શું તમને ઓશીકું વાળીને ઊંઘવાની ટેવ છે? તો આ આદત બગાડી શકે છે તમારું સ્વાસ્થ્ય

રાત્રે જમ્યા પછી રોજ કરો એલચીનું સેવન, 5 મોટા ફાયદા જાણી તમે પણ દંગ રહી જશો

gujarati.abplive.com — Wed, 23 Sep 2026 19:23:56 +0530

રાત્રે જમ્યા પછી રોજ કરો એલચીનું સેવન, 5 મોટા ફાયદા જાણી તમે પણ દંગ રહી જશો

જાતે પેઇનકિલર કે એન્ટિબાયોટિક લો છો? કેન્દ્ર સરકારની આ નવી ગાઈડલાઈન વાંચો

gujarati.abplive.com — Tue, 22 Sep 2026 18:56:31 +0530

CDSCO warning self medication: આજના ઝડપી યુગમાં લોકોને નાની-મોટી બીમારીઓ માટે વારંવાર ડૉક્ટર પાસે જવાનો સમય મળતો નથી. માથું દુખતું હોય, શરીરમાં કળતર થતી હોય કે સામાન્ય તાવ હોય, લોકો મેડિકલ સ્ટોરમાંથી સીધી પેઇનકિલર (દર્દશામક દવા) લઈને ખાઈ લે છે. આ જ રીતે, શરદી, ખાંસી કે ગળામાં સામાન્ય દુખાવો થવા પર લોકો પોતાની જાતે જ એન્ટિબાયોટિક્સ દવાનો કોર્સ શરૂ કરી દે છે. આ પ્રથા સ્વાસ્થ્ય માટે કેટલી જોખમી સાબિત થઈ શકે છે તે અંગે ભારતની સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (CDSCO) દ્વારા ગંભીર ચેતવણી જારી કરવામાં આવી છે.

CDSCO ના નવા ડ્રગ્સ ડિવિઝને એક સત્તાવાર પરિપત્ર બહાર પાડીને ડૉક્ટરના પ્રિસ્ક્રિપ્શન વિના પેઇનકિલર્સ અને એન્ટિબાયોટિક્સ દવાઓ ખાવાના ગંભીર પરિણામો વિશે દેશની જનતાને માહિતગાર કર્યા છે.

પેઇનકિલર્સથી કિડનીને થઈ શકે છે મોટું નુકસાન

શરીરનો દુખાવો અને બળતરા ઘટાડવા માટે લોકો મોટાભાગે NSAIDs (નોન-સ્ટીરોઇડલ એન્ટી-ઇન્ફ્લેમેટરી ડ્રગ્સ) વર્ગની પેઇનકિલર્સ લેતા હોય છે. નિષ્ણાતોના મતે, આ દવાઓનો વારંવાર અથવા લાંબા સમય સુધી ઉપયોગ કરવાથી કેટલાક લોકોમાં સીધી કિડની પર પ્રતિકૂળ અસર પડે છે. જે લોકોને પહેલેથી જ કિડનીની કોઈ બીમારી હોય, હૃદયની તકલીફ હોય કે શરીરમાં પાણીની કમી (ડિહાઇડ્રેશન) રહેતી હોય, તેમના માટે આ દવાઓનો સ્વ-વહીવટ ઘાતક સાબિત થઈ શકે છે. ભૂતકાળમાં કોઈ પેઇનકિલર લીધી હોય અને તેનાથી રાહત મળી હોય, તો પણ ભવિષ્યમાં ડૉક્ટરની સલાહ વિના તેનું પુનરાવર્તન કરવું હિતાવહ નથી.

એન્ટિબાયોટિક્સ વાયરલ ઇન્ફેક્શનનો ઈલાજ નથી

લોકોમાં એવી વ્યાપક ગેરસમજ છે કે એન્ટિબાયોટિક્સ દરેક રોગનો સચોટ ઈલાજ છે. વાસ્તવમાં, સામાન્ય શરદી અને મોટાભાગના વાયરલ ઇન્ફેક્શનમાં એન્ટિબાયોટિક્સ બિલકુલ કામ કરતી નથી, કારણ કે તેનો ઉપયોગ માત્ર બેક્ટેરિયલ ઇન્ફેક્શનની સારવાર માટે જ થાય છે. બિનજરૂરી રીતે આ દવાઓ ખાવાથી શરીરમાં 'એન્ટિમાઇક્રોબાયલ રેઝિસ્ટન્સ' (AMR) નામની ભયંકર સ્થિતિ પેદા થાય છે. આ સ્થિતિમાં શરીરના બેક્ટેરિયા દવાથી ટેવાઈ જાય છે અને તેની સામે મજબૂત બની જાય છે. પરિણામે, જ્યારે ભવિષ્યમાં ખરેખર દવાની જરૂર પડે છે, ત્યારે તે દવા શરીર પર અસરહીન બની જાય છે. વધુમાં, ડૉક્ટરે લખી આપેલો ડોઝ જાતે જ બદલવો, સારવાર અધવચ્ચે છોડી દેવી કે અન્ય કોઈ વ્યક્તિની વધેલી દવા ખાઈ લેવી એ પણ સ્વાસ્થ્ય માટે અત્યંત હાનિકારક છે.

મેડિકલ સ્ટોર્સ અને ફાર્માસિસ્ટ માટેના નિયમો

CDSCO એ માત્ર જનતા જ નહીં, પરંતુ દવાના વેપારીઓ માટે પણ સ્પષ્ટ અને કડક સૂચનાઓ આપી છે. મોટાભાગની પેઇનકિલર્સ દવાઓ 'શેડ્યૂલ H' (Schedule H) અને મોટાભાગની એન્ટિબાયોટિક્સ દવાઓ 'શેડ્યૂલ H1' (Schedule H1) કેટેગરી હેઠળ આવે છે. કાયદા મુજબ, આ બંને પ્રકારની દવાઓ માત્ર પ્રિસ્ક્રિપ્શનના આધારે જ વેચવી આવશ્યક છે. 'શેડ્યૂલ H1' ની દવાઓના પેકિંગ પર એક સ્પષ્ટ ચેતવણી પણ આપેલી હોય છે કે તબીબી સલાહ વિના તેનો ઉપયોગ ખતરનાક બની શકે છે.

નાગરિકો માટે સ્વાસ્થ્ય સુરક્ષાની માર્ગદર્શિકા

જરાસરખા દુખાવા માટે જાતે જ વારંવાર પીડાશામક દવા ખાવાની આદત ટાળો.

જો તાવ કે દુખાવો 2 થી 3 દિવસ કરતા વધુ સમય સુધી રહે, તો નિષ્ણાત ડૉક્ટરની સલાહ ચોક્કસ લો.

વાયરલ ઇન્ફેક્શન કે સામાન્ય શરદી-ખાંસી માટે ક્યારેય જાતે એન્ટિબાયોટિક્સ ન લો.

તમારા ડૉક્ટરે જેટલા દિવસ માટે એન્ટિબાયોટિક લખી આપી હોય, તેટલા દિવસનો કોર્સ નિર્દેશન મુજબ જ પૂરો કરો.

ઘરમાં પડેલી અન્ય બીમારીની કે બીજા કોઈની વધેલી દવાઓનો ઉપયોગ ક્યારેય કરશો નહીં.

જો તમને પહેલાથી જ કિડની, હૃદયરોગ કે ડિહાઇડ્રેશનની કોઈ તકલીફ હોય, તો કોઈપણ નવી દવા લેતા પહેલા ડૉક્ટરને અચૂક જાણ કરો.

દવાઓ રોગ મુક્તિ માટે છે, પરંતુ તેનો યોગ્ય માત્રામાં અને યોગ્ય સમયગાળા માટે, જરૂર મુજબ ઉપયોગ કરવામાં આવે તે અનિવાર્ય છે. ખોટી રીતે અને જાતે જ દવાઓ લેવાથી માત્ર શારીરિક અંગોને નુકસાન થવાનું જોખમ જ નથી વધતું, પરંતુ ભવિષ્યની સારવાર માટે દવાઓ બિનઅસરકારક પણ બની શકે છે.

દરરોજ ગિલોયનું જ્યુસ પીવામાં આવે તો શું થશે, ફાયદા જાણી તમે પણ પીવા લાગશો

gujarati.abplive.com — Tue, 22 Sep 2026 16:55:32 +0530

દરરોજ ગિલોયનું જ્યુસ પીવામાં આવે તો શું થશે, ફાયદા જાણી તમે પણ પીવા લાગશો

Health: કોફીના પીવાના શોખીન છો તો સાવધાન, જાણો દિવસમાં કેટલી કોફી પીવી યોગ્ય

gujarati.abplive.com — Sun, 20 Sep 2026 13:58:26 +0530

સવારે ઉઠતાની સાથે જ કોફી પીવી ઘણા લોકોની રોજિંદી આદત હોય છે. કામ દરમિયાન થાક લાગે ત્યારે પણ લોકો એક કપ કોફી પી લે છે. કોફીમાં કેફીન હોય છે, જે થોડા સમય માટે શરીરને વધુ સક્રિય અને મગજને સતર્ક રાખવામાં મદદ કરે છે. પરંતુ તેનો અર્થ એ નથી કે દિવસ દરમિયાન ગમે તેટલી કોફી પી શકાય. વધુ પડતું કેફીન લેવાથી બેચેની, ઊંઘ ખરાબ થવી અને હૃદયના ધબકારા ઝડપી થવા જેવી સમસ્યાઓ થઈ શકે છે. તેથી કોફીની માત્રાનું ધ્યાન રાખવું જરૂરી છે.

દિવસમાં કેટલી કોફી પીવી યોગ્ય છે?

અમેરિકન ફૂડ એન્ડ ડ્રગ એડમિનિસ્ટ્રેશન (FDA) અનુસાર, મોટાભાગના સ્વસ્થ પુખ્ત લોકો માટે દિવસમાં કુલ 400 મિલિગ્રામ સુધી કેફીન સામાન્ય રીતે નકારાત્મક અસરો સાથે જોડાયેલું નથી. આ માત્રા લગભગ 2થી 4 કપ કોફી જેટલી હોઈ શકે છે. જોકે, કોફીમાં કેફીનનું પ્રમાણ તેના પ્રકાર અને બનાવવાની રીત પર આધાર રાખે છે. તેથી દરેક કપમાં કેફીનની માત્રા એકસરખી હોતી નથી.

ચા, એનર્જી ડ્રિંક, ચોકલેટ અને કેટલીક દવાઓ દ્વારા પણ શરીરમાં કેફીન પહોંચે છે. આવી સ્થિતિમાં દિવસ દરમિયાન કેફીનના તમામ સ્ત્રોતોને ધ્યાનમાં રાખવા જરૂરી છે.

વધુ કોફી પીવાથી શું સમસ્યા થઈ શકે?

કેફીનની માત્રા વધુ થઈ જાય તો કેટલાક લોકોને બેચેની, હાથ ધ્રૂજવા, માથાનો દુખાવો, પેટ ખરાબ થવું અને હૃદયના ધબકારા ઝડપી થવાની સમસ્યા થઈ શકે છે. સૌથી સામાન્ય અસર ઊંઘ પર પડે છે. સાંજે અથવા રાત્રે વધુ કોફી પીવાથી ઊંઘવામાં મુશ્કેલી થઈ શકે છે અને ઊંઘની ગુણવત્તા પણ ખરાબ થઈ શકે છે.

દરેક વ્યક્તિનું શરીર કેફીનને અલગ રીતે સહન કરે છે. કેટલાક લોકોને એક કે બે કપ કોફી પીધા બાદ પણ સમસ્યા થઈ શકે છે, જ્યારે કેટલાક લોકો વધુ માત્રામાં પણ સામાન્ય અનુભવે છે. તેથી માત્ર કપની સંખ્યા જોવાને બદલે તમારા શરીર પર થતી અસરને પણ ધ્યાનમાં રાખવી જરૂરી છે.

કયા લોકોએ કોફી પીતી વખતે સાવચેતી રાખવી જોઈએ?

ગર્ભવતી મહિલાઓને કેફીનની માત્રા ઓછી રાખવાની સલાહ આપવામાં આવે છે. અમેરિકન કોલેજ ઑફ ઑબ્સ્ટેટ્રિશિયન્સ એન્ડ ગાયનેકોલોજિસ્ટ્સ (ACOG) અનુસાર, ગર્ભાવસ્થા દરમિયાન દરરોજ 200 મિલિગ્રામથી ઓછી કેફીન લેવી સામાન્ય રીતે સુરક્ષિત માનવામાં આવે છે.

આ ઉપરાંત, જે લોકોને ઊંઘની સમસ્યા, બેચેની, હૃદયના ધબકારા સંબંધિત તકલીફ અથવા કેફીન પ્રત્યે સંવેદનશીલતા હોય, તેમણે કોફીની માત્રા અંગે ડોક્ટરની સલાહ લેવી જોઈએ.

કોફી પીતી વખતે તેમાં ઉમેરવામાં આવતી ખાંડ અને ક્રીમની માત્રા પર પણ ધ્યાન આપવું જોઈએ. જો કોફી પીધા બાદ વારંવાર ઊંઘ ખરાબ થતી હોય અથવા હૃદયના ધબકારા ઝડપી અનુભવાતા હોય, તો કોફીની માત્રા ઘટાડવી વધુ યોગ્ય રહે છે.

આયોડિનની ઉણપને દૂર કરવા માટે ડાયટમાં કઈ કઈ વસ્તુઓ સામેલ કરવી જોઈએ?

gujarati.abplive.com — Fri, 18 Sep 2026 16:58:39 +0530

Iodine Deficiency: આયોડિન આપણા શરીર માટે ખૂબ જ જરૂરી મિનરલ છે. જેની જરૂરિયાત શરીરને થાઇરોઇડ હોર્મોન બનાવવા માટે હોય છે. આ હોર્મોન શરીરનું મેટાબોલિઝમ, શરીરનું તાપમાન, એનર્જી લેવલ, વૃદ્ધિ અને મગજના વિકાસને નિયંત્રિત કરવામાં મદદ કરે છે. શરીરમાં આયોડિનની ઉણપથી ગોઇટર રોગ, થાઇરોઇડ સંબંધિત સમસ્યાઓ, થાક, વજન વધવું અને બાળકોમાં શારીરિક તથા માનસિક વિકાસમાં અવરોધ જેવી મુશ્કેલીઓ થઈ શકે છે. એવામાં આયોડિનની આ ઉણપને કેવી રીતે દૂર કરી શકાય તે વિશે આ લેખમાં જાણીશું.

આયોડિન યુક્ત મીઠું

આયોડિનની ઉણપ દૂર કરવા માટે તમે આયોડિન યુક્ત મીઠાનો ઉપયોગ કરી શકો છો. આયોડિન વગરના મીઠાની જગ્યાએ આયોડિન યુક્ત મીઠું વાપરવાથી શરીરની રોજની જરૂરિયાત પૂરી કરવામાં મદદ મળી શકે છે. જોકે, મીઠાનું સેવન મર્યાદિત માત્રામાં જ કરવું જોઈએ, કારણ કે વધારે મીઠું ખાવાથી હાઈ બ્લડ પ્રેશરનું જોખમ વધી શકે છે. આયોડિન યુક્ત મીઠાને બંધ ડબ્બામાં, ભેજ અને ગરમ વસ્તુઓથી દૂર રાખો, જેથી તેમાં રહેલું આયોડિન લાંબા સમય સુધી જળવાઈ રહે.

આ પણ વાંચો...Health Tips: ટેન્શનવાળી લાઈફમાં કેવી રીતે રહેવું ખુશ? આ 5 આઈડીયા આવશે કામ

ડેરી પ્રોડક્ટ્સ

દૂધ, દહીં અને બીજી ડેરી પ્રોડક્ટ્સમાંથી પણ આયોડિન મળી શકે છે. જોકે આમાં આયોડિનની માત્રા અલગ-અલગ હોઈ શકે છે. ઈંડા, ઈંડાની જરદીમાં પણ સારી માત્રામાં આયોડિન હોય છે. માછલી અને સીફૂડમાંથી પણ સારી માત્રામાં આયોડિન મળી શકે છે, પરંતુ તે માછલીના પ્રકાર અને ખાધેલી માત્રા પર નિર્ભર કરે છે. તો વળી છોડમાંથી મળતા કેટલાક ખાદ્ય પદાર્થો, જેમ કે બીન્સ, અનાજ અને શાકભાજીઓમાં પણ અલગ-અલગ માત્રામાં આયોડિન મળી આવે છે. કોબીજ, ફ્લાવર અને બ્રોકોલી જેવી શાકભાજીઓમાં ગોઇટ્રોજન નામના કેટલાક તત્વો હોય છે, જે ખૂબ વધારે માત્રામાં ખાવા પર શરીરમાં આયોડિનના ઉપયોગમાં અવરોધ ઊભો કરી શકે છે. આયોડિનની ઉણપ અથવા થાઇરોઇડની બીમારી વાળા લોકોએ આ શાકભાજીઓને વધારે માત્રામાં, ખાસ કરીને કાચી અથવા સલાડના રૂપમાં, ખાવાથી બચવું જોઈએ અને પોતાના ડાયટ વિશે ડૉક્ટરની સલાહ લેવી જોઈએ.

સીવીડ
સીવીડમાં આયોડિનની માત્રા ખૂબ વધારે હોય છે. ખૂબ વધારે સીવીડ ખાવાથી અથવા ડૉક્ટરની સલાહ વગર આયોડિન સપ્લીમેન્ટ લેવાથી શરીરમાં જરૂરિયાત કરતા વધારે આયોડિન થઈ શકે છે અને આનાથી થાઇરોઇડના કામ પર અસર પડી શકે છે. જે લોકો વીગન ડાયટ લે છે, ડેરી પ્રોડક્ટ્સ નથી ખાતા અથવા ખૂબ ઓછું સીફૂડ ખાય છે, તેમણે પોતાના ખોરાકમાં આયોડિનની પૂરતી માત્રા પર ખાસ ધ્યાન આપવું જોઈએ. ગર્ભાવસ્થા અને સ્તનપાન દરમિયાન શરીરને આયોડિનની જરૂરિયાત પણ વધારે હોય છે. થાઇરોઇડની બીમારી વાળા લોકોએ ડૉક્ટરની સલાહ વગર આયોડિન સપ્લીમેન્ટ ન લેવા જોઈએ, કારણ કે આયોડિનની ઉણપ અને તેની વધારે માત્રા, બંને થાઇરોઇડના સ્વાસ્થ્ય પર અસર કરી શકે છે. તમને જણાવી દઈએ કે, સીવીડ એ સમુદ્ર કે મહાસાગરમાં ઊગતી એક પ્રકારની દરિયાઈ વનસ્પતિ છે. તે સમુદ્રના પાણીમાં,ખડકો પર કે દરિયાઈ કિનારે કુદરતી રીતે ઊગે છે.

ડિસ્ક્લેમર: સમાચારમાં આપેલી કેટલીક માહિતી મીડિયા રિપોર્ટ્સ પર આધારિત છે. તમે કોઈપણ સૂચનને અમલમાં મૂકતા પહેલા સંબંધિત નિષ્ણાતની સલાહ જરૂર લો.

Health Tips: ટેન્શનવાળી લાઈફમાં કેવી રીતે રહેવું ખુશ? આ 5 આઈડીયા આવશે કામ

gujarati.abplive.com — Fri, 18 Sep 2026 14:51:13 +0530

Health Tips: ટેન્શનવાળી લાઈફમાં કેવી રીતે રહેવું ખુશ? આ 5 આઈડીયા આવશે કામ

વિટામિન C થી ભરપૂર આમળાના સેવનથી શરીરમાં શું ફાયદા થાય, જાણી લો

gujarati.abplive.com — Thu, 17 Sep 2026 23:24:51 +0530

વિટામિન C થી ભરપૂર આમળાના સેવનથી શરીરમાં શું ફાયદા થાય, જાણી લો

Rain forecast: રાજ્યમાં આગામી 7 દિવસ કેવું રહેશે હવામાન? વરસશે વરસાદ? જાણો અપડેટ

એબીપી અસ્મિતા વેબ ટીમ — Wed, 16 Sep 2026 15:00:02 +0530

Gujarat Rain forecast: આગામી સાત દિવસ રાજ્યમાં હળવાથી મધ્યમ વરસાદની હવામાન વિભાગે આગાહી કરી છે. સૌરાષ્ટ્ર પર લો પ્રેશર અને મોનસૂન ટ્રફ સક્રિય થતા અલગ અલગ વિસ્તારોમાં હળવાથી મધ્યમ વરસાદ વરસી શકે છે. ત્રણ દિવસ થન્ડર સ્ટ્રોમનું પણ હવામાન વિભાગનું અનુમાન છે.. થન્ડર સ્ટ્રોમને પગલે રાજ્યમાં 30થી 40 કિલોમીટર પ્રતિ કલાકની ઝડપ પવન ફુંકાઈ શકે છે. જ્યારે દરિયાકાંઠાના વિસ્તારોમાં પવનની ગતિ 45 કિલોમીટર પ્રતિ કલાકથી વધુ રહી શકે છે.. જેને પગલે આગામી બે દિવસ માછીમારોને દરિયો ન ખેડવા સૂચના અપાઈ છે.. રાજ્યમાં ચોમાસાની સિઝનનો અત્યાર સુધી વરસેલા વરસાદની વાત કરીએ તો કચ્છ ઝોનમાં સિઝનનો અત્યાર સુધીમાં 11.28 ઈંચ વરસાદ વરસ્યો છે.. જ્યારે ઉત્તર ગુજરાતમાં સિઝનનો 18.51 ઈંચ, મધ્ય ઝોનમાં સિઝનનો 27.90 ઈંચ તો સૌરાષ્ટ્રમાં સિઝનનો સરેરાશ 19.96 ઈંચ વરસાદ વરસી ચૂક્યો છે.. જ્યારે દક્ષિણ ગુજરાતમાં સિઝનનો અત્યાર સુધીમાં સરેરાશ 69.36 ઈંચ વરસાદ વરસી ચૂક્યો છે. રાજ્યમાં હજુ પણ ચોમાસાની સિઝનનો નવ ટકા ઓછો વરસાદ વરસ્યો છે.

ચોમાસું ક્યારે લેશે વિદાય

દેશમાં દક્ષિણપશ્ચિમ ચોમાસું હવે તેના અંતિમ તબક્કામાં પહોંચી ગયું છે. હવામાન વિભાગ (IMD) અનુસાર, ચોમાસાની વિદાય 19 સપ્ટેમ્બરની આસપાસ પશ્ચિમ રાજસ્થાનથી શરૂ થઈ શકે છે. સામાન્ય રીતે, પશ્ચિમ રાજસ્થાનથી ચોમાસાની વિદાય 17 સપ્ટેમ્બરની આસપાસ શરૂ થાય છે. જોકે, આ વર્ષે, વિદાય સામાન્ય તારીખ કરતાં લગભગ બે દિવસ મોડી શરૂ થવાની ધારણા છે. જોકે, દેશના ઘણા ભાગોમાં ચોમાસા સંપૂર્ણપણે વિદાય થાય તે પહેલાં વરસાદનો બીજો રાઉન્ડ જોવા મળી શકે છે. બીજી તરફ, કેટલાક રાજ્યોમાં વરસાદ બિલકુલ નહિ પડવાનું અનુમાન પણ છે.

રાજ્યમાં છેલ્લા ચાર દિવસમાં સિઝનનો 10% વરસાદ વરસ્યો

રાજ્યમાં છેલ્લા ચાર દિવસમાં સિઝનનો 10% વરસાદ વરસ્યો છે. આ સાથે જ ગુજરાતમાં અત્યાર સુધીમાં 30.20 ઈંચ સાથે સરેરાશ 85% વરસાદ નોંધાઈ ચૂક્યો છે. એક તરફ રાજ્યના કેટલાક વિસ્તારોમાં ભારે વરસાદ થયો છે, તો બીજી તરફ હજુ પણ 16 તાલુકામાં 10 ઈંચથી પણ ઓછો વરસાદ થયો છે, જ્યારે 42 તાલુકામાં 50% થી 95% સુધી વરસાદની ઘટ જોવા મળી રહી છે.

જિલ્લાવાર પરિસ્થિતિ પર નજર કરીએ તો, દ્વારકા જિલ્લામાં 10.54%, પોરબંદરમાં 24.76% અને જામનગર જિલ્લામાં અત્યાર સુધીનો 39.27% વરસાદ નોંધાયો છે. રાજ્યમાં સૌથી વધુ વરસાદ નવસારીના ખેરગામ તાલુકામાં 120.60 ઈંચ થયો છે, જ્યારે ટકાવારીની દ્રષ્ટિએ સૌથી વધુ વરસાદ નડિયાદ તાલુકામાં 174.52% નોંધાયો છે. ઉત્તર ગુજરાત અને કચ્છના 67 તાલુકામાંથી માત્ર 5 તાલુકામાં જ 100% થી વધુ વરસાદ થયો છે, જ્યારે કચ્છ ઝોનમાં હજુ પણ 50% જેટલી વરસાદની ઘટ વર્તાઈ રહી છે.

20-30ની ઉંમરે કેન્સરનું જોખમ? શરીરના આ સામાન્ય લક્ષણોને ભૂલથી પણ ન અવગણતા

gujarati.abplive.com — Sun, 13 Sep 2026 19:06:16 +0530

cancer risk in young adults: સામાન્ય રીતે જ્યારે પણ 'કેન્સર' શબ્દ કાને પડે છે, ત્યારે આપણા મનમાં વૃદ્ધ લોકો કે મોટી ઉંમરની વ્યક્તિઓની છબી ઊભી થાય છે. આ જ ગેરમાન્યતાને કારણે આજની યુવા પેઢી તેમના શરીરમાં થતા કેટલાક ગંભીર ફેરફારોને નજરઅંદાજ કરી દે છે. જો 20 કે 30 વર્ષની ઉંમરે પણ કોઈ શારીરિક સમસ્યા લાંબા સમય સુધી મટતી ન હોય, તો તેને માત્ર તણાવ, ગેસ, હરસ કે અનિયમિત જીવનશૈલીનું પરિણામ માની લેવું એ મોટી ભૂલ સાબિત થઈ શકે છે. ઘણીવાર આ જ સામાન્ય લાગતા લક્ષણો કોઈ મોટી અને ગંભીર બીમારીની નિશાની હોઈ શકે છે. તેથી, સાચું નિદાન મેળવવા માટે સમયસર ડૉક્ટરની સલાહ લેવી ખૂબ જ જરૂરી છે.

યુવાનીમાં પણ લક્ષણો પ્રત્યે સજાગ રહો

મોટાભાગના યુવાનો એવું માની લે છે કે આ ઉંમરે તેમને કોઈ ગંભીર રોગ થઈ શકે જ નહીં. આ અતિઆત્મવિશ્વાસને લીધે તેઓ લાંબા સમય સુધી પોતાની શારીરિક સમસ્યાઓને અવગણ્યા કરે છે. દાખલા તરીકે, શૌચ વખતે વારંવાર લોહી પડવું એ હરસને કારણે હોઈ શકે, પરંતુ દર વખતે આવું જ માની લેવું હિતાવહ નથી. આ જ રીતે, પેટમાં સતત દુખાવો રહેવો, શરીરના કોઈ ભાગમાં ગાંઠ થવી, અથવા તો કોઈ પણ દેખીતા કારણ વગર અચાનક વજન ઘટવા માંડવું વગેરે જેવા લક્ષણો પાછળ અન્ય ગંભીર કારણો પણ હોઈ શકે છે. જો કોઈ સમસ્યા વારંવાર માથું ઊંચકતી હોય કે લાંબા સમય સુધી ચાલુ રહે, તો તેનું સચોટ નિદાન કરાવવું અત્યંત આવશ્યક છે. જો વહેલાસર રોગ પકડાઈ જાય, તો તેની સારવાર ખૂબ જ સરળ બની જાય છે.

દોડધામભરી દિનચર્યામાં સ્વાસ્થ્યને ન ભૂલો

આજના આધુનિક સમયમાં યુવાનોનું જીવન ખૂબ જ વ્યસ્ત બની ગયું છે. મોડી રાત સુધી ઑફિસનું કામ કરવું, પૂરતી ઊંઘ ન લેવી, મોબાઈલ કે લેપટોપની સ્ક્રીન સામે કલાકો સુધી બેસી રહેવું અને શારીરિક કસરતનો સદંતર અભાવ - આ બધું આજકાલ સામાન્ય થઈ ગયું છે. આ દોડધામમાં યુવાનો ઘણીવાર તેમના શરીર દ્વારા અપાતા નાના-નાના ચેતવણીરૂપ સંકેતોને ગણકારતા નથી. જોકે, તણાવ અને અપૂરતી ઊંઘ એ કેન્સરના સીધા કારણો નથી, પરંતુ આવી અસ્તવ્યસ્ત દિનચર્યા વ્યક્તિને પોતાના સ્વાસ્થ્ય પ્રત્યે બેદરકાર ચોક્કસ બનાવે છે. આ ઉપરાંત, આપણો આહાર પણ સ્વાસ્થ્ય પર સીધી અસર કરે છે. વધારે પડતું વજન, તમાકુ કે દારૂનું સેવન, કસરતનો અભાવ અને રોજિંદા ખોરાકમાં ફળો તેમજ શાકભાજીનું ઓછું પ્રમાણ - આ બધા પરિબળો અમુક ચોક્કસ પ્રકારના કેન્સરનું જોખમ વધારવા માટે જવાબદાર માનવામાં આવે છે. તેથી, રોજિંદી ટેવોમાં સુધારો કરવો ખૂબ જ જરૂરી છે.

આવા ફેરફારો દેખાય તો તરત જ ડૉક્ટરને મળો

જો શરીર પર કોઈ ગાંઠ લાંબા સમય સુધી રહે, અકારણ વજન ઘટવા લાગે કે શરીરના કોઈ ભાગમાંથી અસામાન્ય રીતે લોહી પડતું હોય, તો તરત જ ડૉક્ટરનો સંપર્ક કરવો જોઈએ. આ ઉપરાંત, મોંમાં પડેલા ચાંદા લાંબા સમય સુધી ન રૂઝાવા, સતત ઉધરસ આવવી, અવાજમાં અચાનક ફેરફાર થવો, મળમૂત્ર ત્યાગવાની આદતોમાં અણધાર્યો બદલાવ આવવો કે કોઈ ઘા રૂઝાવામાં વધારે પડતો સમય લાગવો - આ બાબતો પર પણ ગંભીરતાથી ધ્યાન આપવું જોઈએ. જોકે, એવું બિલકુલ નથી કે આ લક્ષણો હંમેશાં કેન્સરના જ હોય; તે કોઈ સામાન્ય બીમારીના પણ હોઈ શકે છે. પરંતુ જો સમસ્યા લાંબા સમય સુધી રહે કે વારંવાર ઊથલો મારે, તો જાતે જ ઘરગથ્થુ ઉપચારો કરવાને બદલે યોગ્ય મેડિકલ ચેકઅપ કરાવવું શ્રેષ્ઠ છે. કેન્સરનું સ્ક્રીનિંગ દરેક વ્યક્તિ માટે એકસરખું હોતું નથી; તે વ્યક્તિની ઉંમર, કેન્સરનો પ્રકાર અને તેના જોખમી પરિબળો પર આધાર રાખે છે. તેથી, યુવાનોએ આ લક્ષણોને સામાન્ય ગણીને બેદરકાર રહેવું જરાય સમજદારીભર્યું નથી. ભલે કેન્સરથી ડરવાની જરૂર નથી, પરંતુ શરીરમાં થતા આવા અસામાન્ય અને સતત ફેરફારો પ્રત્યે જાગૃત રહીને તાત્કાલિક ડૉક્ટરની સલાહ લેવી એ જ સ્વાસ્થ્યની ચાવી છે.

શું તમને ઓશીકું વાળીને ઊંઘવાની ટેવ છે? તો આ આદત બગાડી શકે છે તમારું સ્વાસ્થ્ય

gujarati.abplive.com — Sun, 13 Sep 2026 14:45:40 +0530

Sleeping Habits: રાત્રે આરામથી ઊંઘવા માટે દરેક વ્યક્તિ પોતાની પસંદગીનો રસ્તો અપનાવે છે. કેટલાક લોકોને પાતળું ઓશીકું ગમે છે તો કેટલાક લોકો ઓશીકાને વાળીને કે તેની નીચે બીજું ઓશીકું મૂકીને ઊંઘે છે. આમ કરવાથી શરૂઆતમાં આરામ અનુભવાય છે, પરંતુ લાંબા સમય સુધી ખોટી રીતે ઊંઘવાની આદત શરીર માટે મુશ્કેલી ઊભી કરે છે. ઓશીકું ખૂબ ઊંચું હોવા પર ગરદન પોતાની સાચી સ્થિતિમાં નથી રહેતી. તેનાથી સવારે ઊઠતી વખતે ગરદનમાં દુખાવો, શોલ્ડરમાં ખેંચાણ અને માથું ભારે લાગવા જેવી તકલીફ અનુભવાય છે.

ગરદન પર પડે છે વધુ દબાણ

જ્યારે ઓશીકાને વાળીને ખૂબ ઊંચું કરી લેવામાં આવે છે ત્યારે ઊંઘતી વખતે ગરદન આગળ તરફ નમી જાય છે. આ સ્થિતિમાં ગરદનના સ્નાયુઓ પર વધુ દબાણ પડે છે. જો રોજ આ જ રીતે ઊંઘવામાં આવે તો સવારે ઊઠ્યા પછી ગરદનમાં અકડન અને દુખાવો રહેવા લાગે છે. કેટલીકવાર આ દુખાવો ખભ્ભા અને પીઠ સુધી પણ પહોંચી જાય છે. ખાસ કરીને પેટના બળ પર ઊંઘતા લોકોએ આ વાતનું ધ્યાન રાખવું જોઈએ, કારણ કે આ સ્થિતિમાં ગરદન પહેલાથી જ એક તરફ વળેલી હોય છે. યોગ્ય ઓશીકું એ જ છે જે ઊંઘતી વખતે માથા અને ગરદનને શરીરના બાકીના ભાગ સાથે સીધી સ્થિતિમાં રાખવામાં મદદ કરે.

આ પણ વાંચો...Tawa Cleaning: લોખંડનો તવો હંમેશા નવો જ રહેશે, સાફ કર્યા પછી કરો આ 1 કામ

ઊંઘ પણ બગડી શકે છે

ઓશીકું ખૂબ ઊંચું હોવા પર શરીરને ઊંઘવા માટે સાચી સ્થિતિ નથી મળતી. તેનાથી વારંવાર પડખાં બદલવાની જરૂર પડે છે અને ઊંઘ ઊડી શકે છે. કેટલાક લોકોને સવારે ઊઠ્યા પછી થાક પણ અનુભવાય છે, ભલે તેમણે કેટલાક કલાકો સુધી ઊંઘ લીધી હોય. જો ઓશીકું ખૂબ નરમ હોય અને માથું તેમાં વધુ ખૂંપી જાય, ત્યારે પણ ગરદનની સ્થિતિ બગડી શકે છે. તેથી ઓશીકું પસંદ કરતી વખતે માત્ર તેની જાડાઈ જ નહીં, પરંતુ આરામ અને ગરદનની સાચી સ્થિતિનું પણ ધ્યાન રાખવું જોઈએ. દરેક વ્યક્તિ માટે એક જ પ્રકારનું ઓશીકું યોગ્ય નથી હોતું.

ઓશીકું કેવી રીતે સાચું રાખવું

ઊંઘતી વખતે ઓશીકું એટલું ઊંચું ન હોવું જોઈએ કે માથું શરીરથી ખૂબ ઉપર ઊઠી જાય. પડખું ફરીને ઊંઘતા લોકોએ એવું ઓશીકું રાખવું જોઈએ જે માથા અને ગરદન વચ્ચેની જગ્યાને સરખી રીતે ભરી શકે. પીઠના બળે ઊંઘવા પર સામાન્ય રીતે ખૂબ ઊંચા ઓશીકાની જરૂર નથી હોતી. જો ઓશીકું વાળીને ઊંઘવાની આદત છે, તો ધીમે-ધીમે તેની ઊંચાઈ ઓછી કરી શકાય છે. ઓશીકું બદલ્યા પછી પણ જો ગરદન કે શોલ્ડરમાં સતત દુખાવો રહે છે, તો ડોક્ટરની સલાહ લેવી વધુ સારું છે. સાચી રીતે ઊંઘવું એ શરીરને આરામ આપવાની સાથે દિવસભરનો થાક ઓછો કરવામાં પણ મદદ કરે છે.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાત કે ડોક્ટરની સલાહ લેવી જોઈએ.