અનુરાગ કશ્યપને મુંબઈ પોલીસે મોકલ્યું સમન્સ, એક્ટ્રેસ સાથે યૌન શોષણ મામલે થશે પૂછપરછ
એબીપી અસ્મિતા વેબ ટીમ | 30 Sep 2020 05:15 PM (IST)
એક્ટ્રેસ પાયલ ઘોષે અનુરાગ કશ્યપ પર કથિત રીતે યૌન શોષણનો આરોપ લગાવ્યો છે.
મુંબઈ: બૉલિવૂડ એક્ટ્રેસ સાથે યૌન શોષણ અને દુર્વ્યવહાર મામલે મુંબઈ પોલીસે ડાયરેક્ટર અનુરાગ કશ્યપને સમન્સ પાઠવ્યું છે. અનુરાગ કશ્યપને ગુરુવારે સવારે 11 વાગ્યે વર્સોવા પોલીસ સ્ટેશને પૂછપરછ માટે બોલાવવામાં આવ્યો છે. એક્ટ્રેસ પાયલ ઘોષે અનુરાગ કશ્યપ પર કથિત રીતે યૌન શોષણનો આરોપ લગાવ્યો છે. ઉલ્લેખનીય છે, એક દિવસ પહેલા જ પાયલ કેન્દ્રીય મંત્રી રામદાસ આઠવલે સાથે મહારાષ્ટ્રના રાજ્યપાલ ભગત સિંહ કોશ્યારી સાથે મુલાકાત કરી હતી. પાયલે રાજ્યપાલ પાસે પણ ન્યાયની ગુહાર લગાવી હતી.