Shahrukh Khan in Brahmastra: 31 મેના રોજ રણબીર કપૂર અને આલિયા ભટ્ટની આગામી ફિલ્મ 'બ્રહ્માસ્ત્ર'નું નવું ટીઝર રિલીઝ કરવામાં આવ્યું છે. આ ટીઝરમાં દર્શકોને અમિતાભ બચ્ચન, નાગાર્જુન અને મૌની રોયનો ફર્સ્ટ લુક જોવા મળ્યો હતો. આ બધા સિવાય ટીઝર રિલીઝ થયા બાદ એક બીજું નામ પણ ખૂબ ચર્ચામાં છે. અને તે છે બોલિવૂડના કિંગ ખાન એટલે કે શાહરૂખ ખાનનું નામ.
જી હાં, ટીઝર જોયા બાદ સોશિયલ મીડિયા પર એવા અહેવાલો છે કે શાહરૂખ ખાન પણ બ્રહ્માસ્ત્રમાં છે અને તે આ ફિલ્મમાં કેમિયો રોલ કરતો જોવા મળશે. જોકે, આ અંગે ફિલ્મના મેકર્સ તરફથી કોઈ સત્તાવાર નિવેદન નથી આવ્યું. તો પછી શા માટે શાહરૂખના નામની ચર્ચા થઈ રહી છે. ચાલો તમને જણાવીએ.
બ્રહ્માસ્ત્રને લઈને આ કારણે શાહરૂખ ચર્ચામાંઃ
વાત એમ છે કે, બ્રહ્માસ્ત્રના ટીઝરમાં, લાંબા વાળ ધરાવતો એક માણસ છે, જે હાથમાં ત્રિશૂળ લઈને લાલ ચમકતા પથ્થરની પાસે ઉભો છે. તે વ્યક્તિના લાંબા વાળ અને શરીરના દેખાવને જોઈને સોશિયલ મીડિયા યુઝર્સ કહી રહ્યા છે કે તે વ્યક્તિ બીજું કોઈ નહીં પણ શાહરૂખ ખાન છે.
આ રોલમાં જોવા મળશેઃ
જો કે, શાહરૂખ 'બ્રહ્માસ્ત્ર'માં હોવા અંગે કોઈ સત્તાવાર નિવેદન આવ્યું નથી. પરંતુ ટીઝર આવ્યા બાદ તે ફિલ્મમાં હોવાને લઈને ઘણી ચર્ચાઓ ચાલી રહી છે. આ સાથે જ કેટલાક મીડિયા રિપોર્ટ્સમાં એવો પણ દાવો કરવામાં આવી રહ્યો છે કે, આ ફિલ્મમાં શાહરૂખ એક વૈજ્ઞાનિકની ભૂમિકામાં જોવા મળશે. અને તેની પાસે 30 મિનિટનો કેમિયો રોલ હશે. જો કે આ બધી વાતોમાં કેટલી સત્યતા છે તે ત્યારે જ સ્પષ્ટ થશે જ્યારે મેકર્સનું આ અંગે કોઈ નિવેદન આવશે.