Shah Rukh Khan In Brahmastra: શાહરુખ ખાનને ફિલ્મી પડદે જોવા માટે તેના ફેન્સ ઘણા લાંબા સમયથી રાહ જોઈ રહ્યા છે. ત્યારે ફેન્સની આતુરતાનો અંત હવે ટૂંક જ સમયમાં આવી શકે છે. હવે એ સમાચારની પુષ્ટી થઈ ચુકી છે કે, રણબીર કપૂરની આવનારી ફિલ્મ બ્રહ્માસ્ત્રમાં શાહરુખા ખાન પણ દેખાશે. અયાન મુખર્જી દ્વારા નિર્દેશિત આ ફિલ્મમાં શાહરુખ ખાન મહત્વની ભૂમિકામાં કેમિયો રોલ કરશે. રણબીર કપૂર અને આલિયા ભટ્ટની બ્રહ્માસ્ત્ર- પાર્ટ વનઃ શિવાનું ટીઝર રીલીઝ થયા બાદથી જ શાહરુખ ખાનના પ્રશંસક વિચારી રહ્યા હતા કે શું શાહરુખ આ ફિલ્મનો ભાગે છે? કારણ કે ટીઝરમાં એક જગ્યાએ શાહરુખની ઝલક દેખાઈ હોવાની વાત સોશિયલ મીડિયા પર થઈ હતી. ત્યારે હવે શાહરુખની બ્રહ્માસ્ત્રમાં ભૂમિકાને લઈ એક સૂત્રએ માહિતી આપી છે.
શાહરુખનો રોલ 5 થી 20 મીનિટનો રહેશેઃ
સૂત્રએ ઈન્ડિયનએક્સપ્રેસ.કોમને જણાવ્યું છે કે, શાહરુખ કથિત રીતે બ્રહ્માસ્ત્રમાં એક વૈજ્ઞાનિકની ભૂમિકા કરી રહ્યો છે. સાથે જ શાહરુખની આ ભૂમિકા ફિલ્મની કહાનીના ગ્રાફ માટે ઘણી મહત્વની હશે. ફિલ્મમાં શાહરુખનો રોલ ઓછામાં ઓછો 15 થી 20 મીનિટનો રહેશે. શાહરુખે કેટલાક મહિનાઓ પહેલાં જ પોતાના ભાગનું શૂટિંગ પુરુ કરી લીધું છે અને શાહરુખ પણ ફિલ્મની રીલીઝ થવાની રાહ જોઈ રહ્યો છે. તમને જણાવી દઈએ કે, બ્રહ્માસ્ત્ર- પાર્ટ વનઃ શિવાનું ટ્રેલર આજે રીલીઝ કરવામાં આવ્યું છે અને આ ફિલ્મમાં રણબીર કપૂર, આલિયા ભટ્ટ, અમિતાભ બચ્ચન, નાગાર્જૂન અને મૌની રોય છે. ફિલ્મ 9 સપ્ટેમમ્બરના રોજ થિયેટરોમાં રીલીઝ થશે.