બોક્સ ઓફિસ પર ‘કાબિલ’ આપી રહી છે ‘રઈસ’ને બરાબર ટક્કર, SRKએ તોડ્યો આ રેકોર્ડ
બોક્સ ઓફિસ પર રઈસે બે દિવસમાં 46.72 કરોડ કમાઈ ચૂકી છે. પહેલા દિવસે રઈસે 20.42 કરોડ અને બીજા દિવસે 26.30 કરોડ કમાણી કરી છે.
રીતિકની ફિલ્મ ‘કાબિલ’ની બીજા દિવસની કમાણી 18.67 કરોડ છે. પહેલા દિવસે ફિલ્મ 10.43 કરોડ કમાણી હતી. બે દિવસ બાદ આ ફિલ્મે કુલ 29.10 કરોડ કમાયા છે.
આ સાથેજ શાહરૂખની આ ફિલ્મને ગણતંત્ર દિવસ પર કમાણીનો રેકોર્ડ તોડ્યો છે. રઈસ ગણતંત્ર દિવસ પર સૌથી વધારે કમાણી કરનારી ફિલ્મ બની ગઈ છે. આ પહેલા 2014માં સલમાન ખાનની ફિલ્મ ‘જય હો’ ને 25 કરોડ કમાણી રહી હતી.
કાબિલમાં સંજય ગુપ્તાનું ડાયરેક્શન પણ ઘણુ સરસ છે. તે પોતાની ફિલ્મોમાં સસ્પેંસ વેલ્યુ માટે જાણીતા છે. ફિલ્મમાં રોહિત રોય વિલનની ભૂમિકામાં છે.
કાબિલમાં રિતીક રોશન અને અભિનેત્રી યામી ગૌતમ દ્રષ્ટિહિનની ભૂમિકા ભજવી રહ્યા છે. આ ફિલ્મમાં રિતીકના પરફોર્મંસના વખાણ થઈ રહ્યા છે.
સુપર સ્ટાર શાહરૂખ ખાનની ફિલ્મ રઈસ અને રિતીક રોશનની ફિલ્મ કાબિલને રીલિઝ થયાના બે દિવસ થઈ ગયા છે. આ બે દિવસનું બંને ફિલ્મના બોક્સ ઓફિસ કલેક્શનના આંકડા આવી ગયા છે. જેના પરથી જોઈ શકાય કે રિતીક રોશને શાહરૂખની ફિલ્મને બરાબર ટક્કર આપી છે.
ગણતંત્ર દિવસની રજાનો આ ફિલ્મોને ફાયદો મળ્યો છે. આવતા વિકેંડમાં પણ ફાયદો થઈ શકે છે.
‘રઈસ’ એક્શનથી ભરપૂર છે. જેમાં 80ના દાયકાના ગુજરાત બતાવવામાં આવ્યું છે. સ્ક્રીનપ્લે સારી રીતે લખાયો છે. રઈસમાં સની લિયોનીનું એક આઈટમ સોંગ પણ છે, જેનો લોકો પસંદ કરી રહ્યા છે.
‘રઈસ’ની ખાસિયત એ છે કે તે શાહરૂખની પહેલી આખી એક્શન ફિલ્મ છે. શાહરૂખ ખાનનો અભિનય પણ ઘણો સારો છે. ગેંગસ્ટની ભૂમિકામાં શાહરૂખે સરસ રીતે નિભાવી છે. નવાઝુદ્દીન સિદ્દીકીનો અભિનય પણ આ ફિલ્મમાં ઉત્તમ છે.
શાહરૂખ માટે ‘રઈસ’ ઘણી મહત્વની છે. કેમકે શાહરૂખની છેલ્લી કેટલીક ફિલ્મો ‘દિલવાલે’, ‘ફેન’ બોક્સ ઓફિસ પર કંઈ ખાસ કરી શકી નહોતી.