શાહરૂખ ખાનની કંપનીની કેન્ટિન મુંબઈ કોર્પોરેશન દ્વારા કેમ તોડી પડાઈ?

બીએમસી અધિકારીઓએ જણાવ્યું કે, સ્થાનિક વોર્ડ ઓફિસરોને કેન્ટીનના ગેર કાયદેસર બાંધકામ વિશેની માહિતી મળી હતી. અમારા ઓફિસરોએ તપાસ કરી તો તે વાત સાચી હતી. ત્યારપછી તેને તોડી પાડવામાં આવી છે. તેમણે જણાવ્યું કે, ડેપ્યૂટી મ્યૂનિસિપલ કમિશ્નર કિરણ આચરેકરની આગેવાનીમાં આ કાર્યવાહી કરવામાં આવી છે.

ન્યૂઝ એજન્સીના જણાવ્યા પ્રમાણે બીએમસીના એક સીનિયર સિવિલ ઓફિશિયલના જણાવ્યા પ્રમાણે, આ કાર્યવાહી ચોથા માળે કરવામાં આવી છે. ત્યાં રેડ ચિલીઝ પ્રોડક્શન હાઉસના કર્મચારીઓ માટે ગેર કાયદેસર કેન્ટીન બનાવવામાં આવી હતી. તે માટે બીએમસી પાસેથી મંજૂરી લેવામાં આવી નહતી. આ બિલ્ડીંગ ગોરેગાંવ વેસ્ટમાં ડીએલએક્સ મેક્સ બિલ્ડિંગમાં છે. તેમણે જણાવ્યું કે આ સ્ટ્રક્ચર અંદાજે 2,000 સ્ક્વેર ફૂટમાં બનાવવામાં આવ્યું છે, તેને સાફ કરી દેવામાં આવ્યું છે.

રેડ ચિલીઝ તરફથી આપવામાં આવેલા નિવેદનમાં કહેવામાં આવ્યું છે કે, રેડ ચિલીઝ વીએફએક્સ આ બિલ્ડિંગમાં ભાડે છે અને આ પ્રોપર્ટી તેમની નથી. આ બિલ્ડિંગમાં એક ઓપન એરિયા છે અને તેનો ઉપયોગ કર્મચારીઓ દ્વારા ઘરેથી લાવેલું ટીફિન જમવા માટે કરે છે. બીએમસીએ જે હિસ્સો તોડી પાડ્યો છે તેના ઉપર એનર્જી સેવિંગ સોલર પેનલ લગાવવામાં આવી હતી. તે આ બિલ્ડિંગને ક્લિન એનર્જી આપતું હતું. રેડી ચિલીઝ આ વિશે બીએમસીની સંબંધિત ઓથોરિટી સાથે વાત કરશે.

મુંબઈઃ બીએમસી દ્વારા ગુરુવારે બોલીવુડના સ્ટાર શાહરૂખ ખાનના પ્રોડક્શન હાઉસ રેડ ચિલિઝના ગેરકાયદેસર રીતે બનેલા ભાગને તોડી પડ્યો છે. એએનઆઈ અનુસાર ગોરેગાંવ સ્થિત શાહરૂખના પ્રોડક્શન હાઉસના 2 હજાર ચોરસફુટનો ભાગ ગેરકાયદેસર રીતે બનાવવામાં આવ્યો હતો. બીએમસીએ પ્રોડક્શન હાઉસના ચોથા માળ પર બનેલ ગેરકાયદેસર કેન્ટીનને તોડી પાડી છે. આ સમાચારની પુષ્ટિ રેડ ચિલિઝ દ્વારા કરવામાં આવી છે. રેડ ચિલિઝના અધિકારીઓનું કહેવું છે કે, તેઓ આ જમીનના માલિક નથી પણ ભાડુઆત છે.