Katrina Kaif Vicky Kaushal Wedding Date: આજકાલ બૉલીવુડની ગલીઓમાં જો કોઇ સમાચાર સૌથી વધુ છવાયેલા હોય તો તે છે કેટરીના કૈફના લગ્નના. બૉલીવુડની હૉટ એક્ટ્રેસ ગણાતી કેટરીના કૈફ હવે બૉલીવુડ સ્ટાર વિક્કી કૌશલ (Vicky Kaushal) સાથે લગ્ન કરવા જઇ રહી છે. કેટરીના કૈફ (Katrina Kaif)ના વેડિંગ ન્યૂઝ, એટલે કે આ ખબર કચ્ચી છે કે પક્કી.... એ તો અમે નથી જાણતા પરંતુ એટલુ જરૂર છે કે હાલના સમયમાં આ લગ્નની ચર્ચાઓ સૌથી વધુ થઇ રહી છે.
અત્યારે કેટરીના કૈફ અને વિક્કી કૌશલના લગ્નના (Katrina Kaif Vicky Kaushal Wedding) સમાચારો ખુણે ખુણેથી બહાર આવી રહ્યાં છે, પહેલા તેમના વેડિંગ આઉટફિટ વિશે જાણકારી મળી તો પછી તેમનુ વેડિંગ વેન્યૂ સામે આવ્યુ. આ પછી હવે તેમના લગ્નની તારીખ પણ સામે આવી ગઇ છે. મીડિયા રિપોર્ટ્સમાં દાવો કરવામાં આવી રહ્યો છે કે, લગ્નનુ ફન્ક્શન ડિસેમ્બરના બીજા અઠવાડિયામાં થશે, 7 થી 9 ડિસેમ્બર સુધી તમામ રીત રિવાજ કરવામાં આવશે.
ડિસેમ્બરના બીજા અઠવાડિયે લેશે સાત ફેરા-
મીડિયા રિપોર્ટ્સનુ માનીએ તો વિક્કી કૌશલ અને કેટરીના કૈફના લગ્ન માટે ડિસેમ્બરનો મહિનો નક્કી કરવામા આવ્યો છે, કહેવામાં આવી રહ્યુ છે કે, 7 ડિસેમ્બરથી લગ્નનુ ફન્કશન શરૂ થઇ જશે, અને 9 ડિસેમ્બર સુધી ચાલશે. વેડિંગ વેન્યૂની વાત કરીએ તો કહેવામાં આવી રહ્યું છે કે આ કોઇ નોર્મલ વેડિંગ નહીં હોય, પરંતુ એક રૉયલ વેડિંગ હશે. જે રાજસ્થાનના 700 વર્ષ જુના કિલ્લામાં થશે. સવાઇ માધોપુરના એક શાહી રિસૉર્ટને બુક કરવામાં આવ્યો છે. જોકે આ લગ્નમાં કોણ કોણ મહેમાન સામેલ થશે તેના વિશે કોઇ જાણકારી નથી મળી શકી.
સબ્યસાચી ડિઝાઇન કરી રહ્યાં છે કપડાં-
રિપોર્ટ એ પણ છે કે જાણીતા ડિઝાઇનર સબ્યસાચી દુલ્હા અને દુલ્હનના કપડાં ડિઝાઇન કરી રહ્યાં છે. કૉસ્ચ્યૂમ લગભગ ફાઇનલ થઇ ચૂક્યા છે અને હવે ડિઝાઇનર તેને શાનદાર લૂક આપી રહ્યાં છે. કહેવામાં આવી રહ્યું છે કે કેટરીના કૈફે વેડિંગ માટે રૉ સિલ્કને પસંદ કર્યો છે. વળી વિક્કી કૌશલે પણ ડ્રેસને લઇને હાલ કોઇ અપડેટ નથી આપ્યુ. ખાસ વાત છે કે, બન્ને જ પરિવારોએ આ ખબર પર પુરેપુરી રીતે મૌન સાધી રાખ્યુ છે. સમાચારો મીડિયામાં છવાયેલા છે પરંતુ વિક્કી કૌશલ અને કેટરીના કૈફના પરિવાર તરફથી આના પર કોઇ રિએક્શન નથી આવ્યુ.