તુનિષા શર્મા આત્મહત્યા કેસના આરોપી શિઝાન ખાન સહિત તેની બંને બહેનો હાલ ચર્ચામાં છે. ‘અલી બાબા: દાસ્તાન-એ-કાબુલ’ ફેમ એક્ટર શિઝાન ખાન પર તુનિષા શર્માને આત્મહત્યા માટે ઉશ્કેરવાનો આરોપ છે. જેના કારણે પોલીસે શિઝાન ખાનની ધરપકડ કરી છે. શીઝાનની ધરપકડ બાદ તેની બંને બહેનોએ મીડિયા અને લોકો પાસેથી પ્રાઇવસીની અપીલ કરી છે.
શિઝાન ખાનની બહેને માતા પર લગાવ્યો હતો ગંભીર આરોપ
ફલક અને તેના પરિવાર સાથે શફાક નાઝનું બોન્ડ સારું નથી. શફાકે તેની માતા પર પૈસા પડાવી લેવાનો આરોપ લગાવ્યો હતો. આ પછી તેની બહેન ફલક નાઝે ખુલાસો કર્યો કે તેણે શફાક સાથેના તમામ સંબંધો તોડી નાખ્યા છે. ફલાકે કહ્યું હતું કે શફાક હવે નાઝ પરિવારનો ભાગ નથી. 2018માં આપેલા એક ઈન્ટરવ્યુમાં ફલાકે કહ્યું હતું કે, “બે વર્ષ પહેલા (2016) તે અમારાથી દૂર થઈ ગઈ હતી. તેણે મારી માતા પર પૈસા પડાવવાનો આરોપ લગાવ્યો હતો. તેણે ઘર છોડી દીધું અને ફરી ક્યારેય અમારી સાથે વાત કરી નહીં." શિઝાન, ફલક અને શફાકની માતાએ તેમને સિંગલ પેરેન્ટ તરીકે ઉછેર્યા છે. આવી સ્થિતિમાં ફલકે કહ્યું કે તેની માતા શફાકના આરોપોથી ભાંગી પડી છે. ફલકે કહ્યું કે તે ક્યારેય શફાક સાથે સંબંધ રાખવા માંગતી નથી. ફલકે શફાક પર આરોપ લગાવ્યો હતો કે તેને પરિવારનો સ્પોર્ટ બનવું નથી તે વિશ્વની શોધખોળ કરવા અને વૈભવી જીવન જીવવા માંગતી હતી. ઘર છોડ્યા પછી શફાક નાઝે ક્યારેય તેના પરિવારના સભ્યો સાથે વાત કરી નથી.
શિઝાનની બંને બહેનો ટીવી અભિનેત્રી છે
શફાક નાઝ એક લોકપ્રિય ટીવી અભિનેત્રી છે. તેણે 'મહાભારત', 'ઝૂ' અને 'ગમ હૈ કિસી કે પ્યાર મેં' જેવી સિરિયલોમાં કામ કર્યું છે. ફલક એક લોકપ્રિય ટીવી અભિનેત્રી પણ છે, જેને 'સસુરાલ સિમર કા' થી લોકપ્રિયતા મળી હતી. બીજી તરફ ફલક નાઝે ‘સસુરાલ સિમર કા’, ‘મહાકાલી’, ‘વિશ યા અમૃત-સિતારા’ અને ‘રામ સિયા કે લવ કુશ’ જેવા પ્રખ્યાત શોમાં કામ કર્યું છે. શિઝાનની બંને બહેનો શફક નાઝ અને ફલક નાઝ બંને ટીવીની દુનિયામાં જાણિતુ નામ છે. શિઝાનની જેમ જ તેની બંને બહેનોએ પણ પોતાના જબરજસ્ત અભિનયથી લોકોના દિલોમાં સ્થાન બનાવ્યું છે. શિઝાન ખાનની બે બહેનો શફક નાઝ અને ફલક નાઝે ટીવી પર મોટું સ્થાન હાંસલ કર્યું છે.