Krishnakumar Kunnath Died: કોલકાતામાં એક લાઈવ મ્યુઝિક કોન્સર્ટ દરમિયાન બોલીવુડના જાણીતા ગાયક કેકેનું અવસાન થયું છે. આ લાઈવ કોન્સર્ટમાં ગીત ગાતી વખતે જ કેકેને હાર્ટ એટેક આવ્યો હતો. આ પછી તેને તાત્કાલિક સીએમઆરઆઈ હોસ્પિટલમાં લાવવામાં આવ્યા હતા. જો કે, હોસ્પિટલના તબીબોએ તેમને મૃત જાહેર કર્યા હતા. કેકે 53 વર્ષના હતા. તેમણે હિન્દીમાં 200 થી વધુ ગીતો ગાયા છે. તેમણે હમ દિલ દે ચૂકે સનમ ફિલ્મમાં પણ ગીતો ગાયા હતા.
ઉલ્લેખનીય છે કે, કોલકાતામાં આયોજીત આ કોન્સર્ટમાં ગીત ગાતી વખતે જ કેકેની તબીયત બગડી હતી. અચાનક તબીયત ખરાબ થતાં કેકેને હોસ્પિટલમાં ખસેડવામાં આવ્યા હતા. જો કે હોસ્પિટલના ડોક્ટરોએ તેમેને મૃત જાહેર કર્યા હતા. ઈંસ્ટાગ્રામ પોસ્ટમાં કેકેએ આ લાઈવ મ્યુઝિક કોન્સર્ટના ફોટો પણ શેર કર્યા હતા. આ મ્યુઝિક કોન્સર્ટ કોલકાતાની વિવેકાનંદ કોલેજમાં યોજાયો હતો. કેકેના નિધનથી ફિલ્મી જગતમાં એક સારા સિંગરની મોટી ખોટ પડી છે.