અભિનેત્રી પ્રિયંકા ચોપડા અને નિક જોનાસ એકબીજા માટે બહુ લકી સાબિત થઈ રહ્યા છે. ગયા વર્ષના અંત સમયે પ્રિયંકા અને નિકે લગ્ન કર્યાં હતા અને લગ્ન બાદ આ કપલ સતત ચર્ચામાં રહ્યું છે. હાલમાં પ્રિયંકાનો સમાવેશ ફોર્બ્સના લિસ્ટમાં સૌથી શક્તિશાળી મહિલાઓની યાદીમાં થયો છે જ્યારે નિકનું ગીત સતત વર્લ્ડ નંબર 1ના સ્થાને છે.
હવે આ જોડીનો સમાવેશ હોલિવૂડના ટોચના સિનિયરોની યાદીમાં થવા લાગ્યો છે. પ્રિયંકા અને તેના પતિ નિક જોનાસની પસંદગી મેટ ગાલા હોસ્ટ કમિટીના સભ્ય તરીકે કરવામાં આવી હતી.
આ કમિટીના અન્ય સભ્યોમાં લેના વેથ, કૈટી પેરી, જૈરેડ લીટો, જેનિફર લોપેઝ અને એલેક્સ રોર્ડિગેઝ જેવા મોટા નામોનો સમાવેશ થાય છે. પ્રિયંકાએ ઇન્સ્ટાગ્રામ પર માહિતી આપી હતી કે તે અને નિક આ વર્ષે મૈટ બોલ કમિટીના સભ્ય છે.