Jawan Break Pathaan Worldwide Record: શાહરૂખ ખાનની લેટેસ્ટ રિલીઝ થયેલી ફિલ્મ 'જવાન'એ માત્ર દેશમાં જ નહીં પરંતુ વિદેશી બોક્સ ઓફિસ પર પણ ધૂમ મચાવી છે. વર્લ્ડવાઈડ 1000 કરોડનો આંકડો પાર કર્યા પછી પણ શાહરૂખ ખાનની 'જવાન'ની કમાણીનો દોર બોક્સ ઓફિસ પર રોકાઈ રહ્યો નથી. ફિલ્મ સતત એક પછી એક રેકોર્ડ તોડી રહી છે. વર્લ્ડવાઈડ 'જવાન' એ આ વર્ષની કિંગ ખાનની બ્લોકબસ્ટર ફિલ્મનો રેકોર્ડ તોડ્યો છે.
'જવાન'એ વર્લ્ડવાઈડ 'પઠાણ'નો રેકોર્ડ તોડ્યો
એટલી દિગ્દર્શિત ફિલ્મ 'જવાન'એ બોક્સ ઓફિસ પર કમાણીનું સુનામી લાવ્યું છે. આ ફિલ્મે વિશ્વભરમાં ખૂબ જ ઝડપથી રૂ. 1000 કરોડનો આંકડો પાર કરીને ઈતિહાસ રચ્યો છે. હવે 'જવાન'એ આખરે શાહરૂખ ખાનના પઠાણનો ઓવરસીઝ કલેક્શનનો રેકોર્ડ તોડી નાખ્યો છે. SACNILCના રિપોર્ટ અનુસાર, 'જવાન' એ વર્લ્ડવાઈડ 'પઠાણ'ના 1055 કરોડ રૂપિયાનો આંકડો પાર કરી લીધો છે. આ સાથે જ 'જવાન' વર્ષ 2023ની સૌથી વધુ કમાણી કરનાર ભારતીય ફિલ્મ બની ગઈ છે. ભારતમાં અત્યાર સુધીની 10 સૌથી વધુ કમાણી કરનાર હિન્દી ફિલ્મોમાં જવાન, ગદર 2, પઠાણ, બાહુબલી 2, KGF 2, દંગલ, KGF નો સમાવેશ થાય છે.
જવાને 23 દિવસમાં વર્લ્ડવાઈડ પઠાણના કલેક્શનને માત આપી
જવાને તેની રિલીઝના 23 દિવસમાં પઠાણના વિશ્વભરમાં 1055 કરોડ રૂપિયાના કલેક્શનને પાછળ છોડી દીધું છે. આ ફિલ્મે ભારતમાં અંદાજે રૂ. 705 કરોડ (ગ્રોસ) અને વિદેશમાં રૂ. 350 કરોડની કમાણી કરી છે. આ સાથે આ ફિલ્મ હવે પાંચમી સૌથી વધુ કમાણી કરનાર ભારતીય ફિલ્મ અને વિશ્વભરમાં બીજી સૌથી વધુ કમાણી કરનાર હિન્દી ફિલ્મ બની ગઈ છે. તમને જણાવી દઈએ કે આમિર ખાનની દંગલ ફિલ્મે વર્લ્ડવાઈડ બોક્સ ઓફિસ પર 1968.03 કરોડ રૂપિયાની કમાણી કરી હતી.
'જવાન' ઘરેલુ બોક્સ ઓફિસ પર 600 કરોડ રૂપિયાની ખૂબ નજીક પહોંચી ગઈ છે
ઘરેલું બોક્સ ઓફિસ પર જવાન રૂ. 587 કરોડના 23 દિવસના કલેક્શન સાથે વર્ષની સૌથી વધુ કમાણી કરનારી હિન્દી ફિલ્મ છે. તે પહેલાથી જ 'ગદર 2' અને 'પઠાણ'ના ભારતીય કલેક્શનને માત આપી ચૂકી છે અને હવે તે 600 કરોડના ક્લબ તરફ આગળ વધી રહી છે.
એક વર્ષમાં સતત બે 1000 કરોડની ફિલ્મો આપનાર એકમાત્ર ભારતીય અભિનેતા શાહરૂખ ખાન છે. હવે તેની વર્ષની ત્રીજી ફિલ્મ ‘ડિંકી’ ક્રિસમસ પર રિલીઝ માટે તૈયાર છે. આશા છે કે આ ફિલ્મ બોક્સ ઓફિસ પર નવો ઈતિહાસ રચશે.