Kala Hiran Row: સલમાન ખાનની અરજી પર દિલ્હી હાઈકોર્ટની નોટિસ, ફિલ્મના નિર્માતા પાસેથી માંગ્યો જવાબ

Kala Hiran Row: બોલિવૂડ સુપરસ્ટાર સલમાન ખાને ફિલ્મ સામે વાંધો વ્યક્ત કર્યો હતો અને તેની રિલીઝ પર રોક લગાવવા માટે દિલ્હી હાઈકોર્ટમાં અરજી દાખલ કરી હતી.

બોલિવૂડ સુપરસ્ટાર સલમાન ખાને ફિલ્મ સામે વાંધો વ્યક્ત કર્યો હતો

Source : PTI

Show Quick Read

Key points generated by AI, verified by newsroom

• સલમાન ખાને 'કાલા હિરન' ફિલ્મ સામે કોર્ટમાં અરજી દાખલ કરી.
• વકીલે સલમાનની છબી, વ્યક્તિત્વ અધિકારોના ઉલ્લંઘનની દલીલ કરી.
• વકીલે ફિલ્મના પ્રચાર-પ્રસાર અને રિલીઝ પર રોક માંગી.
• હાઈકોર્ટે નિર્માતાઓને નોટિસ ફટકારી, સુનાવણી 19 જૂને રાખી.

Kala Hiran Row: ફિલ્મ "કાલા હિરન: બેટલ ફોર લેગસી" ની જાહેરાતથી જ વિવાદોમાં ફસાઈ ગઈ છે. બોલિવૂડ સુપરસ્ટાર સલમાન ખાને ફિલ્મ સામે વાંધો વ્યક્ત કર્યો હતો અને તેની રિલીઝ પર રોક લગાવવા માટે દિલ્હી હાઈકોર્ટમાં અરજી દાખલ કરી હતી. આ અરજીની સુનાવણી 12 જૂન, 2026ના રોજ દિલ્હી હાઈકોર્ટમાં થઈ હતી. સુનાવણી બાદ દિલ્હી હાઈકોર્ટે કડક વલણ અપનાવ્યું હતું અને ફિલ્મના દિગ્દર્શક અને પ્રોડ્યુસરને નોટિસ જાહેર કરીને જવાબ માંગ્યો હતો.

સલમાન ખાનના વકીલે દલીલ કરી હતી

સલમાન ખાનના વકીલ નિઝામ પાશાએ ફિલ્મ "કાલા હિરન" અંગે દિલ્હી હાઈકોર્ટમાં દલીલ કરતા કહ્યું હતું કે, "29 મેના રોજ, પ્રસ્તાવિત ફિલ્મના નિર્માતાઓએ એક પોસ્ટર રિલીઝ કર્યું હતું જેમાં એક માણસને સલમાન ખાન જેવો દેખાડવામાં આવ્યો હતો અને તેનો પહેરવેશ પણ સલમાન ખાનની તસવીર જેવો દેખાય છે." વકીલે વધુમાં દલીલ કરી હતી કે, "સલમાન ખાનને આ કેસ સંબંધિત ચારમાંથી ત્રણ FIRમાં નિર્દોષ જાહેર કરવામાં આવ્યો છે. તેમ છતાં તેની ઓળખ અને છબીનો ઉપયોગ કરીને ફિલ્મ બનાવવામાં આવી રહી છે, જે તેના વ્યક્તિત્વના અધિકારોનું ઉલ્લંઘન કરે છે."

Delhi HC fixes June 19 for next hearing on Salman Khan's plea claiming violation of personality rights by makers of film "Kala Hiran".

— Press Trust of India (@PTI_News) June 12, 2026

'કાલા હિરન' ફિલ્મની રિલીઝ પર રોક લગાવવાની માંગણી

સલમાન ખાનના વકીલે ફિલ્મ 'કાલા હિરન'ની રિલીઝ પર રોક લગાવવાની માંગણી કરતા કહ્યું કે, "મીડિયામાં સલમાન ખાનનું નામ દરરોજ આ કેસ સાથે જોડવામાં આવી રહ્યું છે. તેથી તેઓ માંગ કરે છે કે કોર્ટ ફિલ્મની રિલીઝ અને પ્રમોશન પર રોક લગાવવાનો આદેશ આપે. ફિલ્મનું ટ્રેલર આજે સવારે રિલીઝ થયું હતું." સલમાનના વકીલે ફિલ્મની રિલીઝ અંગે જણાવ્યું હતું કે, "હજુ સુધી કોઈ રિલીઝ તારીખ નક્કી કરવામાં આવી નથી. અમે સમગ્ર પ્રોજેક્ટ પર સ્ટે ઇચ્છીએ છીએ."

Delhi HC fixes June 19 for next hearing on Salman Khan's plea claiming violation of personality rights by makers of film "Kala Hiran"

— Press Trust of India (@PTI_News) June 12, 2026

હાઇકોર્ટે ફિલ્મ નિર્માતાઓને નોટિસ ફટકારી

સલમાન ખાનના વકીલની દલીલો સાંભળ્યા પછી દિલ્હી હાઇકોર્ટે કહ્યું, "પહેલા વિરોધી પક્ષને નોટિસ ફટકારવી જરૂરી છે. આનો અર્થ એ છે કે તેમને સાંભળ્યા વિના કોઈ આદેશ પસાર કરી શકાતો નથી. સલમાન ખાનની અરજી બાદ દિલ્હી હાઈકોર્ટે ફિલ્મના નિર્માતા અમિત જાની અને અન્ય લોકોને નોટિસ ફટકારી છે, જેમાં તેમનો જવાબ માંગવામાં આવ્યો છે. ઉપરાંત, દિલ્હી હાઈકોર્ટ દ્વારા કેસની આગામી સુનાવણીની તારીખ 19 જૂન નક્કી કરવામાં આવી છે.

આ પણ વાંચો

'ફાયદા માટે થઈ રહ્યો છે મારા નામનો ઉપયોગ...' કઈ ફિલ્મને રિલીઝ થતા રોકવા દિલ્હી હાઈકોર્ટ પહોંચ્યો સલમાન

'ડૉન 3' વિવાદ વચ્ચે રણવીર સિંહનો મોટો નિર્ણય, FWICEને મોકલી લીગલ નોટિસ