પ્રિયંકા-નિકના લગ્નનું કાઉન્ટડાઉન શરૂ, મુંબઇમાં સજાવવામાં આવ્યો પ્રિયંકાનો ફ્લેટ

પ્રિયંકા ચોપરાના મુંબઈ સ્થિત ઘરને રોશનીથી સજાવવામાં આવ્યું છે. જોધપુરમાં યોજાનારા લગ્નમાં પ્રિયંકા-નિક હેલિકોપ્ટરથી ઉમ્મેદ ભવનમાં એન્ટ્રી કરવાના છે.

મુંબઈ :પ્રિયંકા ચોપરા અને નિક જોનસના લગ્નનું કાઉન્ટડાઉન શરૂ થઈ ગયું છે. નિક લગ્ન માટે ભારત આવી ચૂક્યો છે. પ્રિયંકા અને નિક હિંદુ અને ક્રિશ્ચન રીતિ-રિવાજ મૂજબ લગ્ન કરશે. પ્રિયંકાના લગ્નના ફંક્શન 30 નવેમ્બરથી શરૂ થઈ જશે. 2 ડિસેમ્બરના જોધપુરના ઉમેદ ભવનમાં આ શાહી લગ્ન યોજાશે.

જોધપુરમાં લગ્ન બાદ બંને બે રિસેપ્શન આપશે. પહેલું રિસેપ્શન ફિલ્મ ઈન્ડસ્ટ્રીમાં મિત્રો માટે મુંબઈમાં યોજાશે. જ્યારે બીજું રિસેપ્શન દિલ્હીમાં યોજાશે.