Urfi Javed Viral Video: ટીવીના સૌથી લોકપ્રિય રિયાલિટી શો 'બિગ બોસ'ની પહેલા OTT સીઝનથી જ લાઇમલાઇટમાં આવેલી ઉર્ફી જાવેદ હંમેશા તેની ડ્રેસિંગ સેન્સને લઈને ચર્ચામાં રહે છે. ઉર્ફીની તસવીરો સોશિયલ મીડિયા પર દરરોજ વાયરલ થતી રહે છે, જેમાં તેની વિચિત્ર ડ્રેસ સેન્સ જોવા મળે છે. ઘણી વખત લોકોને તેની ડ્રેસિંગ સેન્સ બિલકુલ પસંદ નથી આવતી અને તેના કારણે ઉર્ફી ટ્રોલ પણ થાય છે. ફરી એકવાર ઉર્ફીનો એક વીડિયો સોશિયલ મીડિયા પર સામે આવ્યો છે, પરંતુ આ વીડિયો થોડો અલગ છે.
વાસ્તવમાં ઈન્સ્ટાગ્રામ પર ઉર્ફી જાવેદનો એક વીડિયો વાયરલ થયો છે, જેમાં ઉર્ફી જાવેદ એક હાથમાં ગુલાબ અને બીજા હાથમાં મોબાઈલ લઈને ઉભેલી જોવા મળે છે. તે રોડ કિનારે ગુલાબ સાથે સેલ્ફી લઈ રહી છે. જો કે, સેલ્ફી લીધા પછી, ઉર્ફી ગુલાબની જગ્યાએ તેનો ફોન રસ્તા પર ફેંકી દે છે અને પાછળથી આવતી સ્કૂટી તેના મોબાઇલ પર ચઢી જાય છે, જેના પછી ઉર્ફી ખૂબ જ નિરાશ થઈ જાય છે.
આમ તો, વીડિયોને જોઈને લાગે છે કે ઉર્ફીએ જાણી જોઈને આવો વીડિયો બનાવ્યો હશે. લાગે છે કે ઉર્ફીએ તેની રીલ માટે આવો વીડિયો બનાવ્યો છે. ઉર્ફીનો આ વીડિયો હવે સોશિયલ મીડિયા પર વાયરલ થયો છે. તેના ચાહકો પણ તેનો આ વીડિયો ખૂબ પસંદ કરી રહ્યા છે.ઉર્ફી જાવેદ કોઈપણ અભિનય કર્યા વગર લાઇમલાઇટમાં રહે છે. ઉર્ફી 'બિગ બોસ ઓટીટી'માં કંઈ પણ ખાસ કરી શકી નહોતી, અને તે શો છોડનારી પ્રથમ સ્પર્ધક હતી, પરંતુ ઉર્ફી તેની ડ્રેસિંગ સેન્સને કારણે હંમેશા હેડલાઇન્સમાં રહે છે. ભાગ્યે જ કોઈ દિવસ પસાર થશે જ્યારે ઉર્ફીના વીડિયો કે તસવીરો સોશિયલ મીડિયા પર વાયરલ ન થઈ હોય.