Shehnaaz Gill Romantic Dance With Guru Randhawa: એક્ટ્રેસ શહનાઝ ગિલ (Shehnaaz Gill)ની પૉપ્યુલારિટી કોઇનીથી છુપાયેલી નથી. સોશ્યલ મીડિયા પર તેનો દબદબો બનેલો છે, અને તેની પૉસ્ટ ફેન્સની વચ્ચે ચર્ચાનો વિષય બની છે, હાલમાં એક્ટ્રેસે શેર કરેલી પૉસ્ટ ખુબ જ વાયરલ થઇ રહી છે, જેમાં તે એક પંજાબી સિંગર સાથે રૉમાન્સ કરતી જોવા મળી રહી છે. હાલમાં તે દુબઇમાં પ્રેસ કૉન્ફરન્સ એટેન્ડ કરવા પહોંચી છે.
ફિલ્મફેરની પ્રેસ કૉન્ફરન્સનો સિલસિલામાં દુબઇ પહોંચેલી શહનાઝ ગિલની કેટલીક ઝલક છેલ્લા એક બે દિવસથી વાયરલ થઇ રહી છે. જોકે, હવે ફેન્સનુ ધ્યાન ખેંચતો એક વીડિયો સામે આવ્યો છે, જેમાં શહનાઝ ગિલ પંજાબી સિંગર ગુરુ રંધાવા સાથે મોડી રાત્રે મસ્તી સાથે રોમાન્સ કરતી જોા મળી રહી છે, આ વીડિયોમાં બન્ને મોડી રાત્રે કપલ ડાન્સ કરતા દેખાઇ રહ્યાં છે. આ વીડિયો જોઇને ફેન્સ પણ એક્ટ્રેસને અનેક સવાલો કરી રહ્યાં છે, લોકો પુછી રહ્યા છે કે આ શં છે ? ખાસ વાત છે કે, દિવાળી પાર્ટી દરમિયાન પણ ગુરુ રંધાવા અને શહનાઝ ગિલનો એક વીડિયો વાયરલ થયો હતો, જે પણ ખુબ ચર્ચામાં આવ્યો હતો. આ વીડિયોમાં પણ બન્ને મસ્તી કરતા જોવા મળ્યા હતા.
આ વીડિયો ગુરુ રંધાવાએ ઇન્સ્ટાગ્રામ પર પૉસ્ટ કર્યો છે, જેમાં શહનાઝ ગિલ ઓફ શૉલ્ડર ગાઉનમાં દેખાઇ રહી છે, જેમાં બન્નેની ટ્વીનિંગ ખુબ સારી દેખાય છે, ગુરુ રંધાવાએ બ્લેક ટીશર્ટ અને ટ્રાઉઝર પહેરેલુ છે, સાથે ગ્રીન જેકેટ કેરી કર્યુ છે. વીડિયોમાં પંજાબી સિંગર પોતાના ગીત 'મૂન રાઇઝ' પર શહનાઝ ગિલ પોતાની બાહોમાં લઇને કપલ ડાન્સ કરી રહ્યો છે, આ વીડિયો મોડી રાતનો છે, અને અંધારાનુ બેકગ્રાઉન્ડ પણ ખુબ સરસ દેખાઇ રહ્યું છે.
આ પૉસ્ટમાં સિંગર ગુરુ રંધાવાએ લખ્યું છે- 'પા ગઇયાં શમન ને પર અપની ફેવરેટ શહનાઝ ગિલ કે સાથ'. શહનાઝ ગિલને ટેગ કરીને તેને લખ્યું છે શું આપણે એક સાથે વીડિયો શૂટ કરવો જોઇએ. આ વીડિયોની હાલમાં ખુબ ચર્ચા થઇ રહી છે.