ટાઈમ મેગેઝીનની આ સ્ટોરીની પ્રશંસા કરતાં રિચા ચઢ્ઢાએ પીએમ મોદી તથા ભારતીય મીડિયાને લઈને કટાક્ષ કર્યો હતો. તેણે કહ્યું હતું કે જ્યારે તમે દેશ બહારના પ્રેસ તથા મીડિયાને ખરીદવાની તાકત નથી રાખતા ત્યારે આમ જ થાય છે. રિચા ચઢ્ઢાની આ ટ્વીટને ડિરેક્ટર અનુરાગ કશ્યપે રી-ટ્વીટ પણ કર્યું છે.
ટાઈમ મેગેઝીનમાં આ કવર સ્ટોરી આતિશ તાસીરે કરી છે. 1980માં બ્રિટનમાં જન્મેલા આતિશ ભારતીય પત્રકાર તવલીન સિંહ તથા પાકિસ્તાની રાજનેતા તથા બિઝનેસમેન સલમાન તાસીરનો પુત્ર છે. આતિશની પહેલી બુક 'સ્ટ્રેન્જર ટૂ હિસ્ટ્રી' 14થી વધુ ભાષામાં ટ્રાન્સલેટ કરવામાં આવી છે. 2011માં આતિશના પિતાની હત્યા થતાં તેમણે પાકિસ્તાનની પરિસ્થિતિ પર એક આર્ટિકલ લખ્યો હતો.