Prabhas Dating Kriti Sanon: બોલિવૂડના કોરિડોરમાં નવા કપલના પ્રેમની ચર્ચાઓ જોરશોરથી ચાલી રહી છે. પ્રભાસ અને કૃતિ સેનનનું નામ એક સાથે જોડવામાં આવી રહ્યું છે.
સાઉથનો સુપરસ્ટાર પ્રભાસ તેની પ્રોફેશનલ લાઈફની સાથે સાથે તેની પર્સનલ લાઈફને લઈને પણ ચર્ચામાં રહે છે. પ્રભાસ સાથે અભિનેત્રીનું નામ જોડવું સામાન્ય વાત છે. પરંતુ લાંબા સમયથી ચાહકો બાહુબલીની ગર્લફ્રેન્ડ અથવા તેઓ જેને પ્રેમ કરે છે તેના વિશે જાણવા માંગે છે. દરમિયાન, આ દિવસોમાં કૃતિ સેનન અને પ્રભાસનું નામ એક સાથે જોડવામાં આવી રહ્યું છે. સોશિયલ મીડિયા પર પણ તેનું નામ ખૂબ જ ટ્રેન્ડ કરી રહ્યું છે.
વાસ્તવમાં, જ્યારે કૃતિ કરણ જોહરના શો 'કોફી વિથ કરણ 7'માં પહોંચી ત્યારે તેણે શોની એક ગેમ દરમિયાન પ્રભાસને ફોન કર્યો હતો. આ બંને વચ્ચે કંઈક રંધાઈ રહ્યું હોવાનું અનુમાન લગાવવામાં આવી રહ્યો છે. કારણ કે હવે કરણના શોમાં પહોંચેલા તમામ સ્ટાર્સ સૌથી પહેલા આ ગેમમાં પોતાના પાર્ટનર, ગર્લફ્રેન્ડ કે બોયફ્રેન્ડને બોલાવે છે. આવી સ્થિતિમાં યુઝર્સ માટે આવું વિચારવું સ્વાભાવિક છે.
બોલિવૂડલાઈફના એક અહેવાલ મુજબ, કૃતિ સેનન અને પ્રભાસ આદિપુરુષના સેટ પર પહેલા દિવસથી જ સારા બોન્ડિંગ સાથે જોવા મ્ળ્યાં હતા. બધાને આશ્ચર્ય થયું કારણ કે પ્રભાસ ખૂબ જ શરમાળ છે પરંતુ તે કૃતિ સાથે ખુલીને વાત કરે છે. બંને એકબીજા સાથે વાતચીતમાં ખૂબ જ વ્યસ્ત જોવા મળતા હતા. કહેવામાં આવી રહ્યું છે કે કૃતિ અને પ્રભાસની મિત્રતા ઘણી ખાસ છે. જોકે, બંને વચ્ચેના સંબંધો વિશે કંઈપણ કહેવું વહેલું ગણાશે.
કામની સાથે સાથે બંને એકબીજાને સમજી રહ્યા છે. આવી સ્થિતિમાં, સંબંધો પર હમણાં જ મોહર લગાવવી એ ઉતાવળિયો નિર્ણય હશે. તમને જણાવી દઈએ કે કૃતિ સેનન અને પ્રભાસ ફિલ્મ 'આદિપુરુષ'માં સાથે જોવા મળવાના છે. આ ફિલ્મ માટે ફેન્સ ખૂબ જ ઉત્સાહિત છે.