અનન્યા પાંડેની ગણતરી બોલીવુડની એ હિરોઈનમાં થાય છે જેમણે બહુ જ થોડા સમયમાં દર્શકોના દિલોમાં જગ્યા બનાવી લીધી હોય. અનન્યા સોશિયલ મીડિયા પર પણ ઘણી એક્ટિવ રહેતી હોય છે. સાથે જ અનન્યા પોતાના ફોટો અને વીડિયોને લઈને પણ ઘણી ચર્ચામાં રહેતી હોય છે. આ સમયે જ અન્યન્યાને થોડા દિવસ પહેલાં ટ્રોલીંગનો પણ સામનો કરવો પડ્યો હતો. સોશિયલ મીડિયા પર અનન્યાને ટ્રોલ કરવા મુદ્દે હવે પિતા ચંકી પાંડેએ મૌન તોડ્યું છે.
થોડા દિવસ પહેલાં ફિલ્મ નિર્માતા અપૂર્વ મહેતાના 50મા જન્મદિવસ પર યોજાયેલી એક પાર્ટીમાં અનન્યા પાંડે પણ હાજર રહી હતી. આ પાર્ટીમાં અનન્યાએ જે કપડાં પહેર્યાં હતાં તેને લઈને તે બધાના ધ્યાનમાં આવી હતી. આ પાર્ટીમાં અનન્યાએ કોર્સેટ બોડીસૂટ સાથે બ્લેક થાઈ-હાઈ સ્લિટ શીયર ડ્રેસ પહેર્યો હતો. આ કપડાંમાં અનન્યાનો ફોટો જેવો સોશિયલ મીડિયા પર આવ્યો કે તરત જ અનન્યાને ટ્રોલ કરવાનું શરુ થઈ ગયું હતું. અનન્યાના ફોટો જોઈને કેટલાક લોકોએ તેની સરખામણી ઉર્ફી જાવેદ સાથે પણ કરી હતી. જ્યારે કેટલાક લોકોએ તેના ડ્રેસને ખુબ જ ખરાબ કહ્યો હતો. હવે આ મામલે અનન્યાના પિતા ચંકી પાંડે પોતાની પુત્રીના સમર્થનમાં આવ્યા છે. ચંકી પાંડે એ કહ્યું કે, એક માતા-પિતા તરીકે અમે ક્યારેય અનન્યાને નથી કહ્યું કે શું પહેરવું જોઈએ અને શું ના પહેરવું જોઈએ. અમે અમારી બંને દિકરીઓને ખુબ સારી રીતે ઉછેરી છે અને તે બંને સમજદાર પણ છે.
ચંકી પાંડેએ વધુમાં કહ્યું કે તેમની પુત્રી જે ઈંડસ્ટ્રીમાં કામ કરી રહી છે ત્યાં ગ્લેમરસ દેખાવવાની ઘણી જરુર છે. ચંકી પાંડેએ આગળ કહ્યું કે હું મારી દિકરીઓ વિશે એક વાત નિશ્ચિંત પણે જાણું છું કે, તેમનામાં એક માસૂમિયત છે. ચંકીએ આગળ કહ્યુ કે, તમે જે પણ પહેરો તેના પર હસવું સહેલું છે. વાતોને આપણે વખાણની રીતે લેવી જોઈએ. અન્યાના પિતાને જો કોઈ તકલીફ ના હોય તો મને નથી લાગતું કે બીજા કોઈને ખરાબ લાગવું જોઈએ.