સંગીતા બિજલાનીના ફાર્મહાઉસમાં ચોરી,ટીવી,ફ્રીજ,બેડ બધુ જ ઉઠાવી ગયા ચોર
Sangeeta Bijlani: સંગીતા બિજલાનીના ફાર્મહાઉસમાં ચોરી થઈ છે. અભિનેત્રીએ પોલીસને આપેલી ફરિયાદ મુજબ, ચોરોએ તેમના ફાર્મહાઉસમાં ભારે હોબાળો મચાવ્યો હતો અને ઘણી કિંમતી વસ્તુઓની ચોરી કરી હતી.
Sangeeta Bijlani: સલમાન ખાનની ભૂતપૂર્વ પ્રેમિકા સંગીતા બિજલાનીના ફાર્મ હાઉસમાં ચોરીનો મામલો સામે આવ્યો છે. અભિનેત્રીએ પોલીસને આપેલી ફરિયાદમાં જણાવ્યું છે કે ચોરોએ તેના ફાર્મ હાઉસને ઘણું નુકસાન પહોંચાડ્યું છે અને ઘણી કિંમતી વસ્તુઓની ચોરી કરી છે. સંગીતા બિજલાની ચાર મહિના પછી પાવના ડેમ નજીક ટિકોના ગામમાં આવેલા ફાર્મહાઉસમાં આવી હતી, જ્યારે તેને ચોરીની જાણ થઈ.
સંગીતા બિજલાનીના ફાર્મ હાઉસમાંથી ટીવી, બેડ-ફ્રિજ ચોરાઈ ગયા
તે જ સમયે, એક પોલીસ અધિકારીએ શુક્રવારે જણાવ્યું હતું કે પુણે જિલ્લાના માવલ સ્થિત ફિલ્મ અભિનેત્રી સંગીતા બિજલાનીના ફાર્મ હાઉસમાં ચોરીની જાણ થઈ છે. પુણે ગ્રામીણ પોલીસને આપેલી ફરિયાદમાં સંગીતા બિજલાનીએ જણાવ્યું હતું કે મુખ્ય દરવાજો અને બારીની ગ્રીલ તૂટેલી હતી, એક ટેલિવિઝન સેટ ગાયબ હતો, અને બેડ, રેફ્રિજરેટર તેમજ સીસીટીવી કેમેરા સહિત ઘણી ઘરવખરીની વસ્તુઓને પણ નુકસાન થયું હતું. સંગીતા બિજલાણીએ પુણે ગ્રામીણ પોલીસ અધિક્ષક સંદીપ સિંહ ગિલને મોકલેલી અરજીમાં જણાવ્યું હતું કે તે તેના પિતાની તબિયત ખરાબ હોવાને કારણે ફાર્મહાઉસ જઈ શકી નથી.
#BREAKING: A theft was reported at actress Sangeeta Bijlani's farmhouse in Pawna Maval, Lonavala. The incident occurred two nights ago, when neither Sangeeta Bijlani nor her staff were present. Several valuables were stolen and items were vandalized. A complaint has been lodged… pic.twitter.com/WLsX6VbMGa
— IANS (@ians_india) July 19, 2025
સંગીતા બિજલાણીએ તેની ફરિયાદમાં શું કહ્યું?
અભિનેત્રીએ તેની ફરિયાદમાં કહ્યું છે કે, "આજે, હું મારી બે નોકરાણીઓ સાથે ફાર્મહાઉસ ગઈ હતી. ત્યાં પહોંચીને, મુખ્ય દરવાજો તૂટેલો જોઈને મને આઘાત લાગ્યો. અંદર જઈને જોયું તો બારીની ગ્રીલ ક્ષતિગ્રસ્ત હતી, એક ટેલિવિઝન સેટ ગાયબ હતો અને બીજો તૂટેલો હતો." અભિનેત્રીએ તેની ફરિયાદમાં વધુમાં જણાવ્યું હતું કે ઉપરનો માળ સંપૂર્ણપણે ખંડેર હાલતમાં હતો, બધા પલંગ તૂટેલા હતા, અને ઘણી ઘરવખરીની વસ્તુઓ અને કિંમતી વસ્તુઓ કાં તો ગાયબ હતી અથવા તૂટેલી હતી.
પોલીસે આ કેસમાં શું કહ્યું?
લોનાવાલા પોલીસ સ્ટેશનના સિનિયર ઇન્સ્પેક્ટર દિનેશ તાયડેએ પીટીઆઈને જણાવ્યું હતું કે આકારણી માટે એક ટીમ સ્થળ પર મોકલવામાં આવી છે. પોલીસ અધિકારીએ કહ્યું, "નુકસાન અને ચોરીનું મૂલ્યાંકન પૂર્ણ થયા પછી અમે ગુનો નોંધીશું."
ટોપ સ્ટોરી
ટ્રેન્ડિંગ સમાચાર
