બોલિવૂડ એક્ટ્રેસ અને મલ્લિકા એ ઇશ્કના નામે પોપ્યુલર રેખા હાલ ખૂબ ચર્ચામાં છે. તે સિંગિંગ રિયાલિટી શો ઇન્ડિયન આઇડલ 2020માં ગેસ્ટ તરીકે હાજર રહી છે. મેકર્સ રેખાની એન્ટ્રીથી માંડીને તેના ડાન્સ અને વાતોનો વીડિયો હાલ સોશિયલ મીડિયા પર વાયરલ થયો છે. સોની ટીવીએ હાલ તેનો એક પ્રમોશન વીડિયો શેર કર્યો છે.
આ વીડિયોમાં રેખાએ એક એવો જવાબ આપ્યો હતો. જેનાથી જજથી માંડીને ઓડિયન્સ બધા જ દંગ રહી ગયા હતા. આ વીડિયોની શરૂઆતમાં શોના હોસ્ટ જય ભાનુશાલી કહે છે કે, “રેખાજી અને નેહુ (નેહા કક્કડ) શું આપે એવી કોઇ મહિલા જોઇ છે, જે મેરિડ પુરૂષ પાછળ પાગલ હોય?
આ સવાલના જવાબમાં રેખા કહે છે કે, “મને પૂછો ના” આ સાંભળીને બઘા જ દંગ રહી જાય છે પછી તે કહે છે કે, ‘મેં કંઇજ નથી કીધું’ ત્યારબાદ જય પણ ખૂબ જ હસવા લાગે છે. તો શોના જજ વિશાળ ડડલાની ઉભા થઇને તાળીઓ પાડવા લાગે છે. નેહા કક્કડ રેખા સામે એકટસે જોઇ રહે છે અને પછી હસવા લાગે છે.
શોમાં કર્યો હતો શાનદાર ડાન્સ
આ શોમા રેખાએ ડાન્સ પણ કર્યો હતો. આ પહેલા શોના મેકરે શોના આ વીડિયોને શેર કર્યો હતો. જેમાં રેખા ‘નિગાહે મિલાને કો’ સોન્ગ પર શાનદાર ડાન્સ કરે છે. રેખાના આ ડાન્સ અને તેમના ચહેરા પરના હાવભાવ જોઇને પ્રેક્ષક સહિત બધા જ દંગ રહી ગયા હતા. મોહમ્મદ દાનિશે રેખાના ડાન્સની પ્રશંસા કરતા કહ્યું હતું કે, ‘ આપ મેં ઉત્સાદવાલી બાત હૈ’
આ શોની ખાસ વાત તો એ રહી કે, આઇડલ સાયલીના પ્રેમના સવાલ પર રેખાએ જે જવાબ આપ્યો. તેને બધાને ચોંકાવી દીધા હતા. રેખાના આ જવાબ પર શોના હોસ્ટે કહ્યું હતું કે, ‘યે લગા સિક્સર’ રેખાના કારણે આ એપિસોડ ખૂબ જ સ્પેશિયલ બની ગયો હતો, અને તેના વીડિયો હાલ સોશિયલ મીડિયા પર વાયરલ થયા છે.