતા કે આદિત્ય જે છોકરીને પસંદ કરે છે તે અન્ય કોઈ નહીં પણ અનન્યા પાંડે છે.
આદિત્ય અને અનન્યાને ઘણી વખત સાથે જોવામાં આવ્યા છે
નોંધપાત્ર વાત એ છે કે આ પહેલા પણ આદિત્ય અને અનન્યાના અફેરના સમાચાર ઘણી વખત સામે આવી ચૂક્યા છે. થોડા દિવસો પહેલા, કરણ જોહર દ્વારા આયોજિત ડિનર પાર્ટીમાં પણ બંને એકસાથે જોડિયા જોવા મળ્યા હતા. કરણ જોહરે પોતે પોતાના શો 'કોફી વિથ કરણ સીઝન 7'માં બંનેના અફેર વિશે હિંટ આપી હતી. આ પછી, કૃતિ સેનનની દિવાળી પાર્ટીમાંથી બંનેનો એક ફોટો પણ સામે આવ્યો હતો, જેમાં બંને ખૂબ જ નજીક જોવા મળ્યા હતા. આ સિવાય બંને ઘણીવાર સાથે જોવા મળે છે, પરંતુ અત્યાર સુધી બંને પોતાના સંબંધોની અફવાઓ અંગે મૌન છે.
આ પણ વાંચો: Ananya Panday: ઈશાન ખટ્ટર સાથે બ્રેકઅપ થયા બાદ આ હિરોને ડેટ કરે છે અનન્યા પાંડે...
Ananya Panday Dating Aditya roy kapur: બોલીવુડની જાણીતી અભિનેત્રી અનન્યા પાંડેનું (Ananya Panday) નામ પહેલાં શાહિદ કપૂરના નાના ભાઈ ઈશાન ખટ્ટર (Ishaan Khattar) સાથે જોડાયું હતું. બંનેના રિલેશનશિપમાં રહેવાની ઘણી ચર્ચાઓ પણ થઈ હતી. અવારનવાર અનન્યા અને ઈશાન સાથે ડેટ પર જતા અને પાર્ટી કરતાં જોવા મળ્યા હતા. પરંતુ છેલ્લા કેટલાક સમયથી બંનેના બ્રેકઅપના સમાચાર સામે આવી રહ્યા છે. હવે નવા અહેવાલો મુજબ અનન્યા પાંડે બોલીવુડના હેન્ડસમ હંક આદિત્ય રોય કપૂરને ડેટ કરી રહી છે.
અત્યારે મળતા મીડિયા રિપોર્ટ્સમાં કહેવાઈ રહ્યું છે કે અનન્યા અને આદિત્યની મિત્રતા ગાઢ બની રહી છે. બંને વચ્ચે નિકટતા પણ વધી રહી છે. જો કે, બંને અત્યાર સુધી જાહેરમાં સાથે જોવા મળ્યા નથી, પરંતુ એવી અફવા છે કે બંને વચ્ચે કંઈક ચાલી રહ્યું છે. E-Timesના અહેવાલમાં દાવો કરવામાં આવી રહ્યો છે કે અનન્યા અને આદિત્ય છેલ્લા કેટલાક સમયથી તેમના સંબંધોને ગુપ્ત રાખી રહ્યા છે. જ્યારે, બંને વચ્ચે ખૂબ જ ગાઢ બોન્ડિંગ છે.
ઈશાન-અનન્યાનું થયું હતું બ્રેકઅપઃ
અનન્યા પાંડે અને ઈશાન ખટ્ટરની વાત કરીએ તો બંને એકબીજાને ત્રણ વર્ષથી ડેટ કરી રહ્યાં હતાં. બંનેની બોન્ડિંગ ફિલ્મ 'ખાલી પીલી'ના સેટ પર થઈ હતી. બંનેએ સાથે મળીને આ નવી સફર શરૂ કરી હતી. આ પછી, જ્યારે બંને માલદીવમાં સાથે વેકેશન માટે ગયા, ત્યારે ચાહકોએ તેમના સંબંધો વિશે અટકળો શરૂ કરી હતી. ત્યાર બાદ પિંકવિલાએ પોતાના રિપોર્ટમાં દાવો કર્યો હતો કે, અનન્યા અને ઈશાન ત્રણ વર્ષ બાદ અલગ થઈ ગયા હતા. જો કે, બંનેએ મિત્રતાના સંબંધો ચાલુ રાખવાનું પ્રોમિસ આપ્યું છે.