Kiara Advani Reaction On Marriage: બોલિવૂડમાં આ દિવસોમાં કિયારા અને સિદ્ધાર્થ મલ્હોત્રાના લગ્ન વિશે ઘણી અફવાઓ ઉડી રહી છે. એવું કહેવામાં આવી રહ્યું છે કે જાન્યુઆરી પછી કપલ લગ્ન કરી શકે છે. જોકે હજુ સુધી સિદ્ધાર્થ કે કિયારાએ આ વિશે કંઈ કહ્યું નથી. પરંતુ જ્યારે પણ પાપારાઝી કિયારા અને સિદ્ધાર્થને આ વિશે પૂછે છે ત્યારે બંને શરમાવા લાગે છે.
લગ્નની તારીખ વિશે પૂછવામાં આવતા કિયારા શરમાઈ ગઈ
તમને જણાવી દઈએ કે કિયારા અડવાણી ગત દિવસે 'મિશન મજનુ'ની સ્ક્રીનિંગમાં જોવા મળી હતી. સ્પાય થ્રિલર 'મિશન મજનૂ' સિદ્ધાર્થ મલ્હોત્રાની આગામી ફિલ્મ છે. ઈવેન્ટમાં ઓલ વ્હાઈટ લુકમાં કિયારા ખૂબ જ ક્યૂટ લાગી રહી હતી. બીજી તરફ જ્યારે પાપારાઝીએ કિયારાની તસવીરો ક્લિક કરી અને તેને 6 ફેબ્રુઆરીએ તેના લગ્નની તારીખ વિશે પૂછ્યું ત્યારે કિયારા આ સાંભળીને શરમાવા લાગી હતી. જોકે તેણે આ અંગે કોઈ ટિપ્પણી કરી ન હતી.
કિયારાએ સિદ્ધાર્થના જન્મદિવસ પર એક સુંદર તસવીર શેર કરી હતી
જણાવી દઈએ કે હાલમાં જ સિદ્ધાર્થે તેનો 38મો જન્મદિવસ ઉજવ્યો હતો. આ દરમિયાન તેની લેડી લવ કિયારાએ ઇન્સ્ટા પર સિદ્ધાર્થ સાથેની તેની એક સુંદર તસવીર શેર કરી હતી. તસવીરમાં લવ બર્ડ્સ એકબીજાને જોતા જોવા મળ્યા હતા.
કિયારા અને સિદ્ધાર્થ ફેબ્રુઆરીમાં લગ્ન કરશે
સિદ્ધાર્થ મલ્હોત્રા અને કિયારા અડવાણી ફેબ્રુઆરીના પહેલા અઠવાડિયામાં લગ્ન કરી શકે છે. રિપોર્ટ અનુસાર સિડ અને કિયારાના ભવ્ય લગ્ન યોજાશે . 4 અને 5 ફેબ્રુઆરીના રોજ હલ્દી, મહેંદી, સંગીત સહિતના પ્રી-વેડિંગ ફંક્શન યોજાઈ શકે છે. અને 6 ફેબ્રુઆરીએ દંપતી જેસલમેર પેલેસ હોટેલમાં સાત ફેરા લેશે.