Tu Jhoothi Main Makkaar Trailer Released: બોલિવૂડની જાણીતી અભિનેત્રી શ્રદ્ધા કપૂર લાંબા સમય બાદ મોટા પડદા પર કમબેક કરવા માટે તૈયાર છે. ફિલ્મ 'તુ જૂઠી મેં મક્કાર ' દ્વારા શ્રદ્ધા ફરી એકવાર તેના ચાહકોનું મનોરંજન કરવા આવી રહી છે. આ ફિલ્મમાં શ્રદ્ધા પહેલીવાર સુપરસ્ટાર રણબીર કપૂર સાથે સિલ્વર સ્ક્રીન પર રોમાન્સ કરતી જોવા મળશે. સોમવારે શ્રદ્ધા અને રણબીરની આગામી ફિલ્મ 'તુ જૂઠી મેં મક્કાર'નું શાનદાર ટ્રેલર રિલીઝ કરવામાં આવ્યું છે.=
'તુ જૂઠી મેં મક્કાર'નું ટ્રેલર રિલીઝ
હિન્દી સિનેમાના પ્રખ્યાત નિર્દેશક લવ રંજનની ફિલ્મ 'તુ જૂઠી મેં મક્કાર' માટે ચાહકો ખૂબ જ ઉત્સાહિત છે. હાલમાં જ મેકર્સ દ્વારા આ ફિલ્મના ટ્રેલરની રિલીઝ ડેટની જાહેરાત કરવામાં આવી હતી. ત્યારે 'તુ જૂઠી મેં મક્કાર'નું ટ્રેલર 23 જાન્યુઆરી એટલે કે આજ રોજ સોમવારે રિલીઝ કરવામાં આવ્યું. 'તુ જૂઠી મેં મક્કાર'ના આ ટ્રેલરમાં તમે રણબીર કપૂર અને શ્રદ્ધા કપૂરની જોરદાર કેમેસ્ટ્રી જોઈ શકો છો. જેના કારણે તમે એમ ન કહી શકો કે આ બંને કલાકારો પહેલીવાર મોટા પડદા પર સાથે જોવા મળી રહ્યા છે. રોમેન્ટિક-કોમેડી 'તુ જૂઠી મેં મક્કાર'નું આ ટ્રેલર એટલું શાનદાર છે કે તમે તેની પરથી નજર હટાવી શકતા નથી. પછી તે બંને સેલેબ્સની એક્ટિંગ હોય કે ટ્રેલરમાં દેખાડવામાં આવેલા ડાયલોગની પંચ લાઈન. જો આ લવ રંજનની ફિલ્મ છે તો તેમાં સેન્સ ઓફ હ્યુમર વધારે હશે અને મ્યુઝિકનું લેવલ તેના કરતા ઘણું વધારે હશે. એકંદરે, 'તુ જૂઠી મેં મક્કાર'નું આ ટ્રેલર એન્ટરટાઇમેન્ટનો ભરપૂર ડોઝ છે.
'તુ જૂઠી મેં મક્કાર' ફિલ્મ ક્યારે રિલીઝ થશે?
'તુ જૂઠી મેં મક્કાર'નું આ ફની ટ્રેલર જોયા પછી દરેક લોકો આ ફિલ્મ માટે ખૂબ જ ઉત્સાહિત દેખાઈ રહ્યા છે. આ પહેલા 'તુ જૂઠી મેં મક્કાર'નું ટીઝર રિલીઝ થઈ ગયું છે. આવી સ્થિતિમાં હવે રણબીર કપૂર અને શ્રદ્ધા કપૂરની આ ફિલ્મને જોવા ચાહકો આતુર છે. લવ રંજનની 'તુ જૂઠી મેં મક્કાર' 8 માર્ચ 2023ના રોજ રિલીઝ થશે.